أنا عندي 14 سنه أمي وأبي انفصلوا وانا عندي شهرين أمي اتجوزت شخص تاني وانا قعدت مع جدتي ام أمي وابي بيدفع نفقة 500 جنية وزعلان أنه بيدفع عايز ياخدني عشان ميدفعش وقالهالي قبل كدة كنت بطلب منه يجبلي حجات زي الابهات بتجيب لاولادها بس هو مكنش بيجبلي حاجة ولا بيعبرني وتتغير معايا اوي كنت كل اما اروحله يقول كلام علي أمي وجدتي ويقولي تعالي اقعدي معايا بدل ماندفع في البنك وكنت أما أقوله لا طردني كنت كل اما اروح طردني لما عرفت أنه تعبان عنده كانسر روحتله بس قال كلام وجعني اوي وطردني من يومها قطعت علاقتي بي عيلة ابويا هو أنا غلطانة أن قولت معتش ريحاله خالص بذات وهو مريض بقيت بكره
بصي الاب والام ..مكانتهم بعد ربنا حتي في اصعب ظروفك واذيتك دي لكن اللي حابب افهمولك ان كله خلصان وزوريه واكرميه علشان بركة ربنا في حياتك بعد كدة متفارقكيش لان الاذي ايوة صعب جدا ومدمر للنفس لكن مشجعكيش علي مقاطعته ويازيتش مترديش الاذي باذي لان ده والدك زيارتك ليه حتي لو مرة شهريا فقط يعني اعملي الكويس من ناحيتك قدام ربنا وهو هيجازيكي وانسي الاذي متفكريش فيه لان كل تفكير ف اي اذيه هيعمل طفره كراهية تتبني بعد كدة وتورثيها لاولادك وتقعدي تحكيلهم ولكن ان نسيتي الدنيا هتبقي احلي ليكي وللعلاقة بينكم حتي لو كانت الظروف صعبه ..فيه مثل بسيط بيقول ايه ابوك وامك حتي لو كانوا تراب ميتداسوش اكرمهم حتي تطول ايامك علي الارض ..الايام هنا يعني البركة لحياتك مش عدد سنيين عمرك وربنا هيكرمك من خير كتير دائما ويصلح الحال وصلي دايما لله ان العلاقة دايما بينكم تبقي احسن ويحنن قلبه عليكي لان الايام مش مستاهلة زعل او نكد او حتي تضيعي وقت حياتك ف البعد عنه حتي لو هو صعب تحياتي .
تم النشر الثلاثاء، ١٢ سبتمبر ٢٠٢٣
طبعا القطيعه غلط ....انتى ممكن تختارى وسيلة تواصل لتقليل الاذى تروحى تزورية مره واحده مثلا فى الشهر كل التعديلات ممكنه .,الا القطيعه ...والله ولو حتى كافر ...لا يجوز انك تقاطعيه
تم النشر الاثنين، ١١ سبتمبر ٢٠٢٣
هو من حقك انك تمنعي الاذي عنك .. لان مش معقولة هتفضلي متضررة ونفسيتك مدمرة وتيجي على نفسك. ف لو انتي حاليا مش جاهزة نفسيا انك تروحي لوالدك وتبقى عارفه ان ديه شخصيته وتعامله يبقى خلاص .. متروحيش طالما الموضوع انتي مش مستحملاه. لو هتستحملي معاملته ليكي وعايزة تطمني عليه او تبريه يبقى روحي .. واعملي الخير ده لربنا.
تم النشر الأحد، ١٠ سبتمبر ٢٠٢٣
بصي البر مش انك تعامليه حلو وهو يعاملك حلو البر اللي بجد انك تعامليه حلو مهما عمل فيكي
تم النشر الاثنين، ١١ سبتمبر ٢٠٢٣
أسال الله العظيم رب العرش العظيم أن يشفيه
تم النشر الاثنين، ١١ سبتمبر ٢٠٢٣
بصي ي حبيبتي ف الاول والاخر ده باباكي يعني نصيحه مني بلاش تسيبيه خصوصا وهو تعبان اقعدي معاه وصفوا اللي بينكوا الدنيا متستهلش كل ده وراضيه لانه تعبان وربنا يشفيه يارب
تم النشر الأحد، ١٠ سبتمبر ٢٠٢٣
جزاك الله خيرا
تم النشر الأحد، ١٠ سبتمبر ٢٠٢٣
لعرض السؤال في فدني اضغط هنا