انا بحب اساعد واشوف اللي حوليا مبسوطين وكتير باجي على نفسي عشان اساعدهم
بس لما جيت في مرة لقيت اللي بعمله ده ولا كأنه بيتعمل
وانه بيتشاف بطريقة تانيه زعقت وقلت اني بعمل كده عشان اساعد مش علشان اظهر بصورة كويسة
وقلت اني خلاص معدتش هساعد وهبقى مش كويسة وسحبت نفسي
وبطلت اتدخل
المهم انهم زعلوا ومش عجبهم ده
الغريب اني زعلت على زعلهم وعاتبت نفسي انها عملت كده
وتمنيت لو مكنتش اتصرفت كده
هو ايه الصح اني ابعد واخليني في نفسي
ولا افضل اقدم مجهود ووقت غالبا مش بيتشاف
المشكلة ان كله بقى بيشوف ان انا الغلط
هو انا فعلا غلطت
احساس حلو منك انك بتحبي تساعدك الناس اللي حواليكي .. بس لو فيه حد مش مقدر ده ومعتبره ده حق مكتسب وانه مفروض اصلا، المفروض هنا تكون فيه وقفة في الموضوع ده. من حقك انك زي ما انتي بتدي لازم تاخدي .. والاخذ هنا ممكن يكون حتى معنويا حتى لو بكلمة (شكرا - كتر خيرك - تعبتك معايا ) وهكذا ... اما لو هما معتبرين ده اساسا حق والمفروض انك بتقديمه بل لما تزعلي وتبطلي انك تقدميه هما يزعلوا .. يبقى الموضوع هنا مجرد قلب تربيذة عليكي مش اكتر ومش عايزين يطلعوا غلطانين. حافظي على حدودك النفسية قبل ان تهدر .. ومتسمحيش لحد انه يستنزفك.
تم النشر الخميس، ١٠ أغسطس ٢٠٢٣
هو الغلط هنا فى حق نفسك انتى اتعاملى بطبيعتك الجميلة ..ده حقك على نفسك وما تحجميش حاجة جميلة جواكى من انها تطلع . وحقك بردوا انك لو حد قابل الحسن بالاساءة او اتأذيتى حتى بعدم التقدير ...فحقك على نفسك انك توقفى اللى بتعمليه تجاه الشخص اللى زعلك. الى يلوم عى رد فعك وهو مش شايف فعه يبقى شخص انانى وعاوز يسلبك حقك ....وانتى بتغلطى لما تاخدى كامهم وتلومى بيه نفسك كمان. انتى زعلتى على زعلهم عشان قلبك ابيض وبتحبى من قلبك وبتحبى الخير. اسهل طريق ليهم عشان يفضوا مستفدين من طبيعتك الحلوة ( بدون ما يقدموا هما اى مجهود ) هو انهم يأثروا على طيبتك بالعتاب البجح ده وبالتالى عارفين انك هتعملى كده وترجعى زى الاول تدى وتساعدى مهما هما قصروا او كان مردود منهم ميليقش بيكى اصلا . تعملى ايه : توقفى اى حاجة تجاه حد اثبتلك انه مبيقدرش او ميستاهلش. نصيحة : اوعى تتعبى فى التورته وتروحى تعرضيها ع الرصيف ....خليكى مقدرة الحلو عندك واوجديله المكان المناسب
تم النشر الخميس، ١٠ أغسطس ٢٠٢٣
هو جميل جدا طبعا انك تكوني بتحبي تساعدي الكل دي حاجه حلوه اوي بصراحه بس مش تيجي علي حساب نفسك مهما كنتي بتحبي تساعدي الناس وبتقدمي تضحيات بس مش تنسي نفسك لحد ما تخسريها انا كمان بحب اساعد الناس جدا بس برضه كل شئ له حد بحيث طول ما الناس عارفه اني بحب اساعد الكل متستغلنيش لأي شيء لمصلحتهم وتضرني اتمني اكون فدتك
تم النشر الجمعة، ١٨ أغسطس ٢٠٢٣
في كتاب اسمه مميز بالاصفر لطيف بيتكلم ف النقطة دي اقريه و لما تعملي خير مترميهوش البحر لا قدميه لربنا و ساعتها متقعديش تدوري هتاخدي ايه ف المقابل خلاص عملتي حاجة انسيها متزعليش لما يعاملوكي اكنك معملتيش حاجة انت عملاها لربنا م لحد فمش فارقة الي هيحس علي دمه و يبقي ممتن ليكي اهلا و سهلا اما الي لاء اهلا وسهلا برضو! فيه زي اقتباس لطيف اوي لزق في دماغي قراته ف الكتاب بيقول الناس الايجابية بتبص لنص الكباية المليان اما الناس السلبية بتبص لنص الكوباية الفاضي اما الي عايز يساعد الناس هيبص للكوباية و يبدا يدور علي حد عطشان.. بس اهم حاجة متجيش علي نفسك ابدا انت قدمي الي بوسعك و الي يحترمك و يقدر مجهودك دة الي تديله فوق طاقتك اه و لو حابة تضربي امثله و اقولك ايه الحل ساعتها هكون مبسوتة + مترديش الازي بالازي هي فهمت الي انت عملتيه غلط اشرحيلها قصدك و ابعدي عنها خالللص بعيد متحاوليش بقي تيجي جنبها تاني الا لما هي تيجي تطلب مساعدة ساعتها انت المفروض تساعديها ساعدي و اجرك عند ربنا امتي متساعديش لما يكون الشخص دة بيأذيكي ممكن تسامحيه مرة اتنين التالتة اديله فوق دماغه لان دين الاسلام مش ضعف دة مجرد احترام وانت محافظتش عليه يبقي لازم اني اوقفك عند حدك اما برضو نفس الشخص دة لو وقفته عند حده و لقيته وقع في مشكلة مش مشكلةةة برضو ساعديه خلي قلبك ابيض😂😂❤️
تم النشر الاثنين، ١٤ أغسطس ٢٠٢٣
لا اعملي با اصلك اذا كانو هما معندهمش اصول متعمليش زي معاملتهم لان كدا هتنزلي بأصلك لأصلهم ودا غلط
تم النشر الخميس، ١٠ أغسطس ٢٠٢٣
خليكي نقية زي مانتي بغض النظر عن الرد اللي هتلاقيه
تم النشر الخميس، ١٠ أغسطس ٢٠٢٣
انتى عارفه الرد الكويس وعارفه الحل بس لسه مش اتعودتى عليه سدقينى متجيش على نفسك عشان حد اى كان مين
تم النشر الخميس، ١٠ أغسطس ٢٠٢٣
لعرض السؤال في فدني اضغط هنا