انا بشرتي مختلطة مايلة للدهنية و معرضة للحبوب لكن على مدار خمس سنين كنت محافظة عليها و مكانش بيطلع حبوب كتير هي مجرد حبوب لغبطة الهرمونات و عادي كنت بستخدم ليها كلينداسول قبل ما يختفي من السوق و كمان appe بتاع الحبوب و الرؤوس السوداء و المسامات و كان حلو اوي اوي و بعد كده حاليا مش لأقيه و لا واحد منهم فجبت ادبالين و استخدمته غلط على بشرتي و حاجز بشرتي اتدمر و الحبوب كانت ملتهبة و مش بتروح و بعد كده ريحت بشرتي من أي منتج لمدة أسبوع و بعدها رجعت استخدمت الاكرتين و بستخدمه صح بس الحبوب مش راضية تروح
شوية تقل و الاحمرار يقل و شوية تاني تزيد و الاحمرار يزيد و بستخدم غسول توبي جينت الي لونه بينك بتاع البشرة الحساسة و بصراحه حساه بيهيج الحبوب لانه فيه ريحه قوية و اعتقد انه مش مناسب ليا فممكن حل
عاوزة غسول يكون مناسب للبشرة المختلطة المايلة للدهنية و كمان بيعالج الحبوب و مش بينشف البشرة و يكون بسعر كويس و كمان عاوزة كريم أو أي حل لمشكلة الحبوب دي لاني مش عارفة احدد نوع الحبوب
هي مش حبوب هرمونات خالص و كمان ملتهبه حبه و لونها احمر شوية و ساعات لونها بيروح و يرجع تاني و مش بتختفي و كمان في كم حبه منهم بتوجع و هم في الجبهه و الدقن خصوصا الدقن كتير و متجمعين جمب بعض صغيرين كده و لونهم احمر شوية و في منهم الي بتوجع و حبة على الخد و تلاته على حوالين منطقة الشفايف مش على الشفايف نفسها فياريت لو دكتورة أو دكتور كويس يساعدني لأنهم بقالهم حوالي تلات اسابيع مش بيروحوا و كمان بستخدم مرطب شان كريم من حوالي اسبوعين و بستخدم واقي شمس profit و infinity بس infinity بيفرول و بحس بشرتي بتهيج في الشمس و الحر بسببه و profit دهني اوي بس مش لأقيه واقي شمس كويس و يكون سعره حلو
انا مش دكتورة جلدية بس انا ببحث كتير وبجرب كتير في موضوع البشرة لاني زيك بشرتي مختلطة دهنية وحساسة و عندي مشاكل هرمونية مأثره عليها جدا فممكن تجربي غسول سينوبار بي SYNO BAR-B ودا الحلو فيه انه بيمنع الحبوب و مش بينشف الوش اوي ومش بيهيجه وممكن برضو تجربي غسول نورمالين حلو جدا بخصوص الصن سكرين في نوعين تحفه جدا وسعرهم معقول ومش مقاطعه ( normelan sunscreen و ميلا تايمMELATIME SUNSCREEN ) بخصوص المرطب جربي scarvio cream خفيف وبيرطب ومناسب لبشرتك وبيجدد خلايا البشرة والوحيد اللي لما بستخدمه بيرطب ويقلل الحبوب ولو عايزة حاجة لآثار الحبوب إستخدمي ريتينول زي ريتيفل بتاع نورمالين ولو عايزه حاجة تمنع تكون الحبوب في Salizac Lotion بس عشان متتوهيش هاتي الاول غسول ومرطب و الريتينول والصن سكرين هيفرقوا معاكي جدا
تم النشر الخميس، ٣٠ مايو ٢٠٢٤
السلام عليكم انا مش دكتوره جلديه بس انا هقول لك تجربتي مع موضوع الحبوب حاليا ووصلت للحاجه اللي هي يعني مظبوطه على بشرتي وان شاء الله يعني ممكن تبقى كويسه مع بشرتك بس اهم حاجه اهم حاجه ما تجربيش منتجات مختلفه ورا بعض يعني مثلا لو جربتي حاجه ولقتيها مش نافعه معاكي ما توقفيهاش وتروحي تشتري حاجه تانيه وتجربيها تاني يوم على طول. تمام انت لما توقفي مثلا الغسول اللي انت بتستخدميه استني كم يوم ما تستخدميش اي غسول تماما حتى لو هتجربي غسول جديد اوكي ليه عشان تسمحي لبشرتك كده تهدى يعني ترجع حتى لطبيعتها وبعدين ابدئي استخدمي حاجه جديده. انا هحط لك صورتين للمنتجات دي يعني السعر بتاعه كويس متوسط ولقيته مريح جدا مع بشرتي يعني طريقه تجربيه وهو مش مقطع. ايه ثاني الغسول في بقى يعني الشركه دي انت هتلاقي فيها غسول وهتلاقي عندهم برضو كريم كده للحبوب حلو هيفرق معك برضو ان شاء الله اسمها ستارفيل الغسول بتاعهم حلو جدا في عندهم برضه سيروم للبشره حلوه جدا يعني عندهم مجموعه منتجات برده الاسعار بتاعتهم مناسبه ومريحه ولطيف جدا جدا على البشره يعني بصراحه انا برده في حاجات كنت جربتها وعملت لي برده مشاكل زي اللي انت قلتيها فدلوقتي اللي انا وصلت لهم يا رب نتيجتهم كويسه معاكي يعني ان شاء الله.
تم النشر الأربعاء، ٢٩ مايو ٢٠٢٤
أهلاً بك! أقدر جداً انك عم تحاولي تعتني ببشرتك وتلاقي الحل المناسب لحبوب وجهك. بصراحة، من كلامك يبدو إن بشرتك بحاجة لعناية خاصة ومنتجات ملائمة. خليني أبدأ بالغسول: للبشرة المختلطة المائلة للدهنية، جربي غسول "CeraVe Hydrating Cleanser" أو "La Roche-Posay Effaclar Purifying Foaming Gel". هما مناسبين للبشرة الحساسة ومش بينشفوا الجلد وكويسين للحبوب. بالنسبة للحبوب المُلتهبة: جيل بنزويل بروكسايد (مثل PanOxyl 2.5% أو Benzac AC 2.5%)، فعّال ضد الحبوب. ولكن استخدميه باعتدال. كريم "Niacinamide" (مثل The Ordinary Niacinamide 10% + Zinc 1%)، ممتاز لتهدئة الالتهابات وتقليل الاحمرار. مرطب: استمري في استخدام شان كريم، كويس جدًا لترطيب البشرة من غير ما يسد المسام. واقي الشمس: أنا أفهم مشكلتك مع الواقيات اللي جربتيها. جربي "La Roche-Posay Anthelios Ultra-light Fluid SPF 50+"، مناسب للبشرة الدهنية وما بيسبب الاحساس دهني زي الآخر. ولو مش لقيتي فائدة واضحة، أنصحك تراجعي دكتور جلدية مختص، لأنه ممكن يكون فيه حاجة تانية مؤثرة على بشرتك وأنتي محتاجة علاج متخصص لحالتك. أتمنى يكون هذي الحلول تفيدك! لو عندك أي استفسار تاني، انا هنا لمساعدتك. ❤️✨
تم النشر الأربعاء، ٢٩ مايو ٢٠٢٤
لعرض السؤال في فدني اضغط هنا