السلام عليكم جميعا انا عندي ٢٢ سنه حاليا ف رابعه كليه انا الحمد لله ف ايام الثانوي كنت تمام ملتزم مع نفسي ف الصلاه والمزاكره ومع اهلي وخلصت ثانوي واهو اخر سنه ف الكليه بس لاحظت حاجه ف حيااتي اتغيرت تماما
انو بقيت ف سكه الانحراف شويه دي مثلا بقيت بشرب سجاير ومبقتش اصلي وبقيت بشتم كتير واهملت ف الكليه بتاعتي وحاجات تانيه كتير الكلام دا بدا يحصل من سنه تانيه كليه وانا دلوقتي بقيت مخنوق ومعظم وقتي مدايق من نفسي ومش عارف اعمل اي علشان ارجع زي الاول بصلي وبزاكر وملتزم ف حيااتي من كل حاجه ف ياريت تساعدوني او تنصحوني اعمل اي ممن تكون خيير ان شاء الله...شكرا
ربنا يهديك بجد وياخد بايدك والله لو لم يكن يحبك لما شغلك بالتفكير في حبه الله يناديك ،عاوزك ترجع وإن شاء الله طالما النيه موجودة يبقا كله هيكون تمام ،ابعد عن صحابك لو مش كويسين وصاحب ناس تعينك ع الطريق الكويس لان أنا ف جامعه وبشوف حاجات كتير اسباب الصحاب بجد ،المهم خد خطوة ع طول متضيعش وقت
تم النشر الجمعة، ٣ نوفمبر ٢٠٢٣
الحمد لله ... انت دلوقتى قطعت نص الطريق بمعرفتك واحترامك بالأخطاء تطبيق موبايل بتذكير وقت الصلاة من الأشياء المجربة والناجحة طالما الرغبة والنية متوفرين واعرف ان التقطيع فى الخير احسن واف١ل من لاشئ ... الدعاء كفيل ان يرضى إلى طريق الخير والصلاح والدعاء بظهر الغيب منك وليك يحقق معجزات الله على الأرض اما اللسان واقواله عليك بتذكر الاستغفار دائما بعد فعل الخطأ ولا تنتظر نهاية اليوم والاستغفار قبل النوم فقط .
تم النشر الخميس، ٢ نوفمبر ٢٠٢٣
كويس انك عارف ان انت بقيت في طريق غلط ارجع انتظم على الصلاة لو عندك صحاب سوء أبعد عنهم
تم النشر السبت، ٤ نوفمبر ٢٠٢٣
قصدك أنك انتكست، وكونك بتسأل يبقى حاسس بتأنيب الضمير ودا شئ كويس فى غيرك كتير لسا معميين، فقول الحمد لله على النعمه دى .. قبل اى حاجه لازام تشوف النقطه الرجعت منها الخلتك ترجع تانى وتحاول متكررهاش. فى مقوله سمعتها من شيخ بيقول فيها (لو إيمانك مزاتدش هينقص) يقصد فيها أنك لازام تزود رصيد عبادتك متكتفيش أنك تصلى بس أو تقرأ قراءن بس زود معرفتك بلدين من طرق موثوقه بأنك تقرأ كتب مثلا أو حتى تحضر خطبه جمعه المهم أن رصيد عبادتك يزيد كل فتره لأن الإنسان بلطبيعه كسول فلو بتصلى بس وانت مكنتش بتصلى هتلاقى نفسك بتكسل وواحده وواحده هتقطع فزودها بالسنه علشان لو كسلت مترجعش تانى للنقطه الصفر دى نقطه . النقطه التانيه انت قررت وقولت هبدأ ألتزم وخلاص نويت بلاش إندفاع البدايات بمعنى أنك بلاش تبدأ بعبادات كتير مع بعض أنا بقولك زودها مش تبدأ بيها كلها علشان متحسش بأنها تقيله عليك واحنا أصلا عايزين نقلل الإحساس ده الى بلمناسبه هتحس بيه فى البدايه . الايه 28 سوره الكهف ( واصبر نفسك مع الذين يدعون ربهم بالغداه والعشى يريدون وجهه ولا تعد عيناك عنهم تريد زينه الحياه الدنيا ولا تتبع من أغفلنا قلبه عن ذكرنا واتبع هواه وكان أمره فرطا ) نفهم من الايه اى أن وجودك مع الصالحين يصلحك وشوف ربنا بيقول اى واصبر نفسك عاده الصبر بيكون على حاجه ثقيله على قلبك أو حاجه صعبه دا معناه أنك لازام تثبت نفسك على الطاعه ولا تتبع من أغفلنا قلبه عن ذكرنا دا معناه أن شخص سئ واحد قادر أنه يأثر عليك فحاوط نفسك بلصالحين وابعد عن الصحبه السيئة حتى لو هتقاطعهم كلهم طريق ربنا أهم . وفى النهايه انصحك انك تبدأ من دلوقتى ذى ما بيقولوا كده أضرب على الحديد وهو سخن، محدش عارف إحساسك بلغضب من نفسك وتأنيب الضمير دا ممكن تحس بيهم تانى أمتا ♥️
تم النشر الجمعة، ٣ نوفمبر ٢٠٢٣
طبيعي تبقي ملتزم ويحصلك فتور بس آل مش طبيعي انك مترجعش تاني وبسرعه ومدام شاغل تفكيرك ازاي ترجع تقرب يبق قلبك بخير امسك دلوقت ف كل الحاجات ال هتخليك قريب وأن شاء الله تقرب وربنا يرضا عنك
تم النشر الجمعة، ٣ نوفمبر ٢٠٢٣
طبعا بداية طريقك الي الصواب هي مشاركتك معانا هنا .. لانك طالما سألت يبقى حقيقي انت مهتم. ولكن هل حياتك تغيرت فجأة كده؟ اكيد لا فيه حاجات محتاجة اعرفها اكتر.. هل فيه صحبة سوء كانت في حياتك؟ هل انت من جواك كان عندك فضول شوية انك تجرب مثلا؟ هل كان فيه ضغوط في حياتك مثلا علشان كده بقيت متجه للطريق ده للتنفيس عن غضبك؟
تم النشر الخميس، ٢ نوفمبر ٢٠٢٣
ابعد عن الصحاب اللى عرفوك على السكة دى و بدلهم بصحبة المسجد و على قد ما تقدر يكون ليك ورد يومى للقران حتى لو صفحة و ربنا يكرمك
تم النشر الجمعة، ١٠ نوفمبر ٢٠٢٣
هستنا ردك بعد متعمل الي قولتلك عليه
تم النشر السبت، ٤ نوفمبر ٢٠٢٣
ان شاء الله خيير
تم النشر السبت، ٤ نوفمبر ٢٠٢٣
بص اسمع فيديوهات عن الي حالتو بتسوء بيكون عامل ازاي عشان حالتك هتبقا شبهو فكل متشوف الفيديو دا وتفتكر كلام مش هتعمل الغلط تاني شغل قرأن دايما ف اوضتك وصلي وحاول تلتزم م تاني وركز ف الكليه بتاعتك عشان دا مستقبلك ونت كده بتدمر نفسك بنفسك وف ايدك تصلح نفسك الأحسن برضو ف شوف هدفك ايه وحطو قدامك قول انا هلتزم ف كليتي تاني عشان ابقي حاجه كويسه ومعايا شهاده محترمه واهم حاجه القران الدايم ف اوضتك والصلاه وربنا يثبتك انشاء الله ♥.... الشكر لله
تم النشر السبت، ٤ نوفمبر ٢٠٢٣
لعرض السؤال في فدني اضغط هنا