في فترة ما كنت عايزة حاجة من احد الشباب في الدفعة فتلاعبت بيه شويه لحد ما اخدت اللي انا عايزاه و لكن الشاب ده حبني جامد و اتعلق بيا فترة يجيلها ٣ سنين لحد دلوقتي.. المشكلة اني وقت ما اعترفي انا مكنتش طايقاه خالص اعتذرت عن الدخول معاه في علاقة و مكنتش مهتمة فعلا. حتى اني أعجبت بكذا شاب بعده.. و هنا المشكلة بحد ذاتها انا مش قادرة امتنع عن التفكير فيه حتى لما كنت معجبة بحد غيره لا أزال كنت بفكر فيه و دلوقتي بعد ما معدتش معجبه بحد لا يزال هو بيظهر في مخيلتي حتى لو مفكرتش فيه لفترة من الوقت بيجي احلم بيه فارجع افتكر تاني.. إيه السبب!!
أنت محتاجة تتوبي إلى الله أولا من اللي عملتيه لأني حاسس أنك بتعاني دلوقتي آثار الذنب اللي عملتيه في الشاب دة .. سواء بإيهامه بحبك له أو بالكلام معه من البداية بطريقة لا تفعلها المؤمنات
تم النشر الجمعة، ٥ أبريل ٢٠٢٤
ربما هذا صوت الضمير .. يعني احتمال جواكي ندم على اللي عملتيه، بانك تلاعبتي بمشاعره، وانتي من جواكي تعبانه بسبب الموضوع ده. ده اول سبب. تاني سبب ربما يكون بتفكري فيه علشان انتي حبيتي الكلام معاه، وده اللي هتقدري تحدديه. ولكن في كل الحالات. فكري في كل حاجه فاتت، وراجعي نفسك في كل حاجه عملتيها. انتي محتاجه تعملي ده جدا، محتاجه تتوبي الى الله على كل الحاجات ديه. لان سواء تلاعبتي بيه، او كلمتيه ودخلتي معاه يف علاقة، هما اساسا الاتنين حرام. ف توبي ل ربنا .. وراجعي حساباتك كويس ..
تم النشر الأحد، ٧ أبريل ٢٠٢٤
كفري عن الشي دا بكافة الطرق جايز ربنا يصرف عنك شتات الأمر والتفكير
تم النشر الأحد، ٧ أبريل ٢٠٢٤
طيب هو يعني انا هبدا من انك بتسالي على السبب يعني يا ترى ايه سبب انك الشخص ده يعني بيظهر لك كده في مخيلتك دايما رغم انك مش بتفكري فيه السبب هو ان الحمد لله في جزء كده صاحي جواكي من فطرتك اللي ربنا خلقك عليها الجزء ده صاحي وبيحاول ينبهك بس هو صوت بقى جاي من بعيد لان التصرفات اللي انت بتتكلمي عليها كده وانت بتشرحي الموضوع بتقولي انك يعني بقالك فتره كبيره مواضيع الارتباط والشباب ده شغله بالك بالموضوع ده بس بقيت عاده عاديه جدا يعني بالنسبه لك وانت مش شايفه فيها اي مشكله من الاساس فعشان كده بقى صوت الفطره بعيد شويه بس الحمد لله ان هو يعني لسه موجود ولسه صاحي معاكي صوت الفطره ده هو ده السبب بيصحصحك بيفوقك بيقول لك في حاجه غلط في حاجه غلط وحاجه عدت حدود للغلط كمان يعني كانك مش بس بتعرفي على شباب وترتبطي وتدخلي في حاجات لها علاقه بالمشاعر او حتى تبقى يعني فور فان ولكن الموضوع بقى. انك تلعبي بمشاعري بني ادمين لا كده ظهر عندك الارم بيقول لك كفايه كده فخلي بالك دي واحده من اللي على متر ما تعديهاش لانها ممكن ما تجيلكيش تاني وتنزلي لتحت اكتر فانزلي تحت اكتر الصوت ده يختفي تماما ودي بتبقى مش مرحله كويسه في البني ادم ان يبقى صوت الفطره او صوت الضمير يختفي عنه فيلاقي نفسه عمال يتمادى يتنادى في الغلطات يتمادى ويبقى كل حاجه عادي انصحك تركزي مع ده كويس قوي قوي وتعيدي تفكير كل حاجه انت بتعمليها.
تم النشر الجمعة، ٥ أبريل ٢٠٢٤
ده عشان صعبان عليكي بس ضميرك بيأنبك انك علقتيه بيكي وف الاخر سيبتيه بس صح اللي عمليته انك ترفضي الدخول ف علاقه عشان متعشميهوش ومتعوجعيهوش اكتر عمتا ده تأنيب ضمير بس مش اكتر وهيروح مع الوقت الايام بتنسي الهي نفسك ف اي حاجه ف مذاكره ف صلاتك شوفيلك مسلسل مع الوقت هتنسي وهتبطلي تفكري فيه وهو كمان ربنا يسهله ويوفقه
تم النشر الجمعة، ٥ أبريل ٢٠٢٤
دا حاجه من اتنين دا تأنيب ضمير او انت حبتيه وقلبك بيفكرك بيه
تم النشر الجمعة، ٥ أبريل ٢٠٢٤
انا اعتذرتله بالفعل و نهيت الموضوع معاه انا مش منعدمة الضمير للدرجاتي.. دلوقتي انا بتكلم عني
تم النشر الجمعة، ٥ أبريل ٢٠٢٤
وأنت فاكرة أن اللي عملتيه دة حاجة سهلة أو هينة؟
تم النشر الجمعة، ٥ أبريل ٢٠٢٤
آه
تم النشر الجمعة، ٥ أبريل ٢٠٢٤
تلاعبت بيه يعني خليتيه يفهم أنك مهتمة بيه وكدة؟
تم النشر الجمعة، ٥ أبريل ٢٠٢٤
لعرض السؤال في فدني اضغط هنا