اول مره انزل حاجه كدا أو اتكلم بس حرفيا تعبت من كل حاجه حوليا اهل شغل حب حتي مش نافعه فيه وعندي اخت حولت تخلص مني بدل المره اتنين مش عارفه ليه هي مش بتحبني كل مره بنقرب من بعض اكتر بنبقي كويسين ومجرد شجار بسيط نرجع للصفر تاني بس انا بجد خلاص كرهت حياتي لأبعد الحدود بجد حولت الانتحار كذا مره بس والله مش قلة ايمان بربنا انا مش بحب اعمل حاجه غلط بس تعبت بجد جويا زعل وتعب غريب مش عارفه اتعافي منه انى بقعد لوحدي دايما بسكت ببعد عن الناس بمشي وبسكت بعيط
الفكره اني بقيت بمسح دموعي وكأن محصلش كدا بس انا مش عارفه اتعايش حجزت عند دكتور نفسي بقول يمكن اتحسن يمكن اضحك حتي تاني انا بكدب علي نفسسي ف كل حاجه بقول اني تمام بس انا مش تمام والله ما تمام بجد
مش عارفه اتعايش حتي مع نفسي
فى البداية كده.من الواضح انك مريتى بمواقف كتير صعبه وأثرت عليكى نفسيا. كل واحد فينا مر بظروف مشابهة بس بتختلف التفاصيل وطريقه التعامل معاها.بالنسبه لأختك انتوا مختلفين وواضح انكم مش متفاهمين طب حاولتى انك تتقربى منها وتصاحبيها ؟ اكيد فى مواقف وأمور هى اللى صعدت الوضع مابينكم وطورته لدرجه كبيره فكرة الانتحار صعبه جدا لازم وبكل الطرق تبعديها عنك. حاولى تتقربى من اختك وتتكلمى معاها وتصاحبيها وتشاركيها معاكى الحاجات اللى بتحبوها. افتكرى الحاجات اللى بتحبى تعمليها وبتحسى بإنجاز لما بتشتغلى فيها وارجعى اعمليها من تانى اكتبى دايما اللى جواكى ده ويساعدك جدا .لو ليكى صديقه مقربه أو لايف كوتش اتواصلى معاهم باستمرار . ولو الوضع استمر ومحستيش بفرق ارجعى لدكتور نفسى المهم متسبيش نفسك لأفكار هتأذيكى . فى حلول كتير غير الانتحار وانك تخسرى علاقتك بربنا وافتكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر السبت، ١٣ يوليو ٢٠٢٤
السلام عليكم ورحمه الله اهلا بيكي ✴️محاولات التفكير في الانتحار مؤشر خطر علي حياتك، و لذلك قرار الذهاب الي طبيب نفسي عين الصواب، اطلبي أيضا أن يكون فيه جزء من العلاج علاج كلامي و ليس علاج دوائي فقط. 🔹هترجعي تضحكي و تفكري بشكل عقلاني اكتر في المواقف، و تدي الأمور حجمها الطبيعي و كمان هتتعلمي مع اختك و كل اللي حواليكي بطريقه هترضيكي أن شاء الله. 🔹 العلاج الكلامي بياخد وقت بس النتائج بتاعته ممتازه. ✴️ خذي الخطوه و أن شاء الله ربنا يكتبلك كل الخير
تم النشر السبت، ١٣ يوليو ٢٠٢٤
حبيبتي، انا حاسة بمدى الألم اللي إنتي فيه وبجد أنا هنا عشان أسمعك وأكون جنبك. أول حاجة إحنا محتاجين نتفهم إن الحياة أحيانا بتكون صعبة جدا، وكلنا بنواجه لحظات بتخلينا نحس باليأس والتعب. الخطوة الأولى اللي إنتي عملتيها بحجز موعد عند دكتور نفسي هي خطوة كبيرة وشجاعة، ودي حاجة تحسسك بالفخر. الطبيب النفسي هيكون قادر يساعدك تفهمي مشاعرك وتلاقي طرق تتعاملي بيها مع التوتر والحزن. أما بالنسبة لأختك، العلاقات العائلية بتكون معقدة أحياناً. جربي توصلي لنقطة تفاهم معاها، وفي الوقت اللي تكوني فيه جاهزة، افتحي معاها حوار مفتوح وصريح. الاحتفاظ بالمشاعر داخلك بيزيد الأمور سوءاً. شاركي مشاعرك مع صديقة مقربة أو شخص تثقي فيه. الإنسحاب من الناس ممكن يساعد في البداية، بس على المدى الطويل الوحدة ممكن تزود حزنك. حاجة أخيرة، ممكن تلاقي حاجات صغيرة تبسطك وتشتت انتباهك، زي هواية جديدة، قراءة كتب، أو ممارسة الرياضة. دي حاجات بسيطة بس بتفرق كتير في تحسين الحالة النفسية. أنا هنا عشانك، ودائماً هسمعك. خدي وقتك في التعافي، وكل حاجة هتبقى كويسة بالنهاية. خليكي قوية ومتفائلة، والايام الحلوة هتيجي؟ 💕
تم النشر الجمعة، ١٢ يوليو ٢٠٢٤
نفس احساس و نفس شعور +١
تم النشر الجمعة، ١٢ يوليو ٢٠٢٤
لعرض السؤال في فدني اضغط هنا