السلام عليكم عندى بنتى ملهاش فى التعليم وبتنجح كل سنه بالعافيه ودخلت الثانوى وشالت مادتين وبعدين دخلت كليه تربيه نوعيه جت فى اول سنه شالت 7 مواد وعادت السنه فى الاعاده دى اتعرفت على شاب وبقوا يتفقوا انهم يتقابلوا ويخرجوا من ورانا اخوها عرف اخد منها التليفون وبعد الامتحانات بتاعه الترم ده لقينا معاها تليفون تانى منعرفش عنه حاجه انا عاوزه اقعدها من الكليه لانها كدا كدا ملهاش فى التعليم وانا خايفه لتعمل حاجه اكتر من كدا وخايفه اقول لابوها احسن يجراله حاجه
انا عاوزه اسال اتصرف ازاى وهل لو قعدتها هيبقى حرام عليا
خليها تكمل بس متنزلش كتير وقربى منها اكتر عرفيها انك هتبدأى تسحبى منها صلاحيات كتير بسبب خيانه ثقتك فيها وانها بتتصرف بشكل هى مش مدركة انه غلط وانك تقدرى ترجعى الصلاحيات دى بس لما هى تثبت انها قد الثقه تانى لو قعدتيها من الكليه وهى افكارها ومبادئها لسه فى الغلط مش هيفرق حاجة وهتدور على مليون طريقة تكمل بيها الغلط لكن انتى لازم تعرفى ان هى كده محتاجة توجيه ورقابه بشكل كبير اشتركيلها فى حاجة مفيدة مثلا كورس تطريز او خياطة او اى حاجة من اهتماماتها ..ده هيساعدها اكتر بما انها الدراسة مش بتقدر تحصل فيها كويس
تم النشر الاثنين، ١٢ فبراير ٢٠٢٤
ربنا يهديها يارب ويحفظهالك خدي بالك من صاحبها اعرفي هما مين
تم النشر الثلاثاء، ١٣ فبراير ٢٠٢٤
خليكي صحبتها وقربي منها أكتر واحتويها كويس وهتحكيلك كل حاجة متستخدميش معاها أسلوب العنف لان مش هينفع ممكن تكوني صديقه ليها وتفهميها براحه انوا ده غلط وحرام واما تكوني صحبتها وتحتويها وتكون معاها هتحكيلك وتفهم خوفك عليها
تم النشر الاثنين، ١٢ فبراير ٢٠٢٤
بصي في الاول كده.. ليه متقعديش تتكلمي معاها وتحتويها وتشوفي اسبابها مثلا.. ليه ماتكونيش صاحبتها.. وتحاولي توعيها.. يعني هاتيها باللين اقعدي معاها وفهميها انها لازم تعزز نفسها.. وان لو حد عايزها هايجي البيت من بابو.. مينفعش انك تقعديها من الكليه.. لانك لو استعملتي معاها العنف.. ممكن صفاتها تسوء وتبقي نسخه اوحش
تم النشر الاثنين، ١٢ فبراير ٢٠٢٤
صحبيها عشان متعملش حاجه غلط اتكلمي معاها كتير وشوفي مين هوا الشاب دا واتكلمي معا ناوي خير يبا كانا بها مش ناوي خير قوليلها انو مش عوزك متجريش انتي وراه خليكي معززا مكرمه اتكلمي معها عن شكلكلو قدام اناس هيبقا اي وربنا يهديها
تم النشر الاثنين، ١٢ فبراير ٢٠٢٤
كلميها و عرفيها ان مستقبلها بينهار فوقيها و قوليلها انك تعرفي اكتر منها و عرفيها ان كل الرجالة في السن دا بيبقوا مش احسن حاجة عرفيها انها هتبقى ضحية ثقتها ف حد ف وقت غلط و فوقت المفروض تثق فيه بنفسها و بس عرفيها انها لازم تعرفك كل حاجة و انتي هتساعديها بس تعرفي كل حاجة وولو كان شخص كويس كلميه و قوليله انه ي يتقدم ي يمشي ولو لا حاولي تقنعيها تبعد
تم النشر الأربعاء، ١٤ فبراير ٢٠٢٤
بصراحة هى محتاجة باباها يعرف فعلا ، اللى بتعمله ده غلط كبير وطالما عرفت انك حضرتك واخوها عارفين وكررت الموضوع وبقى معاها موبايل معناها انها مش خايفة ، لازم باباها واخوها يهددوها ، ويروحوا للولد يهددوه انه يقطع علاقته بيها.
تم النشر الأربعاء، ١٤ فبراير ٢٠٢٤
البنات بتكون محتاجه عنايه و اي شخص يحتويها حاولي تقربي منها و تاخديها معاكِ التجمعات و تخرجيها معاكِ و جيبي ليها هدايا و شجعيها علي الصلاه و قوليلها نصوم مع بعض اتنين و خميس و لو تعرفوا تنزلوا دروس دينيه مع بعض انزلوا
تم النشر الثلاثاء، ١٣ فبراير ٢٠٢٤
لعرض السؤال في فدني اضغط هنا