انا مسلم وحبيت وحدة مسيحية وبعد كده انفصلنا لاسباب معروفة انو مينفعش عشان اهالينا وكده وفضلنا صحاب عادي زي الاول وفعلا انا مبقتش احبها بس من بعد كده كل ما بدخل علاقة مع بنت زي من ديني وكده بلاقي دايما اختلاف وصعوبة في التفاهم بينا مش عارف ايه الاسباب؟؟؟؟
للأسف انت اتعودت علي طريقتها على كل حاجه ده جعلك ان عادات الإسلام او اللي مختلف عن البنت دي مش عاجبك بيبقى فيه اختلاف بين الشخصين او انت حابب انك تكون مع المسيحيه فأي بديل لن يعطيك مثل ما أعطاك الاصل ممكن تتجوزوا انت والمسيحيه لو اقنعتها انها تأسلم
تم النشر الجمعة، ٢٨ يوليو ٢٠٢٣
الموضوع ممكن ميبقاش مشروط مع بنت من نفس دينك .. كل ما في الموضوع انك لسه ملقتش البنت اللي يكون فيه بينك وبينها توافق ... الا بقى لو كانت المسيحية فيها فرق ف التعامل عن المسلمة ؟ هل ده السبب من وجهة نظرك؟
تم النشر السبت، ٢٩ يوليو ٢٠٢٣
عشان لسه انت ملقيتش فعلا الشخص الي يريحك ويفهمك وطباعه بتكمل طباعك
تم النشر الجمعة، ٢٨ يوليو ٢٠٢٣
الحب عمره ما يتحول صداقه ابدا وتقريبا دا ماثر على علاقاتك الباقيه + العلاقات الغير شرعيه حرام فبلاش تستهون بالموضوع + تقريبا ممكن يكون بيحصل مقارنات ف دماغك بينهم ودا بيخليك مش مرتاح لو هتقدر تاخد خطوه اتجوز اللى حبيتها بعد اعلان اسلامها
تم النشر الجمعة، ٢٨ يوليو ٢٠٢٣
الحب مبيتحولش صداقه ابدا ويمكن دا اللى ماثر على اى علاقه بتدخلها
تم النشر الجمعة، ٢٨ يوليو ٢٠٢٣
انت ما اخطأتش لكن لازم تعرف ان فيه فرق كبير بين انك اتعودت على طباع شخص وانك اتعودت او حبيت طباع تربية ودين الشخص الواضح انك اتعودت ع المسيحية وطباع دينها اللي فيه تجاوزات كتير وفروق كتير بينا وبينهم طبيعي لما ترتبط بمسلمة مش هتلاقي نفس التعامل ولا نفس الطبع فا الاول اتعود ع دينك واعرف اسسه وارتبط من خلاله افضل ليك عشان ع الاقل تعرف تختار الزوجة الصالحة
تم النشر الجمعة، ٢٨ يوليو ٢٠٢٣
ده مش وهم الفكرة اني بلاقي صعوبة مع اى حد غيرها بالرغم اني مبقتش احبهاا!!!
تم النشر الجمعة، ٢٨ يوليو ٢٠٢٣
لان عقلك الباطن اوهمك ان مفيش حد هيفهمك زيها وان معدتش هتلاقي احسن منها
تم النشر الجمعة، ٢٨ يوليو ٢٠٢٣
خلي العلاقة شرعية الأول و حط معايير لاختيارك ، من ناحية الدين و الثقافة و المستوى و غيره لأنه اكيد مش الكل مناسب ، و خليك متأكد من نقطة و هى ان المشكلة مش لأنكم من نفس الدين ، المشكلة قي الشخص ذات نفسه ، فخليك متروي في اختيارك
تم النشر الجمعة، ٢٨ يوليو ٢٠٢٣
أخي العلاقات الغير شرعيه محرمه ازاي عاوز تستريح وأنت بتعمل معصيه ربنا نهاك عنها في كتابه الكريم ؟
تم النشر الجمعة، ٢٨ يوليو ٢٠٢٣
لعرض السؤال في فدني اضغط هنا