السلام عليكم ازيكم عاملين ايه
عندي مشكلة اني مش بلاقي مواضيع لما بقعد مع اصحابي ف بيزهقوا مني والقعدة بتبقي صامته خالص
اول حاجه بجي مثلا اقابل حد صديق ليا بقعد اتكلم معاه ويبقي ملهوف ف الاول وبحكي كتير اوي وارد عليه اول باول واقول تفاصيل مينفعش اقولها المفروض اخليها لنفسي بس بحكي بطيب خاطر مجرد ما بسكت بلاقي اللي قدامي سكت وبيفضل كل شوية يمسك التليفون اقوم مطلع اي موضوع واحاول اجيب كلام مفيش ف بيفضل كدا لحد ما تخلص القعدة وامشي بزعل اني حكيت تفاصيل مينفعش تحكيها واني كنت لازم اعمل كونترول شوية علي كلامي دي حاجه
وفي حاجة تانية بتكلم بحسن نيه عادي مع كل الناس المفروض متكلمش الا لما حد يسالني ف حاجة وبرضو مش كل حاجه اقولها حتي لو عارفها بس مجرد ما حد بيسألني خرج مثلا اقولوا اه خرجت مع فلان ورحنا كذا كذا بضايق اني مش عارف اعمل كنترول وبحس أن الناس بتهرب مني أو صحابي بس مش بيكلموني زي ما انا ببعت وبسأل ومفيش ود وفتح كلام زي ما بيفتحوا كلام سوا
عليكم السلام! إزيك؟ أول حاجة خلي عقلك مفتوح وبدون ضغط على نفسك، مش كل قعدة لازم تبقى مليانة كلام طول الوقت. بالنسبة لموضوع إنك بتقعد مع أصحابك وبتتكسف لأنك مش عارف تلاقي مواضيع: الاستماع ثم الكلام : جرب تسمع أكتر ما تتكلم. دي طريقة كويسة عشان تفهم اهتمامات اللي قدامك وبعدها تقدر تشارك في نفس الموضوع. الأسئلة المفتوحة : حاول تفتح مواضيع بأسئلة مفتوحة، زي "إيه الجديد في حياتك؟"، "شفت الفيلم ده؟"، الحاجات اللي بتحتاج إجابات طويلة بتساعد المحادثة. قراءة الأجواء : لو حسيت إن اللي قدامك مسك التليفون، ممكن يبقى مشغول أو عنده حاجة. لو التساؤلات مملة او محادثة ثابتة، يمكن نحتاج نقلل التفاصيل. بالنسبة لموضوع المشاركة بزيادة: الفلترة : دايمًا خليك حاطط في بالك إن في حاجات لازم تبقى خاصة. ركز على الفلترة قبل ما تبدي رأيك أو تحكي تفاصيل. الصمت المؤقت : مش غلط إنك تاخد لحظة تفكر قبل ما تتكلم، الصمت المؤقت بيدي مساحة إن الحوار يبقى طبيعي. مراقبة ردود الأفعال : لو شوفت إن اللي قدامك باهت أو زهقان، حاول تغير الموضوع أو تسأل حاجة تانية. آخر حاجة، موضوع التواصل ده ممارسة. تلاقي نفسك كل ما تتدرب عليه هتتحسن فيه. كمان، لو حسيت بضغط جرب تكون مع نفسك لفترة وتقيم العلاقات بشكل عام، مش كل الصداقات لازم تكون نفس المستوى. أدري إنك هتقو وتعرف تتحكم أكتر مع الوقت، إنت قدرتك أكبر مما تتخيل! 🌟
تم النشر السبت، ٢٠ يوليو ٢٠٢٤
الموضوع ده مر عليا انا شخصيا و اتحطيت فيه كتير و لمدة سنييين كتيرة حاول تقعد مع نفسك و تكتب الحاجات اللي المفروض متقولهاش لاي حد زي سر أو مشاوير خاصة و اكتبها كلها و احكي براحتك ف ورقة و بعدين تحرق الورقة و تقعد تاني مع نفسك و اعمل محادثة صغيرة مبينك و بين ذاتك و حاول تتدرب مع نفسك انك متتكلمش في الحاجات دي و مع التدريب هتلاقي نفسك عامل كنترول لكلامك كله اما بخصوص انك مش بتلاقي مواضيع تتكلمي فيها ف انصحك تبحث/ي المواضيع الترند اليومين دول و تحاولي تتكلمي معاهم فيها و أن شاءالله هتلاقي تجاوب و كل حاجة تبقا تمام ❤️
تم النشر السبت، ٢٠ يوليو ٢٠٢٤
ليسوا أصدقاءك. هؤلاء معارف، زملاء، أي وصف إلا الصداقة. لا تنزعج من فكرة عدم وجود صديق حقيقي، سل الله أن يرزقك إياه، وأعد تقييم وفرز دائرة علاقاتك، لا تُبقِ فيها إلا من يستحق. انتبه! لا أقول لك قاطع الناس وعش منفردًا، لكن لا تدخل أحد، أي أحد لمساحتك الشخصية وهو غير مستحقٍ لهذا. عوضًا عن ذلك شاركنا هنا، منها تتحسن مهاراتك في الكتابة، ومنها تقابل ثقافات وعقليات مختلفة ومتنوعة، ومنها تفيد وتستفيد. بالتوفيق.
تم النشر السبت، ٢٠ يوليو ٢٠٢٤
بص هو في كام خطأ كدا عايزه اقول عليهم لان دا هيعملك مشاكل كتير جدا بعد كدا بالذات ان اعتقد ان سنك صغير و خبرتك في الحياه بسيطه اولا لازم تفكر في الكلام قبل ما تنطق اي حرف فكر كويس انت صريح و نيتك صافيه بس دا مينفعش في الأيام دي و و سط الغابه اللي عايشين فيها تاني حاجه انك حاول مش انت اللي تفتح مواضيع دايما خليك غامض محدش يعرف عنك حاجه و الرد على قد السؤال فقط لا اكتر ممكن أقل وان اصحابك بيبعدو عنك دا لانك عفوي في الكلام و هما يخافو تقول حاجه عنهم بحسن نيه تعمل مشاكل ليهم عشام كدا محدش هيحكيلك حاجه حاجه كمان لو شخص انت بتحب و حابب تتكلم معاه ف ياريت ميكونش عن حاجه تخصك اتكلم احسن عن السياسه او البلد مثلا لكن ابعد عن خصوصيتك
تم النشر السبت، ٢٠ يوليو ٢٠٢٤
ربنا معاك
تم النشر السبت، ٢٠ يوليو ٢٠٢٤
لعرض السؤال في فدني اضغط هنا