انا مبشوفش نفسي كويسه خالص ديما بحس اني لئيمه او بوجهين او قلبي قاسي ومبشوفش اني بعمل حاجه صح ابدا وديما لما اتأثر بحاجه او ابكي بسبب اي حاجه وانا لوحدي بالمناسبه بحس اني بدعي دا واني مش عطوفه ولا حاجه حتى لو بكيت وانا بدعي ربنا بحس اني بمثل دا حتى بشوفي انانيه وحقوده او بغل... كأن كل صفات العالم الوحشه اتجمعت فيه وانا لابسه غليها قناع اني طيبه... ديما شيفاني وحشه مهما عملت ومنافقه
ده ممكن يكون صراع النفس جواكى وده طبيعى بيحصل جوانا كلنا عشان يكون فى صفه هى اللى تغلب فى الاخر. المهم انك مهما كان جواكى بيقولك انك وحشه ..طلعى الحلو من بره واتصرفى كويس....انتى لو جواكى شريرة واتعاملتى بطيبة فانتى كده هتبقي جاهدتى نفسك وكده زى الفل. النظرة بقى اللى هتبصيها لنفسك هى انك مجاهدة ..بتجاهدى نفسك وبس كده ...متزصفيش نفسك باى صفه . النظرة دى ممكن يكون سببها حد قالك عن نفسك كده وده كان شخص بتثقى فيه جدا ...فانتى مصدقاه من وقت ما قال كده وشكيتى فى نفسك.
تم النشر الجمعة، ١٤ أبريل ٢٠٢٣
طيب هسألك سؤال انتي مهما كنتي لئيمه وقاسيه وبوشين مجاش عليكي وقت بينك وبين نفسك قلبك وجعك ع حد وعيطتي وهنا في فرق انك تعيطي قدام الناس لان ده فعلا ممكن يكون تمثيل لكن وانتي لوحدك هتمثلي ع مين ؟ كمان افتكري كل المواقف الي انتي بتقولي انك بتحسي انك وحشه انتي كان هتبقا مصلحتك ايه لما تمثلي المشاعر دي كمان افتكري مين وانتي صغيره بيفضل يوصمك بالصفات دي لان ربنا خلقك ع احسن صوره وبخلق حلو جدا لكن مبنتعبش ونشك ف نفسنا كده غير لو حد بدأ يرمينا بيها من صغرنا وبتاثر علينا طول عمرنا كمان مفيش حد فيه صفات وحشه كده هيبعت وهيسأل لان الي فيه الصفات دي مش هيهتم ابدا انه يتطمن ويشوف انا وحش ولا لا
تم النشر الثلاثاء، ١١ أبريل ٢٠٢٣
بصي حته لو شايفه نفسك كدا غيري من نفسك وشوفي اي هي الحجات اللي بديقك وحولي تصلحيها وإن شاء الله كل حاجه هتتحل وطبعاً لزم لزم تشوفيلك صحبه صالحه لان هي دي اللي هترشدك ع الطريق الصح
تم النشر الثلاثاء، ١١ أبريل ٢٠٢٣
ليه بتشوفي نفسك كده؟ وهل ده حصل بعد حاجة معينة في حياتك ولا طول عمرك شايفة نفسك كده؟ واهلك واللي حواليكي بيقولوا ليكي ايه مثلا على اي حاجه انتي بتعمليها؟
تم النشر الثلاثاء، ١١ أبريل ٢٠٢٣
اللي يحدد انتي فيكي كل العيوب دي ولا لأ هو الدين ! ببساطة الواحد يعرض تصرفاته دي ويشوف الدين بيقول فيها إيه! لأن ساعات الشيطان بيهيء للواحد حاجات عكس الواقع علشان يبعده عن الصواب. وسواء كنتي كويسه أو لأ فلازم تجاهدي نفسك وتعدلي منها حتى لو جواكي حاجة بتقولك "انتي منافقة". وعلشان تعرفي أكتر انتي منافقة ولا لأ: لو لما بتذنبي بتستغفري ربنا وتتوبي اعرفي إنك مش منافقة.
تم النشر الثلاثاء، ١١ أبريل ٢٠٢٣
اولا، انا افهم مدى صعوبة هذه المشاعر التي تمرين بها. الشخص الذي يعاني من هذه الاحاسيس يعاني من انخفاض في تقدير الذات، ولكن بالطبع هناك طريقة يمكن التعامل معها. للبدء في التعافي، عليكِ بتغيير طريقة تفكيركِ حول نفسكِ. قومي بتحويل الانتباه الذي تركزين به على الأشياء السلبية حول نفسكِ، والتركيز على جوانب إيجابية حولك، مثل صفاتكِ الإيجابية وإنجازاتك. احرصي على قضاء وقت مع الأشخاص الذين يدعمونكِ ويشجعون الإيجابية والتفاؤل، وتجنبي التفاعل مع الناس والأشياء التي تجعلكِ تشعرين بالتوتر والقلق. لا تنسي أنه من الطبيعي أن تنتاب المشاعر السلبية احيانًا، ولا يوجد شخص في هذا العالم يكون مثاليًا بنسبة 100٪. قومي بالعمل على تحسين صورتكِ الذاتية والعمل على نموكِ الشخصي المستمر، وستجدين نفسك متحسنة تدريجيًا.
تم النشر الثلاثاء، ١١ أبريل ٢٠٢٣
لعرض السؤال في فدني اضغط هنا