انا عندي ١٨ سنه ، في ثانوية حاليا انا الحمدلله عندي طموح و اهداف و من جوايا شخصية نضيفة متفائلة بحب القرءان و الصلاه و الصوم و بر الوالدين ، لما كان عندي حوالي ١٢ سنه او ١١ سنه قريبي وراني فيلم اباحي و مكنتش مصدق خالص ان البنات مش زينا !! و كانت صدمه سعتها بس بعدها ابتديت انسي الكلام ده بس بعد حوالي سنه مثلا ابتديت احب اشوف و اتفرج علي اباحيه اكتر و بقيت حافظ كذا موقع و نشط عليهم وبشوف كل يوم و كنت بستمني فاليوم الواحد مره ، مرت السنين بيا و معدل فرجتي و استمنائي بيزيد بشكل طردي لحد ما وصلت لسن ١٥/١٦ بقي عندي هوس جنسي و تخيلات كتيرة منحرفة و شاذة عن الطبيعي لما وصلت لسن ١٧/١٨ الهوس ده قل جدا بس بقا مكانه هوس بحجات اصعب و اشذ اكتر . طبعا انا عارف ان كل ده بسبب ادماني علي الاباحيه ولو موقفتش هدهور اكتر الفكره اني كل مره بحاول ابطل و اوقف بفشل حاولت ابطل في رمضان الفات ووصلت ل ١٨ يوم و حرفيا كان اعلي رقم اجيبو ف حياتي !
ده غير اني لاحظت حاجة خطيره بقا اني بقيت مصاب بالوسواس القهري في كل حاجة حرفيا جالي وسواس قهري :
١ في العقيده و الدين ووجود ربنا سبحانه وتعالي ( الحمدلله اختفي )
٢ صحة القرءان ، و صحة كلام النبي صلي الله عليه وسلم ( اختفي بردو الحمدلله)
٣ وسواس قهري في الطهاره
٤ وسواس قهري في النضافة
٥ وسواس قهري في الجنس ( هنا ابتديت افوق و بحثت كتير عن سبب الوسوسة دي لان كان بيجيلي وساوس غريبة بتدايقني جدا زي اني ممكن ابقي ديوث ، شاذ جنسي ، مازوخي ) حجات كتير بتدايقني لانها بتتعارض مع ديني و تربيتي و اخلاقي .
بدئت ابحث كتير ورا سبب الوسواس القهري لقيت ناس بتقول ان الوسواس القهري من الشيطان بس مقتنعتش اوي ( اه انا عارف ان في جزء من الشيطان بس بعد بحث اكتر ) اتضح ان اه الوسوسة بتكون من الشيطان بس مجرد ما بتستعيذ الموضوع بيختفي لكن الوسوسة ال من نفسك دي بترجع لعدة عوامل بيئية و اجتماعيه و نفسيه وبيولوجيه .
الحقيقه قعدت ابحث اكتر و اتعمق فالبحث اكتر و قعدت ادور ورا نفسي في رحلة شاقة و متعبه جداااا هو انا لي بيجيلي الوسوسة دي و في الاخر بعد طول انتظار و بحث معقد اكتشتفت ان السبب بيولوجي :
لان الوسواس القهري لما بيكون بسبب بيولوجي بيكوم ناتج عن قلة هرمون السرتونين ، الدوبامين في الدماغ ال بيسبب عدم القدره علي السيطره في ايقاف الافكار المترددة دي .
فلما بحثت عن اضرار الادمان و الاباحيه لقيتها انها ببترفع معدلات السرتونين و الدوبامين بشكل خرافي حرفيا !! و بعد الاستمناء المعدل بيقل تدريجيا لدرجة ان اي حاجة تانيه مش بتحسسك بمتعه .
حتي لو كانت في الاول بتخليك مبسوط و راضي .
شوفت مثال وضحلي الدنيا اكتر :
مدمن الاباحيه عامل زي ال شرب بطرمان عسل ، و بعد كده حد جيه ادالو تفاحه جميله طعمها حلو جدا ! بس لما كلها محسش بلذتها اوي يكاد محسش بحاجة اصلا !! سعتها فهمت بقا .
ان معدلات السرتونين و الدوبامين لما بوقف استمناء و فرجه علي الاباحيه بتبدء تقل و لما بتقل بتبدء الأفكار الوسواسية بتهاجمني و مش بقدر اوقفها بسبب نقص الهرمونات و لغبطة كيميا مخي .
و ال أكدلي المووضوع ده اكتر اني لما بتفرج او استمني بقدر بعدها اسيطر عادي خالص ، و بكون طبيعي .
انا دلوقتي عايز حد خبير مختص يقدر يفدني ازاي اقدر اتحكم في نفسي و ابطل العادة و الفرجه خصوصا اني جربت حجات كتير بتنجح مدة و بفشل بعدها .
