السلام عليكم ورحمة الله وبركاته انا ست كبيره عندي 65 سنه عندي ابن كان متجوز واحده خلف منها ولدين وحصل مشاكل وانفصلو وانا اللي بربيهم وابني اتجوز واحده تانيه ومخلفه منه بنت وعايشين مع بعض وهي مبتخدمش ولاد ابني ومش مريحاني وقليله ذوق وانا عند بناتي ف القاهره وسبت البيت وجيت عند بناتي عشان تعبت من الشتايم وقله ادبها معايا وانا لو سبت ولاد ابني هيتشرده وخايفه اسبهم وانا عاوزه حل عشان انا تعبت ومش عارفه اعمل اي ارجو الاجابه
خوذي الاطفال معك الي المنزل الذي انتقلت اليه لاكن قبل ذالك بمشاورة اهل البيت هل يتقبلو الاطفال ام لا
تم النشر الجمعة، ١ ديسمبر ٢٠٢٣
ايوه انا فاهمه انك مخنوقه بس لازم ابنك يعرف لانو هيحل جزء كبير من المشكله دي وغير كده هو اكيد عارف ان انتي ال شايله المسئوليه ف اكيد هيحاول يجيب حقك من مراته
تم النشر الخميس، ٣٠ نوفمبر ٢٠٢٣
قولي لابنك على كل حاجة او لو علاقتك بأهلها كويسه كلميهم بكل أدب وذوق وعرفيهم بنتهم بتعمل اي ويقعد ابنك مع اهلها وتحلوا الامور م بينكم
تم النشر الخميس، ٣٠ نوفمبر ٢٠٢٣
الله يبارك فيكي ياحبيبتي تسلميلي كلامك كله صح بس المشكله انها بتهمل في اولاد أبني وانا والله بعامل بنتها اكتر من الاولاد وبنتها بتحبي انا مخنوقه ومش مرتاحه الله المستعان
تم النشر الخميس، ٣٠ نوفمبر ٢٠٢٣
اولا بارك الله فيك ست كومل بصحيح بارك الله لك انك بتربي ولاد ابنك من مراته الاولى ..وانت ممكن ترجع بيتك لانه بيتك وبيت ابنك وربي أولاده وحاولى تخدى حيز من البيت مع الاولاد حجرتك مثلا وحطى فيها كل ما تحتاجيه تجنبيها على قد ما تقدرى ..ثانيا انت ممكن تكونى بتبينى انك مضايقه انها مش بتخدم الأولاد أو بتبقي ولادها على الأولاد وانت بتقومى بدور رد الحق عشان الأولاد من غير ام ..معلش تعالى على نفسك وكملى جميلك وما تحمليهاش حمل الأولاد سببها هى تتعامل وانت قومى برعاية الأولاد والكلام معاهم ومراضيتهم ....ياما بنسمع أن الحموات ما بيرحموش نفسهم وبيحشروا نفسهم عشان هما كبار ...والحما معروفه مكروهه وانت عارفه ..فعلى قد ما تقدرى اسكتى وبلاش الكلام لأن كلمتك حتى لو تنهيده جبل عندها وتقول لابنها انها مش عارفه تربي العيال منك ومن دلعك فيهم ونصرتك ليهم ...فراجعى نفسك وارجعى بيتك لأن بيت بناتك لازواجهم مش بيتك وهتبقي تقيله ابنك اولى بيك وبيتك اولى بيك ...ما تزعليش لو كلامى زعلك اعزرينى برده انا ما اعرفش كل اللى بيحصل ..بتكلم عموما والله .وربنا يجزيك خير على عقلك وحكمتك طالما سالتى يبقي عايزه حل
تم النشر الأربعاء، ٢٩ نوفمبر ٢٠٢٣
مش عايزة اقول لابني عشان عدم المشاكل عشان أبني طيب وكويس معايا وانا مش عايزة اخرب عليه
تم النشر الأربعاء، ٢٩ نوفمبر ٢٠٢٣
كلمي ابنك عرفيه وقولتله ع اللي بتعمله وارجعي بيتك
تم النشر الأربعاء، ٢٩ نوفمبر ٢٠٢٣
وعليكم السلام أنا مش عرفه اكتب ولا اتكلم من الضيقه اللي جوايا بصي اول هام لزم تعرفي ابنك علي اللي هي بتعملوا ثانيا حضرتك لو رحتي وعشتي في القاهره معي ابنتك سو تظل تعامل الاطفال بقسوهفعاليكي انت تحاولي انتي والأطفال أن تكون جالسين في غرفتكوم والابتعاد عنها وربنا يهديها وارجوكي حاولي انك تعرفي ابنك بلي بيحصل 😔بجد اللي من غير ام حالته تغم حتي لو اموت عائشه بس بعيد عنها يا رب اللطف بعابيدك
تم النشر الجمعة، ١ ديسمبر ٢٠٢٣
كمان جايبه بنت وهما اولاد يعنى الغيظ اكبر .الله يكون في عونك ..ربنا يرزقها بولد بقي عشان تتهدى
تم النشر الخميس، ٣٠ نوفمبر ٢٠٢٣
لعرض السؤال في فدني اضغط هنا