اولادي ليسوا صغيرين،
انا مضطر ان انام قبل الاسره لاني استيقظ مبكرا لظروف العمل، والاسره تنام متأخر جدا
ومن الصعب اغلاق باب الغرفه مع زوجتي امام اولادي...
والاغرب اني شرحت لزوجتي ان يجب ان تغير عاده السهر للاسره لتنظيم اوقاتنا ولكن لم يحدث ذالك والاغرب انها تلقي اللوم عليا باني نافر منها ولكن ما بداخلي هو العكسِ...
ارجو المساعده واكيد هذه مشكله منتشره في هذه الاجيال
الحل أن تستيقظ مبكرا جدا بعد نوم الأولاد وقبل ذهابك للعمل وهذا الوقت (قبل صلاة الفجر) من الأوقات التي جاءت في الآية الكريمة عن استئذان الأبناء قبل دخولهم على الآباء: (يَا أَيُّهَا الَّذِينَ آمَنُوا لِيَسْتَأْذِنْكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنْكُمْ ثَلاثَ مَرَّاتٍ مِنْ قَبْلِ صَلاةِ الْفَجْرِ وَحِينَ تَضَعُونَ ثِيَابَكُمْ مِنَ الظَّهِيرَةِ وَمِنْ بَعْدِ صَلاةِ الْعِشَاءِ ثَلاثُ عَوْرَاتٍ لَكُمْ لَيْسَ عَلَيْكُمْ وَلا عَلَيْهِمْ جُنَاحٌ بَعْدَهُنَّ طَوَّافُونَ عَلَيْكُمْ بَعْضُكُمْ عَلَى بَعْضٍ كَذَلِكَ يُبَيِّنُ اللَّهُ لَكُمُ الآيَاتِ وَاللَّهُ عَلِيمٌ حَكِيمٌ)
تم النشر الثلاثاء، ١٠ سبتمبر ٢٠٢٤
السلام عليكم ورحمه الله وبركاته الوضع اللي حضرتك بتتساءل فيه ازاي ان احنا نحله محتاج ان احنا نرسي قواعد في الاسره ودي مش مسؤوليه الام لوحدها حضرتك ممكن يعني مش هقول ممكن بس هو ضروري انك تكون بتحط قواعد والاولاد يكونوا عارفين ان دي قواعد ما فيهاش هزار ان دي قواعد ما ينفعش البيت يكون مشي من غيرها في مواعيد للنوم ضروري كل ينام مش بتبقى حضرتك بتنام بدري والاولاد قاعدين سهرانين ده ما ينفعش الموضوع محتاج تدريب ومحتاج انك يعني تكون وراهم في الموضوع ده لحد ما النظام ده يكون خلاص متبع في البيت وما فيهوش كلام الام من وراها حاجات بتعملها اهو مش هينفع تنام دلوقتي ده ملهوش علاقه خالص بان الولاد اتفضلوا علشان ميعاد النوم الساعه كذا حتى لو بابا بيخش ينام قبليكم بشويه ولكن انتم ميعاد منكم الساعه كذا بابا لو قام فقست الليل لقيتهم لسه صاحيين فاا ده لازم يكون ليه عواقب علشان النظام يمشي صح ده اولا ثانيا من الاسس اللي ضروري تكون موجوده في البيت انه لا في اوقات هي خاصه بماما وبابا الاوقات دي ان احنا قاعدين بنتكلم ومش عايزين حد يدخل علينا. ان احنا حاليا يعني مخففين هدومنا فما ينفعش انه حد من الاولاد يدخل كل الحاجات دي في ايدينا من الاداب فضروري الولاد يتعلموا الكلام ده يتعلموه من ناحيه الدين ويتعلموه من ناحيه الاداب ويتعلموه من ناحيه الذوقيات وكل حاجه لان هم هيتابعوها في كل مكان ومع اي حد مش بس معاكم هيفهموا انه لا لما يكون في باب اوضه مقفول او باب اوضه مردود انا مش مسموح لي ان انا ادخل. بدون استئذان مش مسموح لي حتى ان انا ابص جوه الاوضه ايه اللي بيحصل جوه او من جوه او بيعمل ايه لا انا ضروري جدا ان انا تكون عينيه مش بتطلع طالما في باب مردود او باب مقفول ااا قصه انه ما ينفعش اقفل الباب في وش اولادي واحنا نايمين لا هو ده كده. القاعده المحطوطه غلط في البيت حل المساله دي بالاضافه لاني كنت هقترح عليك نفس الامر اللي اقترحه عليك استاذ جاد ان حضرتك تصحى تصحى بدري وقت الفجر اكيد قبل ما تقوم تتحضر. لشغلك والزوجه كذلك. ده بيكون افضل حل يعني وطبعا البيبي يكون مقفول فهنرجع ثاني لنفس النقطه اللي تكلمنا فيها.
تم النشر الثلاثاء، ١٠ سبتمبر ٢٠٢٤
المفروض انك تواجهها بكدا وتعرفها ايه هو الغرض اللي انت عايزة يعني تصحح الفكرة اللي هي واخداها اما قصه سهر الاولاد انت اتكلم معاهم قلهم ان السهر مينفعش وبيسبب مشاكل صحيه والمفروض تبدأو تنظمو نومكم عشان الدراسه كدا كدا داخله اما الزوجه كلمها وقلها انك بتنام عشان الشغل ومش عايز ترهق نفسك + لما ترجع من الشغل حاول تقعد معاهم تتكلم تهزر او تخرجهم عشان تصحح الفكره
تم النشر الثلاثاء، ١٠ سبتمبر ٢٠٢٤
لعرض السؤال في فدني اضغط هنا