السلام عليكم ورحمة الله وبركاته،
أنا عندي واحدة صديقة عزيزة عليا ولكن عندها مشاكل عائلية مش من النوع العادي.. والدها ووالدتها بيتخانقوا وبيمسكوا فى بعض وأوقات بتوصل لضرب ولولا إن هى اتولدت كانوا هيتطلقوا بس المشكلة إنهم على كلامها بيحبوا بعض ولكن بسبب مشاكل بسيطة بتحصل خناقات كبيرة وأوقات والدتها بتاخدها وبيروحوا شقتهم التانية بعيد عن والدها ووالدتها بتمنعها من الكلام معاه.. الموضوع بيأثر عليها جامد وهى بتفضل تحكي وأنا مش عارفة أعمل ايه.. وشايفة إن مش هينفع الوضع يفضل كدة بس فى نفس الوقت هى كمان مش عارفة تعمل ايه وبسبب المشاكل دي كان بيجيلها حالات نفسية وبتعوّر نفسها والموضوع ده كله مأثر عليا شخصياً مش عايزاها تفضل واقعة فالحفرة دي أنا للأسف من كتر كُبر الموضوع مش عارفة ألاحق أكتب عن ايه ولا ايه؟ بس مجرد بدي نبذة عن الموقف عشان حقيقي مش عارفة أفضل ساكتة عن كدة
عزيزتي، أنا فاهمة ان الموضوع ده بيأثر عليكي كمان وصعب جدا تتفرجي على صديقتك وهي بتمر بالأزمة دي. بس أهم حاجة إنك تكوني معاها وتسمعيها وتدعميها نفسيا. حاولي تقنعيها إنها ممكن تتكلم مع معالج نفسي أو مستشار عائلي يساعدها تحليل المشكلة ويخلي الوالدين يفهموا إن الخناقات بتأثر على بنتهم. ممكن كمان تشجعيها تقعد مع والدتها بالذات وتقولها إنها بتخاف لما بتشوفهم بيتخانقوا وعايزة حل للمشكلة عشان ميأثرش عليها. إنتي كصديقة دورك مهم جدا إنك تسمعيها وتهديها وتعطيها نصائح بس براحة عشان متزعلهاش. حاولي تخليها تطلع وتغير جو عن البيت عشان ترتاح شوية. وياريت لو حاسة إنها بتعاني من مشاكل نفسية تحاولي تشجعيها تروح لمعالج. كوني معاها وسانداها عشان تعرف إن في ناس بتهتم بيها. إنتي لو مكسوفة تتدخلي مباشرة ف الموضوع ده خلاص ماتستعجليش وخدي الأمور بهدوء. بس على الأقل كوني سمعة ودعم نفسي لصديقتك وحاولي تخففي عنها وتغيري مزاجها بإخراجها والعبارات اللطيفة. أتمنى يكون الوضع هيتحل قريب وصديقتك ترجع تبقى في أحسن حال. أنا معاكي لو عايزة تتكلمي أكتر ف الموضوع.
تم النشر الثلاثاء، ٤ يوليو ٢٠٢٣
حاولى تدعميها بشكل تانى تواسيها بحيث تخففى عنها شوية هيبقى حاجة حلوة
تم النشر الأربعاء، ٥ يوليو ٢٠٢٣
حاولي تخليها تتكلم معاهم كل واحد على انفراد في الاول .. بأنها اساسا مش المفروض انهم يدخلوها في مشاكلهم، وان ده بيأثر عليها نفسيا جدا .. وخليها تقولهم الموضوع ده بيأثر عليها ازاي وتفصليا. ده ممكن يساعدك في انهم يفكروا فيها هي شوية، غض النظر عن مشاكلهم.
تم النشر الثلاثاء، ٤ يوليو ٢٠٢٣
بصي ياحبيبتي انا عارفه انك قلبك وجعك عليها بس انتي ملكيش دعوه بالمشاكل دي اني عليكي انك تهديها وبس ومتعمليش حاجه تاني
تم النشر الأربعاء، ٥ يوليو ٢٠٢٣
لعرض السؤال في فدني اضغط هنا