انا بتأثر بكلام الناس جدا اقل كلمه اقعد اعيط عليها بالساعات واسأل نفسي هل انا فعلا زي ما بيقولوا لدرجة مره واحده صحبتي لحظت اني بركز في الكلام وبضايق من اقل كلمه ف قالتلي اللي هياخدك امه داعيه عليه واضايقت من الكلمه دي فعلت وفضلت افكر قولت انا شخصيتي وحشه لردجاتي عشان اللي هياخدني امه داعيه عليه المشكله اني مكنتش كده وانا صغيره مش عارفه ايه اللي وصلني لكده بس كلام الناس مأثر فياا بطريقه غبيه وبعدت عن ناس كتير عشان قالولي كلمه ضايقتني وبقيت نفسي هأذيهم بكلامي وبقيت احب أذي الناس بكلامي وافرح لما يتأذوا عارفه انه حاجه وحشه اوي بس الناس اذتني كتير بكلامها وخلتني اشك كتير في نفسي وبجد كلام الناس بيوجعني وبيخليني مش بقدر اعمل اي حاجه في حياتي او اذاكر حتي لأني بفكر فيه طول والوقت
حاولي تسمعي برودكاست لتقويه الثقه بالنفس وحبي نفسك وابدأي من جديد وارمي اي حاجه ورا ضهرك واعرفي ان كلنا حلوين وكل واحد فيه حاجه بتميزو حاولي تطنشي كلام الناس شويه وعيشي الحاجه الي تدايقك ابعدي عنها وعيشي حياتك بالطريقه الي تريحك انتي
تم النشر الخميس، ٩ مايو ٢٠٢٤
اهلا عزيزتي أتفهم شعورك جيدا ولكن دعينى أخبرك أن كلام الآخرين يؤثر فيكي هذا يعنى انكي تفتقدين خب لذاتك وثقتك بنفسك فكل ما نشعر به تجاه أنفسنا ينعكس على طريقة تعامل الاخرين معنا فيجب عليكى اولا ان تحبى ذاتك وتؤمنى بأنك مخلوق جميل ورائع يستحق كل الحب والتقدير وان تجلسين جلسة مصارحة مع ذاتك لتكتشفى جوانب شخصيتك الايجابية ونقاط القوى فيها وتكتشفى ايضا جوانب الضعف والأشياء السلبية لتسعى لتغييرها للافضل تذكرى دائما أن الله تعالي خلقنا جميعا وبداخلنا قوة كامنة يجب أن تكتشفين وتذكرت ايضا اننا بشر فلم نصل للكمال فابدئي بحب نفسك ونمى ثقتك بنفسك ولا ترفضى شكلك او شخصيتك تقبليهم كما هم واعملى على تطويرهم للافضل حينها ستمتلكين قوة كبيرة تستطيعين بها مواجهة العالم كله وحينها ستتوقفي عن الاهتمام بالكلام السلبى من الآخرين ولا تدافعين عن نفسك إذا اتهمك احد بشئ تجاهلى الامر وكأنك لم تسمعيه تحتاجين أن تتعلمى فنون الرد لقذف جبهة من يحاول إثارة غصبك ويمكنك أن يساعدك مختص فى ذلك ...دمتى بخير♥️
تم النشر الخميس، ٩ مايو ٢٠٢٤
بصى عمر حد ما بيعرف عيوبه الا لما حد بيقولهاله لانك مش قاعده قدام مرايا شايفة نفسك بتعملى ايه خدى كلام الناس على انهصيحة مش انتقاد وغيرى الحاجات السيئة اللى الناس بتنتقدك فيها وخلى عندك ثقة بالنفس وانك شخص قوى بس ده ميمنعش انك تغيرى نفسك للاحسن وصدقينى اول ما تبدأى تغيرى من اسلوبك وتتقبلى الانتقاد الناس هتحس بتغيير وهتبدأ تحبك وتثنى عليكى بكلام جميل والله الموفق
تم النشر الجمعة، ١٠ مايو ٢٠٢٤
طنش تعش تنتعش
