هو العادى انه يكون فى مشاكل ومواقف طول فترة الخطوبة عشان كل واحد يعرف التانى اكتر وبالعكس بتكون حاجة بتقربهم من بعض جدااا.. بس انتى ع حد وصفك " مشاكل كتير" يعنى ايه ؟ يعنى مشاكل كل شوية ع الفاضى والمليان ولا نفس المشاكل مابتتحلش ولا مش عارفين تلاقو ارضية مشتركة بينكم تحلو بيها مشاكلكم... من بعد احترامى ليكى ، انتو بتحبو بعض جدا لكن دا مسكن لو هنقول اننا عشان بنحب بعض فهنستحمل وخلاص هنعدى وخلاص انتى كدا عاملة زي الى بياخد مسكن مش علاج! فعند تقييمك للموقف جنبى حتة الحب دى شوية عشان تشوفى الصورة واضحة.. جايز كل واحد فى صفات التانى مش حاببها فيه ودا مسبب مشاكل بس تحت غطاء الحب كله مستحمل وعامل نفسه تمام ويجى بعد كدا- بعد الزواج خصوصا- تحصل مشاكل اكتر واكبر... هو مابيعرفش يعبر عن حبه بالكلام عادى جدا.. ليه طرق تانية بيعبر بيها عن حبه منها الاهتمام- بيحب يجيب هدايا - بيغير عليكى جدا - مابيحبش فى يوم ينيمك زعلانة.. كل واحد ولية لغة الحب بتاعته.. انتى بقى بتحبى تستقبلى الحب ب انى لغة ؟وهل متقبلة طريقة خطيبك ف التعبير ؟ مشكلة العصبية الى عنده دى طبع فيه ؟ ولا هو مضغوط الفترة دى وسلوكة متغير.. انتى ادرى واحدة ولازم تراجعى موقفك من اذا كان بامكانك تتعاملى معاه مستقبلا او لا بسبب حوار العصبية وهل هو لو نوع عصبى بيشتغل ع نفسه عشان يغير سلوكه ؟ مشاكله الكتير الى بتصبرى عليه فيها وبتساعديه فيها هل انتى شايفة ان هيا دى الى واخداة منك ؟ وبسببها مابقاش مهتم زاى الاول ؟ العلاقات اساسها الاهتمام ..والاهتمام اساس الحب...راجعى علاقتكم ومواقفكم سوا شوفى انتى قصرتى فى حاجة مثلا.. ممكن اهتمامك الزيادة بيتقلب عكسي عليكى لازم توازنى امورك .. مش هتقدرى تدى اهتمام من غير ما تستقبلى هيجيلك وقت وطاقتك هتخلص انتو حرفيا بتشحنو بعض.. ولو مشاكله السبب ادعميه وكونى جمبه وهو اكيد هيدور ازاى يردلك الموقف دا..
عارفة مشكلتك انك مستنية يهتم بيكى زاى منتى بتهتمى به وحاطة توقعات عالية وللاسف بيخيب املك ف التوقع دا.. لكن انا عاوزك ماتشوفيش حاجة وتسيبى الباقى.. انا عارف ان اهم حاجة حقيقى بيكون الاهتمام لكن الراجل زاى منتى شرحتى معاه مشاكل وحزنه على اخوه ممكن لو ظروف احسن يمكن كان اسلوبه غير.. وزاى منتى قلتى غيرته وهداياه كل دا حطيه معاكى ف حسابك.. واعذريه لو موصلكيش احساسه بالاهتمام.. ممكن هو مش شاطر ف الحتة دى لكن شاطر فى حاجات تانية..اتوقع ان انتى سؤالك الحقيقى هل هو عشان مش شايفة منه اهتمام يبقى مابيحبنيش او يكون حبه قل ليا ؟ انا شايف لا
تم النشر الخميس، ٩ يناير ٢٠٢٥
المشكلة الوحيدة هيا الإهتمام
تم النشر الخميس، ٩ يناير ٢٠٢٥
احنا مش مخطوبين كده احنا كنا مرتبطين وبعد كده اتخطبنا وهوا اللي قالي إنه بيحبني في الأول هوا اللي كان دايما يكلمني مشاكلنا كلها هيا بسبب حاجه واحدة بس مفيش اهتمام منه اوي صفاته كلها عجباني وهوا كمان نفس الموضوع بس بيدايقني إن مفيش اهتمام ولو حاولت انا ابعد واقول مش هسأل بيتصل كتير وبيبعتلي اكتر ويرجع يزعق عشان مش بكلمه ويزعل في حكاية مبيعرفش يعبر عن حبه بالكلام فهوا من ناحية بيغير بيغير جامد وعمل خناقة قبل كده واحنا ماشين مع بعض في واحد ضايقني ضربه وانخانق معاه بيجيب هدايا كتييير جدا بس ساعات كتير بنام زعلانة منه عادي مش بتفرق معاه بس تاني يوم بيبعتلي لو كانت على عصبيته فأنا عادي مش فارقه معايا عصبيته لان بعرف اتعامل معاه هيا طبع فيه هوا كان في مشاكل معاه وكده بسبب اخوه وفي قضية لأن اخوه مقتول وهوا معاه محامين وكده والدنيا معاه مش لطيفة ،بيقول إنه هيغير سلوكه لكن للأسف مبيحصلش كده ،لما يلاقيه مدايق وكده بحاول اضحك معاه واهون عليه ،
تم النشر الخميس، ٩ يناير ٢٠٢٥
لعرض الإجابة في فدني اضغط هنا