حد يساعدني أو يقولى اعمل اى ؟
وثقت ف شخص وبعتله فلوس رقم كبير كان كل اللى معايا دهب بيعته وبعتهوله وطلع نصاب دولى ومفضلش معايا ولا اى حاجه حاليا انا ف حالة اكتئاب شديدة وبيجيلى ضيق تنفس ووخزات ف صدرى ومش قادرة أتجاوز اللى حصل ومببطلش عياط نفسيتى وحشه جدا ومش عارفه أخرج وفكرت ف الانتحار اكتر من مره بس كل ما اشوف بنتى قدامى أتراجع مش عارفه اعمل اى حياتى وقفت
كان الله في عونك انت في ابتلاء شديد لكن إياكي تكبري الموضوع لدرجه الإنتحار ده شيطان بيوحيلك بأفكار انتحاريه افتكري أن في ناس في غزه فقدوا كل شئ كل شئ حرفيا وكانوا بيقولوا الحمدالله انا عارف ان الموضوع صعب جداا لكن افتكري ان الدنيا ديه كلها زائله ولن يبقي منها إلا عملنا متخليش الدنيا تكون معيار لنجاحك وفشلك كلنا بنفشل وكلنا مطالبون بالسعي وافتكري انا ربنا موجود وهيجبلك حقك سواء في دنيا أو في الأخره ... أسأل الله أن يجبر بخاطرك وان يعوضك خيرا ربنا يعنيك
تم النشر الاثنين، ٢٥ مارس ٢٠٢٤
احتسبي ذلك عند الله وقولي حسبي الله ونعم الوكيل فيه وعليكي العمل الدؤوب واضرعي الي الله أن يعوضكي خيرا منه
تم النشر الاثنين، ٢٥ مارس ٢٠٢٤
ترجعى بالشريط الزمنى لورا وتشوفى ايه اللى حصل بالظبط منك ومن الشخص عشان تلاقى النتيجة دى تاخدى اللى حصل منك وتعترفى بيه انه خطأك تاخدى اللى حصل من الشخص وتعرفى ان دى نقطة ضعف عندك ومتتعامليش مع حد بنفس المبدأ الا لما تكونى عندك القدرة الكافية لتقييم صحيح استعينى بالدعاء اللى يهدى قلبك ( انا لله وانا اليه راجعون ) واعرفى ان اى ضياع فى الاموال او الممتلكات لا يساوى اى احتمال لضياع النفس او الاولاد ..هذا ابتلاء شديد ولكن بداخله درس مهم استفيدى منه كويس
تم النشر الأحد، ٢٤ مارس ٢٠٢٤
معاكي بنتك بالدنيا وما فيها وبصحتك ،والفلوس مهما بلغت ييجي غيرها واكتر إن شاء الله ورددي دعاء "رب أجرني في مصيبتي واخلفني خيراً منها"
تم النشر الاثنين، ٢٥ مارس ٢٠٢٤
لو عرضت عليكي مليون جنيه بدون مقابل، هتفرحي طبعا. بس ايه رأيك لو عرضت عليكي 10 مليون جنيه في مقابل انو بنتك متصحاش بكرا من النوم"⚰️" هتوافقي؟ فالغالب: لا. وده لانك عارفة انو حياة بنتك اهم واغلى من 10 مليون، ملخص الأمر، انسي قليل ما ضاع ويمكن تعويضه ولا تضيعي كثير ما بقي ولا يمكن تعويضه
تم النشر الاثنين، ٢٥ مارس ٢٠٢٤
الفلوس ال راحت اعتبري نفسك صرفتيها أمر طارئ وخدها متفكريش فيها لأن الفلوس أسهل حاجة تتعوض في حاجات لو راحت متتعوضش في ناس بتفقد أعضائها اولادها حد عزيز عليها احمدي ربنا علي كل حال وادعي يعوضك لأن الندم مش هيعمل حاجة
تم النشر الاثنين، ٢٥ مارس ٢٠٢٤
بص الخير فيما اختاره الله ولو احتجت اي دعم تحت امرك
تم النشر الأربعاء، ٢٧ مارس ٢٠٢٤
أولاً وقبل كل شيء، أنا أعتذر عن ما حدث لك وعن الصعوبات التي تواجهها في الوقت الحالي. من الطبيعي أن تشعر بالحزن والاكتئاب بعد تعرضك لهذه الخيانة والنصب، ولكن يجب أن تعلمي أن الحياة تستمر وأن هناك طرق للتعافي والتغلب على هذه المشاكل. أول خطوة هي البحث عن الدعم النفسي والعاطفي، يمكنك التحدث مع أحد الأصدقاء المقربين أو العائلة عن مشاعرك، أو اللجوء إلى اختصاصي نفسي للمساعدة في علاج الاكتئاب والضغط النفسي. ثانياً، يجب أن تتحلى بالصبر والقوة لتجاوز هذه المحنة، لا تفكري في الانتحار بل ابحثي عن الحلول الإيجابية للخروج من هذه الأزمة. تذكري أن لديك ابنة تحتاج إليك وتحبك، فكوني قوية من أجلها ومن أجل نفسك. وأخيراً، حافظي على الأمل والإيمان بأن الحياة ستتحسن وستعود للسير في مسارها الصحيح. ابحثي عن الطرق لاستعادة ثقتك بنفسك وللتعافي من تلك التجربة السلبية. لن تكون الأمور سهلة، ولكن بالتأكيد ستجدين القوة والإرادة للتغلب على كل المصاعب التي تواجهينها. ابحثي عن الدعم والمساعدة التي تحتاجينها، ولا تيأسي أبدًا.
تم النشر الثلاثاء، ٢٦ مارس ٢٠٢٤
حقك مش هيضيع عند ربنا تاكدي ، ثانيا اعتبريه درس من دروس الحياه القاسيه حتي لا تتكرر ، ثالثا وهذا الاهم لو خسارتك في فلوس ودهب بسيطه المهم انك بخير
تم النشر الثلاثاء، ٢٦ مارس ٢٠٢٤
هي امر صعب جدا بس ف الاول وف الاخر ارضي بقضاء الله وقدره. متعرفيش الخير فين و لو اطلعتم علي الغيب ل اخترتم الواقع وسبحي كتير واذكري الله بنيه الرزق وان شاء الله ربنا يعوضك خير
تم النشر الثلاثاء، ٢٦ مارس ٢٠٢٤
يا سيدتي لا تقلقي قال رسول الله صلى الله عليه وسلم... امر المؤمن كلو خير له اصبري.. واستغفري ربنا وقومي صلي قيام الليل واسجدي كلمي الله واشكي الي الله.. ربنا هيعوضك ان شاء الله
تم النشر الثلاثاء، ٢٦ مارس ٢٠٢٤
بصي انتي اول حاجه حطي نفسك وصحتك قدام الفلوس دي ام الفلوس دي راحت بس لو بعد الشر كنتي دخلتي مستشفى كنتي هتدفعي اكتر بكتير اوي اوي الحمد لله انها جت علي قد كده وربنا يعوضك خير باذن الله انا والله خسرت فلوس برضو بنفس الطريقة
تم النشر الأحد، ٢٤ مارس ٢٠٢٤
كنتي داخله علي منصت SGO
تم النشر الأحد، ٢٤ مارس ٢٠٢٤
محتاجه اى دعم نفسي انا على وشك الموت والله
تم النشر الأحد، ٢٤ مارس ٢٠٢٤
لعرض السؤال في فدني اضغط هنا