تم النشر الأربعاء، ٨ مايو ٢٠٢٤
طيب حضرتك كدا محتاجه بس تسألى نفسك هل حد هينفعك ؟هل لو وقعتى حد هيشيل شيلتك غيرك ؟هل لو لقدر الله فشلتى حد هيفيدك ؟محدش هينفعك غير نفسك كتر التفكير في اى حاجه او ف كلامهم حتى هيدمرك ..استغفرى ربنا واتوكلى على الله واعرفى ان ربنا مش بيسيب حد وهو حطك ف اختيار زى دا لان له حكمة فى كدا ..فسيبك من كلام الناس سيبك من اى حاجه خليك وركزى ف نفسك وبس نفسك وبس ثم نفسك وبس ..وخليك داخلة تالته ث وانت حاطه رجل على رجل وعارفه انك هتوصلى وبرده فى النهاية اللى ربنا عايزة لا مفر منه ...ربنا معاك واتمنى اكون فدتك
تم النشر الخميس، ٩ مايو ٢٠٢٤
خليكي مسالمة الدنيا ابسط من كدا... يقولو مه ما يقولو يعملوه مه ما يعملو انتي تبعدي في صمت و خلاص لا تفرحي في اذي و لا تقولي كلمة وحشة في حق حد كنت تكني له من الاحترام لو حد سالك قطعتي علاقتك فلانة ليه قولي ببساطة نصيب اختلافنا و متحكيش مواقف اسكتي و انتي الكسبان.. عارفة لو قعدتي تتكلمي اصل هي اصل هما عملو و سو هتتعب اكتر حتي بعد ما تنسي تفتكري و تتعبي نفسك و ليه من ده كله انا اعامل الناس بما يرضي الله و خلاص طلعو حلوين اهلا وسهلا حبايب و لو طلع عكس اللي كنت اتمناه اقلب و في أقرب محطة اقطع الصفحة و ارميها او اقفلها و اريح بالي و انسي احاول انسي و هنسي و خلاااص ليه ناذي حد احنا ممكن نقوله في وش احسنن من الغيبة و النميمة
تم النشر الأربعاء، ٨ مايو ٢٠٢٤
لو ركزتي مع كلام الناس هتتعب بس اي نوع الكلام اللي يتعب بقا اولا التقليل منك أو التريقة او الهزار بشكل تريقة ممكن صحبتك عايزة تطلع الشحنة السلبية الي جواها فيكي و عارفة انك تسمعي و تسكتي...... سعات في هزار كدا اللي هو احنا بنقلل من بعض بس مش اي حد يقوله و مش اي حد مقبله منه و مش في اي وقت كمان... الناس بقيت سلبية و اللي عنده وجهة نظر بيشوف غيره حمار و مع ان اختلاف وجهات النظر ده حاجة حلوة الا ان الناس بقيت سلبية و مؤذية استغلال ميزة او رأي صائب و نصيحة متدربة انهم يعتيرو قليل الخبرة او اللي محتاج النصيحة و اللي شايف فيكي عيب ينصحك وحدة وحدة و بعد كدا يهزر تريقة او لا مش هنزعل يعني بس هنفهم انه عايز مصلحتنا... صحبتك دي قللي معاها و بعدين دي مش صحبتك اللي نتريق عليكي في اي غلطة او. عمال علي بطال دي عايزة تحس انها احسن منك و عايزة تنصحك و في نفس الوقت تشيطير عليكي اللي هي انتي من غيري مش ولا حاجة... الخلاصة كبري دماغك وكتاب الله كلنا مش كاملين و حاولي تبقي ليكي شخصية مستقلة متتتاثرش برأي حد بسرعة الا لو كان رأي مؤيد بأسباب و دلالات و علامات وضحة.. مش حد يقولي انت سيء يبقي هو صح او انا ازعل كبري دماغك و عيشبي انتي جية الدنيا تتعلمي ٦..
