أنا طالب في الصف الثالث الثانوي مقصر شويه في الدراسه واهلي دايما بيقارنوني بغيري وحتي لو كنت طالع من الخمسه الاوائل في امتحان بيفضلوا يزعقوا ليه مجبتش اعلي من كدا وفي أوقات امتحانات مبكنش مكمل مذاكره ليها فبضطر مرحش الامتحان فبيفضلوا يقولولي محدش بيغيب من الامتحان غير الفاشله اللي زيك و يحطموا فيا دا حتي لو كنت بذاكر لفتره طويله وجيت اخد بريك بيفضلوا يقولوا بريك ايه محسسني انك بتذاكر ! وانا كلمتهم كذا مره محدش ليه دخل بمستوايا الدراسي وبيقولوا تمام وبردوا بيتكلموا أنا من اول مدخلت ثانوي اتدمرت نفسيا بسببهم واحباطهم ليا أنا بقالي اسبوعين مقصر اوي في المذاكره بسبب زيادة ضغوطهم عليا مش عارف اعمل ايه كان مستوايا كويس في اول السنه وبسبب كتر كلامهم معايا مستوايا نزل اويي وانا معنتش قادر اكمل ف الثانويه كذا مره بفكر ف الانتحار بسبب الضغوط اللي عليا بس صبر نفسي علشان عاقبه الاخره
بدعي كتير أن ربنا يعيني علي حالي ومبيحصلش اي حاجه بل بالعكس بلاقي الضغوط بتزداد اكتر وحالي بيسوء اكتر وأغلب الأوقات لما بدعيلي ربنا مبيستجبليش الدعاء علي عكس لو دعيت لغيري الدعاء بيستجاب علطول
وَأَن لَّيْسَ لِلْإِنسَانِ إِلَّا مَا سَعَى ﴿39﴾ وَأَنَّ سَعْيَهُ سَوْفَ يُرَى ﴿40﴾ ثُمَّ يُجْزَاهُ الْجَزَاء الْأَوْفَى ﴿41﴾ وَأَنَّ إِلَى رَبِّكَ الْمُنتَهَى ﴿42﴾".
تم النشر الجمعة، ٢٩ مارس ٢٠٢٤
مفيش حد هايخاف على مصلحتك ومستقبلك قد اهلك بس طريقتهم غلط عارفة ثانوى بيبقا فيها توتر وقلق كفيل انو يخلى الواحد يتوة بس لو قعدنا لتويتر مش هاقول للى احنا عوزينواعمل إلى عليك وان شاءالله هتوصل ابذل كل ماعندك علشان قدام متحسش انك قصرت وتقول يرتنى كنت عملت وربنا بيكافئ كل واحد على تعبو كمل بنشاط وتحفيز علشان يوم النتيجة تلاقى ربنا مجزيك على تعبك طول السنين إلى فاتت وترد تعب اهلك وقت ماترفع رأسهم مش هايحسو بالوجع وأنهم تعبو على الفاضى وخليهم فخورين بيك وربنا معاكو وتفرحو بالنتيجة وميضيعش تعب حد وتدخلو إلى نفسكو فيه
تم النشر الأحد، ٣١ مارس ٢٠٢٤
أول حاجة لازم تعرف إن اهلك بيحبوك وخايفين عليك بس للأسف طريقتهم معاك مش صح هم من خوفهم عليك وعلى مستقبلك معيشينك في ضغط أنهم عايزينك احسن حاجة ثانيا اعمل الي عليك وذكاكر على قد ما تقدر وكافئ نفسك على تعبك نهاية اليوم وادي نفسك راحة ومتفكرش بالانتحار لانه مش حل ابدا ده اختبار من ربنا ليك عشان يختبر صبرك وانت لازم تصبر ترجم تصرفات اهلك إنها حب حتى لو هم مش عارفين يوصلوه بطريقة صح والدعاء لما مابيستجبش يأما ربنا بعده عنك لشر انت ماتعرفهوش أو خيرة متأجلة حتجيلك على شكل هدايا في الآخرة أو ربنا يستجيبها لك في الوقت المناسب وربنا بيحب العبد اللحوح في الدعاء يعني لح عليه كثير بين له ضعفك وحاجتك مش مرة واثنين وخلاص لاء لح وقرب منه إبعد عن المعاصي عشان هي سبب لعدم الإجابة وإن شاء الله حياتك حتطلع احسن وتدخل التخصص الي نفسك فيه وربنا يهدي اهلك وممكن تحاول توصل لهم انك ما بتحبش المقارنات وتقول لهم أنا فاهم خوفكم عليه ومستقبلي بس انتو كده مخليني انضغط أكثر لو سمحتم شجعوني بس بدون ما تعملوا كذا وكذا وإن شاء الله يقتنعوا
تم النشر السبت، ٣٠ مارس ٢٠٢٤
طيب خليني الاول ابدا بموضوع الدعاء واقول لك انه استجابه الدعاء لها معنى تاني خالص مجرد ما انت بتدعي فاكيد دعاءك وصل لربنا ولكن ربنا هو اللي عنده الحكمه اللي مش عندنا فهو اللي له القرار ان هو ينزل لك.موضوع ضغط الاهل بقى فدي يعني من من الحاجات الوارد جدا ان هي تحصل من الاهل. وبتبقى سميها لك نوع من انواع الابتلاء ان يكون في عندي اهل بيضغطوا عليا في شيء ما ولكن خلينا نرجع للاصل هم الاهل دولت بيضغطوا علي علشان ايه؟ اه هم في وجهه نظرهم هم كده بيزقوني او بيدفعوني لشكل افضل في الحياه علشان اكون في مكان كويس علشان يكون مستوايا كويس عشان ما اكونش بني ادم قليل اه بفكرهم اه مش مقضيين مثلا حته ان هم كده بيضغطوا نفسيا فانا بتاثر فده بياثر اه دي حاجه هم ما عندهمش وعي بها او مش مدركينها مش واخدين بالهم منها ولكن في الاصل هم بيعملوا ده بهدف ايه بهدف انهم عايزين يؤذوني لا