ولو حد يعرف مركز نفسي لعلاج الادمان ياريت يقولي بس ميكنش مكلف اوي .
انا عرفت ان في مركز في الدمرداش وكده بس مشعارف اروح ولا لا خايف اروح ليكون مش كويس
و الاهم من ده ال انا كاتب كل ده عشانوو حد يقدر يفدني ازاي اقدر اتعامل مع الوسواس القهري و الأفكار دي لان دي اهم حاجة عندي و بحثت كتير جدا جدا عنها .
وهل بردو اروح لمركز نفسي ؟!
شكرا مقدما ♥️♥️
العب رياضة حركية ...ملاكمه او العاب قوى عشان المعدلات دى تترفع بالشكل اللى يبعد عنك الوساوس. والافضل طبعا متابعة مباشرة مع متخصص ..لانك محتاج متابعة مستمرة
تم النشر الأربعاء، ٣ مايو ٢٠٢٣
نصيحتي تواصل مع صفحة واعي، سيساعدونك بطريقة مناسبة باذن الله. ونصيحة اخرى زر طبيبًا نفسيًا. هناك العديد من الأطباء النفسيين يمكنك الدخول على موقع شيزلونج هناك عشرات الأطباء والاخصائيين عليه. هناك ايضًا طبيب اسمه احمد ابو الوفا، وهو المعالج النفسي للنادي الأهلي حاليًا، هو من امهر الأطباء النفسيين، يمكنك حجز جلسة معه وإن كان مناسبًا ماديًا لك اكمل معه، أو اطلب منه أن يحيلك على مكان يقدم الخدمة بشكل مادي بسيط مؤسسة مرسال الخيرية كذلك تقدم خدمة العلاج النفسي المجاني لغير المستطع، وبتكلفة بسيطة جدًا اظن لا تزيد عن 150 ج للجلسة لمن استطاع شفاك الله وعفاك، وباعد بينك وبين كل ما يغضبه
تم النشر الثلاثاء، ٢ مايو ٢٠٢٣
الوسواس له عوامل تانية ... زي الوراثة، وزي المشاكل اللي انت ذكرتها .. الوسواس بيلمس على اكتر حاجه انت مشغول بيها، او مسببة ليك ازمة. وده اللي حصل معاك في وسواس الدين او العقيدة، وزي ما لمس معاك في موضوع انك ممكن تكون شاذ او غيره .... وغالبا الموضوع فيه ربط عندك بسبب العادة ... يعني مثلا وسواس النظافة، الطهارة بتبقى خايف احسن لا انا مش طاهر ولازم اعمل ده صح، طيب انا نسيت حاجه ... دماغك علطول شغاله ... هو طبعا وسواس النظافة والطهارة مش لازم يكون مرتبط بمشكلة الاباحيه اصلا .. انا بس بحاول اخمن من خلال نمط اللي حكيته. في طريقين لازم محتاج تمشي فيهم ... هو اولا لو كنت لسه مقريتش الاسئلة اللي فوق روح اقرئها وتعالى كمل ... لازم تبطل العادة .. الموضوع مش مستحيل، محتاج عزيمة لكنه مش مستحيل. الحاجه التانية قوي نفس ايمانا .. تفقه في الدين اكتر ... الحاجه الثالثة اللي عايزة اسالك عنها لما كنت بتبطل العادة هل كانت برده الوساوس موجودة؟ وكانت اي نوع من الوسواس موجود وقتها لو كانت موجوده ساعتها!!!
تم النشر الثلاثاء، ٢ مايو ٢٠٢٣
ابتعد عن الموبايل او مصدر الاباحية لا تمس فرجك تقرب اكثر من الله عزوجل بقرأة القرآن والصحبة الصالحه ولا تتبع خطواط الشيطان واسأل اللهان يعافيك في ركعتي قيام الليل 🔴
تم النشر الجمعة، ٤ أغسطس ٢٠٢٣
نزل تطبيق واعى ، وكمان فيه بيدج اسمها مستشفى موافى للادمان والعلاج النفسى ممكن تساعدك، وكمان فيه موقع شيزلونج
تم النشر الثلاثاء، ٢ مايو ٢٠٢٣
شوف اللينك دا https://v-ball.yoo7.com/t60-topic لو طلع في تطابق روح لشيخ لو مطلعش شوف لك معالج نفسي وتوب الي الله من قلبك انوي وربنا يهديك ويعينك علي نفسك
تم النشر الثلاثاء، ٢ مايو ٢٠٢٣
ياريت مساعدة و بلاش تجاهل احنا كلنا هنا نساعد بعض
تم النشر الثلاثاء، ٢ مايو ٢٠٢٣
لعرض السؤال في فدني اضغط هنا