تم النشر الأربعاء، ٨ مايو ٢٠٢٤
الناس في العموم مش بتبطل كلام سواء عملتي حاجه حلوه او وحشه ف هتلاقي الناس دايما بتتكلم حاولي تسمعي الكلمه من هنا خرجيها من الناحيه التانيه
تم النشر الخميس، ٩ مايو ٢٠٢٤
اذيه الناس هتجبلك اذيه مش هتريحك ولا حاجه، انا برضو شخص حساس وكنت بتاثر باي كلمه حاليا مش باخد كلام الناس علي مستوي شخصي وتاثري قل بكلامهم، برسم حدود لنفسي محدش ببتخطاها ومن زمان وانا مش بدخل اي حد حياتي وخلاص عموما
تم النشر الخميس، ٩ مايو ٢٠٢٤
لا انا ملتزمة جدا في ديني الحمدلله هما بيضايقوني بكلام علي شخصيتي وكمان انا كنت شاطرة ولما دخلت تالته اعدادي حصل مشاكل ومعرفتش هجيب مجموع حلو ودخلت اولي ثانوي وانا نفسيتي زفت ومبقتش اذاكر خالص وانا اخواتي كانوا ممتازين وبيطلعوا من الأوائل ودلوقتي دكاترة ف هما بيقولوا اني مش شاطرة زيهم ووخدين الحته دي نقطة ضعف ليا وبيضايقوني بيها كل شوية وانا داخله دلوقتي تالته ثانوي والكلام بتاعهم مأثر فيا جامد بفضل افكر في الكلام ومش بعرف اذاكر وبفكر في الكلام طول الوقت حتي دلوقتي الفجر وانا مش عارفه انام بسبب التفكير في كلامهم
تم النشر الخميس، ٩ مايو ٢٠٢٤
بصى حضرتك كلام الناس دا عامل زي الشوك هتقربي للشوك استحملى اذاه فهو بالظبط كدا خليك عارفه ان كلامهم دا ولا هيأخر ولا هيقدم لو اتعلمتى ازاى تحطى الكلام دا تحت رجلك وتعلى بيه لفوق اى ان كان الكلام اى هتعرفى تكسبى نفسك ..ودول كم نصيحه..لو لبسك ملفت واجراسيف اوى مفيش احسن من اللبس اللى يسترك واللي يرضى رينا ...لو بتحطى ميكب او غيره بلاش منه دايما اقول الطبيعى يكسب لان كل واحد مميز بشخصيته . خليك مع ربنا وصلى وادعيلة يقويك ودايما قولى اللهم خذنى من حولى الى حولك ومن ضعفي الى قوتك ومن عزمى لعزمك ..استضعفى نفسك قدام ربنا علشان يقويك صلى واقرئى قرآن وخليك عارفة انك مميزة وان كلام الناس دا مجرد فضر وفراغ هما عايشين علشانه لكن انت مهمه ولازم تعرفى وتعرفى نفسك انك مهمه بس السر الحقيقي استعيني بالله وخليك مع ربنا
تم النشر الخميس، ٩ مايو ٢٠٢٤
بصي في حاجة لو طبقتيها ترتاحي جدا علي الاقل الفترة دي لغاية ما تدخلي الجامعة ان شاء الله... انت ركزي بس في مذكرتك و ركزي اكتر في مقارنة نفسك بنفسك... انا مكنتش بذاكر.. هذاكر و بعد ما بدأت اذاكر هقول نفسي انا عندي أهداف و لازم تتحق لنفسي عشان نفسي عشان احط نفسي في مكان في المجتمع الاقي في ناس شبهي كويسين. هنركز في المذكرة و السعي و نرمي قعدة صاحبنا خالص و نطنشهم حرفيا حتي لو هنخسرهم الصاحب اللي يعطلني عن مستقبلي يلا مع السلامة.... اهم حاجة ركزي مع نفسك اذاي تخليها جميلة شاطرة ذكية ممتازة عشان حاجة واحدة بس اما تعدي الفترة دي تصقفي لنفسك انك نجحتي و قطعتي علاقتك بناس بتأذي و تكوني نسيتي و مش فارق معاكي الا نجاحك و اكيد هتكون نفسك احسن بالبعد عن الناس المؤذية... ركزي في طريق نجاحك اهم من صاحبك والله تقابلي احسن منهم في الجامعة و هتكوني كبرتي و نظرتك هتختلف ١٨٠ درجة... اهم حاجة تنسي اللي فاتو تبدأي صفحة جديدة بدون حقد و لاغل و لا تشيلي في نفسك ابعدي عنهم وخلاص و قولي حسبي الله ونعم والوكيل و ادعي كتير و اشتغلي كتير علي نفسك انك تحسني شخصيتك لو لقيتي فيها عيب و تحسني مستواك العملي والفكري بالمذاكرة و الاطلاع في وقت فراغك عن موضوعات المنهج و اختاري وسيلة للترفيه علي نفسك لو حد كويس و محترم من صحابك البنات اخرجي معاها اقعدي بعد الدرس ترغو و ابعدو عن الغيبة والنميمة و خليكي مبتسمة و قولي يارب.... لن يضيعنا الله... اتمني ليكي النجاح و التوفيق و اسال الله ان يزيل حزنك و آخر حاجة اختلافنا و تفاوت نجاحنا و شغلنا و كليتنا عشان نكمل بعض و نستعين ببعض عشان كل واحد عنده خبرة في حاجة معينة بتاعته هو بس... اخواتك هما اول ناس تكملك وتكمليهم...
تم النشر السبت، ١١ مايو ٢٠٢٤
لعرض السؤال في فدني اضغط هنا