تم النشر الجمعة، ٢٩ مارس ٢٠٢٤
انا كلمت اهلي والحمد لله تقبلوا الموضوع وان شاء الله اقرب اكتر من ربنا لاني مقصر في العباده شويه وبجد شكرا جداا ليكم ❤️
تم النشر الاثنين، ١ أبريل ٢٠٢٤
العفو ربنا معاك ايوا اهلك بيحبوك صدقني وعاوزين مصلحتك كلمهم براحة وهم هيتقبلوا لان انا كنت زيك بالظبط ربنا يبعد عنكم الشيطان ويكرمك يارب❤️❤️
تم النشر الاثنين، ١ أبريل ٢٠٢٤
وانت انسان شاطر وكويس وبرافو عليك واستمر واذكر ربنا كتير وكتر من ذكر لا حول ولا قوة إلا بالله وبإذن الله ربنا يقويك اوعي تخليهم يحبطوك وعاااش بجد انك لسة مكمل لحد دلوقتي
تم النشر السبت، ٣٠ مارس ٢٠٢٤
صدقني انا حاسة بيك اووي لو مقصر فصلاتك أو فعلاقتك مع ربنا يبقى صلحها لانها الاساس وافتكر انك كل ماتتعب نفسيا منهم ده بيزود حسناتك وكمان بيزود مجموعك لان ربنا بيدي كل واحد على قد تعبه وزيادة سواء النفسي أو الجسدي فلازم يقابلك مشاكل عشان لما تنجح بإذن الله تبقى نجحت فعلا لأنك تستحق مس بالساهل، واخيرا اتكلم مع اهلك وقولهم انهم كده بيحبطوك وقولهم كل الكلام ده وقلبي معاك بجد ربنا يوفقك ويقويك يارب
تم النشر السبت، ٣٠ مارس ٢٠٢٤
أول حاجة لازم تعرف إن اهلك بيحبوك وخايفين عليك بس للأسف طريقتهم معاك مش صح هم من خوفهم عليك وعلى مستقبلك معيشينك في ضغط أنهم عايزينك احسن حاجة ثانيا اعمل الي عليك وذكاكر على قد ما تقدر وكافئ نفسك على تعبك نهاية اليوم وادي نفسك راحة ومتفكرش بالانتحار لانه مش حل ابدا ده اختبار من ربنا ليك عشان يختبر صبرك وانت لازم تصبر ترجم تصرفات اهلك إنها حب حتى لو هم مش عارفين يوصلوه بطريقة صح والدعاء لما مابيستجبش يأما ربنا بعده عنك لشر انت ماتعرفهوش أو خيرة متأجلة حتجيلك على شكل هدايا في الآخرة أو ربنا يستجيبها لك في الوقت المناسب وربنا بيحب العبد اللحوح في الدعاء يعني لح عليه كثير بين له ضعفك وحاجتك مش مرة واثنين وخلاص لاء لح وقرب منه إبعد عن المعاصي عشان هي سبب لعدم الإجابة وإن شاء الله حياتك حتطلع احسن وتدخل التخصص الي نفسك فيه وربنا يهدي اهلك وممكن تحاول توصل لهم انك ما بتحبش المقارنات وتقول لهم أنا فاهم خوفكم عليه ومستقبلي بس انتو كده مخليني انضغط أكثر لو سمحتم شجعوني بس بدون ما تعملوا كذا وكذا وإن شاء الله يقتنعوا
تم النشر السبت، ٣٠ مارس ٢٠٢٤
هيجزيك خير استهدي بالله وابعد اي فكره وحشة وحتي لو بعد الشر مجبتش اللي عايزة اعرف ان ربنا شايل ليك الخير ان اهو دخلت كليه مكنتش في بالي بس مرتاحه ومبسوطه وفرحانه اني دخلتها اوي...ف بجد ربنا هيحطك في المكان الصح بس انت صلي واقرأ قرأن و ذاكر وحاول ابعد الكلام السلبي عنك او متفكرش فيه اساسا وربنا يوفقك
تم النشر الجمعة، ٢٩ مارس ٢٠٢٤
بلاش فكرة الانتحار دي نهائي انا كنت السنه اللي فاتت تالته وعارفة الضغط دا بيبقي عامل ازاي والناس كلها عارفاه انت ملكش علاقة بكلام اهلك خالص ومتحطش كلامهم في دماغك ومفيش حاجه اسمها لما بتدعي لنفسك مفيش حاجه بتحقق انت متعرفش ربنا كاتب ليك اي وهيجزيك علي تعبك دا ازاي انت مش صغير عشان ناخد كلام اهلك غلي محمل الجد انت مفروض تعتمد علي نفسك وتشجع نفسك واعرف دايما ان ربنا كاتب ليك الخير ودايما صلي وادعي وحتي لو متحققش حاجه ليك دلوقتؤ هتتحقق بعدين ربنا عالم اللي في قلبك واجنا في أيام مفترجة أدعي ربنا كتير ووالله ربتا هيج
تم النشر الجمعة، ٢٩ مارس ٢٠٢٤
مم مشكلتك معقدة شويه بس حاول صارح امك انك م بتحب كزا فهي اكيد الاقرب ليك وهتفهمك وانتحار استغفر لله عاوز تموت كافر
تم النشر الجمعة، ٢٩ مارس ٢٠٢٤
لعرض السؤال في فدني اضغط هنا