السلام عليكم
تعرفت علي بنت عن طريق النت وكنا مشتركين في اشياء كثيره. وكنا بنحب بعض واتفقنا علي الزواج. وهي اخبرت امها علي وكلمت امها.
بعد كدا ابن خالها تقدم لها بس هي قالت لي مش عايزه تتجوزه عشان بتحبني انا
بس اهلها غصبوا عليها وعملوا الخطوبه.
انا لما شفت صور الخطوبه كانت بترقص ومبسوطه
لما قلت لها أنني كنتي بترقصي وتضحكي قالت لي انا كنت فرحانه بالفستان وكنت برقص مع اصحابي بس
وقالت لي هما غصبوا علي. وضربوني عشان البسه
رحت قلت لها لي مش تقولي لابن خالك انك مش عايزاه. قالت لا مش هينفع. اقوله كدا
للمعلومه. احنا بنتكلم. دلوقتي وهي مخطوبه. وهي بتقوال انا مش بكلم خطيبي غير كل فين وفين
دلوقتي انا مش عارف اعمل ايه افضل متمسك بيها. ولا اسيبها. وشكرا
هل تحب أن تخطب فتاة وهناك شاب آخر يتكلم معها؟؟ أنت أمام خيارين كلاهما خطأ استمرارك في الكلام معها حتى تنفسخ الخطوبة وهي علاقة غير شرعية أو أنك تحاول أن تتقدم لها وهي مخطوبة وهذا نهى النبي ﷺ عنه وقال (لا يخطب على خطبة اخيه) فاتركها وتب إلى الله من هذه العلاقة غير الصحيحة وهذا هو الخيار العقلاني الوحيد الآن
تم النشر الأربعاء، ٣٠ أكتوبر ٢٠٢٤
طيب انت طالما لسه بتسأل .. يبقي انت فعلا ف حيرة انك تحكم بين قلبك و لا عقلك و بغض النظر عن الجواب بتاعي ف اولا احب اوضح لحضرتك نقطة " انت عارف يعني إييه انت بتكلم واحدة مخطوبة !!" و الله و لا حتي غير مخطوبة ماينفعش انك تكلمها ، بس المخطوبة دي بينها و بينه اتفاق ب الزواج لو ربنا اشاء دا بعدين .. ف انك تكلمها دا حرام قبل م يكون غلط نرجع بقي للمواقف و ع حسب تفسيرك انت للمواقف دي لان الله اعلم الحقيقة فين و انا ماشوفتش ... بس انا لو بحب شخص و اتخطبت لحد تاني و كمان "مجبرة و مغصوبة" و اهلي كمان ضربوني ، مهما حاولت اني ابان مبسوطة هيفضل دا مآثر فيا .. لكن اكون فرحانة ؟ و السبب ؟ فرحة الفستان و المكياج و صحابي و الخ .. ماظنش انها بصراحة اسباب منطقية خالص
تم النشر الأربعاء، ٣٠ أكتوبر ٢٠٢٤
لو أهلها هما إلى جابرينها مكنتش والدتها كلمتك وتفقتو على الزواج اكن كدا هى مش مجبرة وانت علشان لسه بتحبها بدور ليها على مبررات انت كدا هاتفضل فنفس الدايرة مش هاتعرف تكمل حياتك وتفضل تكلمها على أمل انكو ترجعو وبعد كده تتصدم فى جوازها يبقى انت إلى مأذى فى الموضوع كله وخطيبها برضو ملوش ذنب ان خطيبتو تكلم واحد غيرو وهو ميعرفش متشلش ذنب على الفاضى واحمد ربنا يمكن مكنتوش هاتبقو خير لبعض
تم النشر الأربعاء، ٣٠ أكتوبر ٢٠٢٤
الله يكون في عونك حقيقي اشعر باللي هيحصل فيك انا بس عاوز اسألك هو انت لو قعدت مع نفسك كدا ازاي تقنع نفسك بس ان حد انت اخدته بطريقه محرمه فاكر ازاي انها هتبقى معاك في الحلوه والمره ما فكرت انك هتشك فيها وبعدين ازاي انت اصلا قابل تكلمها وهي مخطوبه انت ممكن تحطها في كارثه حرفيا لو اهلها عرفوا وخطيبها وبعدين يا حبيبي دي قلبها مش سليم ازاي توعد حد بالجواز وتنخطب لي وتكلم حد غيره على حد علمي دي خيانه وما تقولي اهلها جبروها لان الجواز مش عافيه وشروط الزواج رضا الزوجه بالزوج فانت ازاي بقا مقتنع انها بتحبك طيب لو سابتك دلوقتي واتجوزت احساسك اي بعدها يبني هي لو بتكلم خطيبها هتقولك لي اصلا مستحيل تقولك وبعدين هي كدا بتتسلى مش اكتر بكلمتين حب منك لان انت هتكون زي الطفل قلبك متعلق والكارثه انه اتعلق بالشخص الغلط فعشان كدا بقولك مشفق على اللي هيحصل فيك لو ما تبت وبعدت ربنا قال في القرآن " ولا متخذات اخدان " يعني صحاب هي بقى كسرت القاعده اللي ربنا امر بيها يا ترى بقا هتساعدها انت كمان وتكسر اوامر ربنا ؟؟ وبعدين ما بدأ بما لا يرضي الله "الارتباط المحرم" لن ينتهى بما لا يرضيك فعشان كده اخوك بيقولك بعد ما تقرأ كلامي ما تتعب نفسك كتير لانك عارف انه غلط وفكر شويه هتلاقيها الانسانه الغلط ليك توب ربنا يهديك ويعوضك بالحلال افضل منزل واحسن قيما
تم النشر الأربعاء، ٣٠ أكتوبر ٢٠٢٤
من راي الشخصي يا اخويا انك تسيبها وربنا يعوض عليك بالاحسن لان علي حسب كلامك انها مبسوطة فا بلاش تحط لنفسك مبررات ليها او ان تحط نفسك في زون الاستبن ليها
تم النشر الأربعاء، ٣٠ أكتوبر ٢٠٢٤
لعرض السؤال في فدني اضغط هنا