السلام عليكم لو سمحت انا بتعرض للتحرش من جوز خالتو من ساعه لما كان عمرى 9 سنين بس انا مكنتش فاهمه خالص بس لما وصل عمرى 15 فهمت كل حاجه وهو بدأ يتجاوز حدوده انا حاليا 17 سنه بقى عندى صدمه نفسيه خايفه احكى لاهلى وكمان محرجه بس هو بقى يتجاوز حدوده اووى وانا خايفه محدش يصدقنى او يحصل مشاكل بس انا مبقتش قادره استحمل 😭 😭هل ازور طبيب نفسي ولا اعمل ايه مع العلم انا حاولت انتحر كتير
لازم توقفى المهزلة دي وما تسكتيش ابدا لازم الحقير ده يوقف عند حده ومش كده وبس لاء كمان تعملى له محضر تحرش ويتأدب فيه اوعى تتنازلى عن حقك ولو كلف الأمر تروحى لمحامى كبير كمان القانون هيجيب لك حقك السنين دي كلها أنتى لسه صغيرة وقدامك لسه الدنيا وحرام بجد يحصل كده شرعاً وقانونا
تم النشر الاثنين، ٨ يوليو ٢٠٢٤
فى البداية كده.انتى استحملتى سنين فى وضع صعب جدا أثر عليكى نفسيا بس دلوقت حان الوقت اللى لازم تدافعى فيه عن نفسك متفكريش انك هتعملى مشكله فكرى انك لازم توقفى اللى بيحصل ده بأى وسيله اكيد فى ناس قريبه منك فى عيلتك اختارى الشخص اللى هيقدر يساعدك ويقف جمبك فعلا واتجنبى الشخص ده وكل تواجدك معاه يكون وسط المحيط العائلى .لازم تدافعى عن نفسك بكل قوتك واكيد هتحتاجى دعم نفسى سواء من لايف كوتش أو طبيب نفسى .المهم لازم دعم نفسى علشان تتخطى المرحلة الصعبه دى. ولو هددك افتكرى دايما أن هو اللى فى موقف ضعف مش انتى وهو استغلك ولازم تاخدى حقك وافتكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر الاثنين، ٨ يوليو ٢٠٢٤
الطبيب النفسي مش هو الحل فى انك توقفى التحرش...هتحتاجى دعم نفسي طبعا لو مش قادرة تتخطى الازمة لوحدك
تم النشر الاثنين، ٨ يوليو ٢٠٢٤
حضرتك لا شك ان سكوتك بيوحي له انك موافقه على تصرفاته ولا يخطر بباله انه اوصلك بسوء خلقه وانحراف سلوكه جعلك تفكري في الانتحار لذلك لابد ان تسجلي عليه تصرفاته سواء صوت او فديو وبكده تقدري تحكي لماما او اي حد بما ان معاكي دليل يدينه وبعد ذلك لابد من التعافي من تلك التجربة من خلال الدعم والارشاد سواء بالبحث عن ذلك او بالتواصل مع مختص وربنا يحفظك من كل شر ويصلح حالك وينتقم منه
تم النشر الاثنين، ٨ يوليو ٢٠٢٤
الحل انو تكلمي الاب او الاخ. او الام فهم سندك وخايفين عليك اكثر من اي شخص ممكن تثقي به ممكن ترسلي واتس على الاب بتاعك وتشرحي له عن كل شي من البدايه وطبعا مث تشرحي له كتابه صوت هذا بايكون اسهل ويفهم الاب من نبرت صوتك وقبل هاذا لا تختلي بزوج خالتك حاولي ان تخلي بينك وبينه حاجز وامامك الفرصه الان قبل مايعمل شي لك وتندمي الان عادك ماقد مسك وعادك بانوثتك حاولي تهدديه انك باتبلغي افراد العيله وتبلغي الامن حاولي تسجلي صوت وقت ما يتحرش او اول مايكون موجود عندكم وتمسكي عليه دليل او كلمي الاب لنه بتأكيد رح يصدقق لان ذا الموضوع بيخصو اكثر ولا في هزار
تم النشر الاثنين، ٨ يوليو ٢٠٢٤
عليكم السلام ورحمة الله وبركاته، يا حبيبة قلبي اسمعيني كويس، اللي انت بتمري بيه مش سهل أبداً ومُؤلم جدًا. من حقك تعيشي بسلام وأمان، ومحدش في الدنيا ليه حق يتعدى على حرمتك أو حريتك. أول حاجة لازم تسويها إنك تكلمي شخص تثقي فيه جدًا، يا ريت لو تكون والدتك أو أحد قريب جدا منك، وانقلي لهم بكل صراحة اللي بتعيشيه. انتبهي، الموضوع ده جد ومهم جدًا وليه تأثير كبير على حياتك النفسية والجسدية. ثاني حاجة، نصيحتي القوية هي انك تزوري طبيب نفسي متخصص. لازم تلاقي شخص محترف يقدر يساعدك ويدعمك في التعافي من الصدمات النفسية اللي حصلت لك. لو مش عارفة تتكلمي مع حد من أهلك، ممكن تكتبي لهم رسالة وتشرحي فيها كل اللي حصل وحاسه. يكون ممكن أكتر صعب تعملي ده بالكلام في الأول، لكن الكتابة ممكن تكون أداة فعالة للتعبير. لازم تاخدي خطوة حالاً لحماية نفسك وتعافي نفسك. حياتك لها قيمة كبيرة جداً، وانتي تستاهلي تعيشيها بكرامة وأمان. لو في أي وقت تحسي انك محتاجة تكلمي حد تاني، أنا موجودة هنا لأي دعم أو مساعدة. انتبهي لنفسك وكوني قوية، انتي تقدر تجتازي ده. 💪❤️
تم النشر الاثنين، ٨ يوليو ٢٠٢٤
شكرا جدا وانا هحاول احكى لماما أو لبابا وهحاول مقلقش واخفف التوتر ده وإن شاء الله خير ♥️
تم النشر الخميس، ١١ يوليو ٢٠٢٤
انا بشكركم جدا والله على الدعم ده♥️🥺 بس هو شغال ظابط ودايما بيهددنى بكده وبيقولى لو اتكلمت الناس هتقول عليا مش محترمه ومحدش هيصدقنى
تم النشر الاثنين، ٨ يوليو ٢٠٢٤
اتقي الله ووقفيه عند حده نهائي. وهدديه انك هتعرفي الناس بفعله.... حضرتك اصبحتي 17 سنه يعني انثى ناضجه واعيه متخليش حد ينال من شرفك.. حاربيه بكل قوه.. وإلا سمعتك هتتبهدل وهتعرفي الكلام دا بعدين وهتندمي كتير على سكوتك على الشخص دا
تم النشر الاثنين، ٨ يوليو ٢٠٢٤
بصي يا حبيبتي المشاكل النفسية لما بتتفاقم بتعمل حاجات صعبة جدا جدا.. الحل ايه ؟ الحل انك تصديه وتفضحيه بس يكون معاكي دليل . وبعدها تروحي لدكتور نفسي وهتبقي زي الفل
تم النشر الاثنين، ٨ يوليو ٢٠٢٤
لعرض السؤال في فدني اضغط هنا