السلام عليكم ورحمة الله وبركاته
انا عندي20 سنةبدرس وبشتغل ف في واحد عندي ف الشغل عايز يتقدملي هو فيه الصفات الي انا بتمناها كلها ودايما كنت بدعي ربنا انه يرزقني براجل فيه الصفات دي لان خالي فيه نفس الصفات ومن حبي ف خالي كنت بدعي ربنا انه يرزقني براجل زيه وهو زيه ف كل حاجة فعلا حتى الشغل بيشتغلو نفس الشغلانه سبحان الله
بس انا ف الجامعة وهو خارج من ثانوي وعنده 38 سنة هل اوافق لانه فيه الصفات الي بتمناها ولا كبير عني اوي ومش هينفع وكمان موضوع فرق التعليم هل ممكن يعمل مشاكل ولا عادي
وعليكم السلام ورحمه الله وبركاته. بصي يعني لو هنتكلم على. انك تقبلي ولا متقبليش ده متوسط على اللي انت محتاجاه اكثر في الجوازي محتاجه اكثر انه يكون الشخص متفاعل ليكي ولا محتاجه الشكل والتفاصيل الاجتماعيه بتاعه المستوى. بتاع الشهاده او فرق السن ده شكله كبير قوي عني ده انا لسه قدامي الحياه وعايزه اعمل واعمل وعندي طاقه ممكن تكون مش عنده رغم ان ده مش حاجه اساسيه يعني في بنات ما شاء الله في العشرينات وما بيعملوش حاجه. وناس ثانيه اكبر منهم ولكن بيتحركوا وبيعملوا نشاطات اكثر فا مش هو ده الفيصل الموضوع ما بيمشيش كده. انت محتاجه تحددي اولوياتك اولوياتك لو هي الصفات اللي انت بتتكلمي عنها انت كنت حاسه ان هو صعب قوي انك تلاقيها في حد ولا لقيتيها فدي حاجه كويسه جدا تخليكي.
تم النشر الأحد، ١٨ أغسطس ٢٠٢٤
وعليكم السلام ورحمة الله وبركاته من ناحيه انه كبير ف هو كبير عنك بالعمر والخبرات بس احب اقولك مش بالسن ولا المستوي التعليمي دي كلها شكليات الجوهر الحقيقي هو الشخص نفسه ب اسلوبه وتفاهمه معاكي وحنيته عليكي والاهم من دا كله الراحه والشعور بالأمان ف وجوده هل بيعرف يحتويكي ويحسسك ب بالأمان ويكون فيه تفاهم من البدايه علشان ميبقاش عائق بعدين وانصحك برضو تصلي صلاه الاستخاره واللي فيه الخير ربنا يقدمهلك
تم النشر الأحد، ١٨ أغسطس ٢٠٢٤
وعليكم السلام ورحمة الله وبركاته يا حبيبة. شكلك فعلاً محظوظة إنه لقيتي حد فيه الصفات اللي بتدوري عليها. لكن، لازم تسألي نفسك شوية أسئلة قبل ما تاخدي القرار. أول حاجة، الموضوع العمر هو واحد من الحاجات اللي ممكن تخلي العلاقة مختلفة. هو عنده 38 وأنت 20، يعني في فرق كبير في التجارب الحياتية والنظرة للأمور. هل أنتي مرتاحة بالفكرة دي؟ هل بتحسي إنه ممكن تفهموا بعض وتكونوا في نفس الصفحة رغم الفرق دا؟ ثاني حاجة، موضوع التعليم يمكن يكون له تأثير، بس مش بالضرورة يكون عائق. الأهم هو التواصل بينكم وفهم كل واحد للتاني. لو شايفة إنه هو شخص طموح وديما بيسعى للتطور، فممكن الموضوع يمشي. المهم قبل ما تقرري، افتكري إنه العلاقة مش بس عن الصفات، كمان عن الراحة النفسية والتفاهم. يكفي إنك تكوني مبسوطة ومستعدة لبداية جديدة معاه. ودايمًا تذكري قولي "استغفري الله وأنتِ أدخليه"، لأن التوفيق من عند الله. اتمنى لك الخير في القرار!
تم النشر السبت، ١٧ أغسطس ٢٠٢٤
لعرض السؤال في فدني اضغط هنا