تعبت من حياتي دايما بحس ان كل حاجه ماشيه بالعكس نفسي افرح بس كأن دي حاجه كبيرة عليه دايما ف اي مشكله بواجهه بتكون فكرة الانتحار اول حاجه تخطر ف بالي بس بستعذ من الشيطان لكن بكون مش قادره افكر ف اي حاجه غير ان دي الطريقة علشان ارتاح حاسه ان حياتي كلها مشاكل اهلي اكبر سبب في تعبي النفسي حتي الكتابة واني اعبر عن اللي حاسه بيه مش عارفه عاوزه اصرخ لحد مالوجع اللي جوايا يخلص بس عمره ماهيخلص ياريت لو في دكتور نفسي كويس اقدر اتواصل معاه
بصى انتى مش لازم مع كل مشكلة تقولى انتحار لأنه غير إنه حرام فانتى تستاهلى تعيشى وتقدمى لحياتك بالنسبة للمشاكل ف والله دى الدنيا ومش عايزه احكي عن نفسي في ان عمري من مشكله غير وتابعتها مشكله أكبر منها وأكبر من أن واحده فى عمرى تستحملها وعمر يوم ما عدى حلو كلو خالص بس الحمد لله دايما كنت متيقنة إن إحنا فى الدنيا دى عشان نبتلى و الدنيا هى اى غير إختبار ونتيجته يا جنة يا نار (ولقد خلقنا الإنسان فى كبد ) دايما افتكري الناس اللي اهاليهم ماتوا وهم صغيرين والناس اللي مبتورين واللي مرضى وحياتهم إزاى جحيم وألا هنا في غزه اللي بيستشهد أهاليهم ومش لاقيين لا أكل ولا شرب ولا مأوى وحياتهم مهددة دائما احمدى ربنا دائما على نعمه من صحة ومسكن وأمن وأكل وشرب وغيره واستغلى النعم دى عشان تنجحى وأهلك مش دايمنلك انتى اللى عليكى اتجاههم انك تطيعوهم فى الأمور اللى تخصهم بس لو عايزينك تعمل حاجة أو كدا غير كدا لو حاجة تخص دراستك زواجك ف ينصحوكى بس وانتى اللى تقررى والوجع اللي جواكي ده والله حاسه بيه انت عارفه حد يروح امتى لما تقرب من ربك وتحقق إنجازات وتشغلى نفسك بعظائم الأمور زى حفظ القرآن الكريم وتعلم العلم الشرعي ودراستك وكروسات ولغات ومهارات مش لازم تنجحي من اول مره في ايه يعني لما تنجحي من المره المليون وواحد عادى جدا لو حابه تكلمين في اى وقت أنا موجودة وهدعمك ونمشى الطريق نحو تغيير حياتنا للأفضل
تم النشر الاثنين، ١٥ يوليو ٢٠٢٤
استهدى بالله مش مستاهلة والله ، لو مأثر في الصلاة انتظم و صلي في المسجد وده مش مجرد كلام بيتقال جرب وشوف لو مش بتصلي ابدأ صلي مينفعش مسلم يكون مش بيصلي ، شيل الفكرة من دماغك وحاول تشغل وقتك
تم النشر الأحد، ١٤ يوليو ٢٠٢٤
قربي من ربنا يحبيبتي واشكيله هو بس وعيطي ف الصلاة واحكي وطلعي كل الي جواكي وصدقيني مش هتحسي ان الدنيا فارقة معاكي ف حاجة حتى لو جالك اي ابتلاء مش هتحزني لانك عارفة ان ربنا حكيم ومش بيجيب شر ابدا
تم النشر السبت، ١٣ يوليو ٢٠٢٤
آسفة جدا تسمع كلامك، فعلاً مشاعر ثقيلة وصعبة. أول حاجة عايزاك تعرفيها إنك مش لوحدك، والمشاعر دي بتواجه كتير من الناس. حياتك قيمة ومهمة، وأكيد تستاهلي تشوفي أيام أحسن وتكوني سعيدة. عايزاكي تعرفي إنها خطوة كويسة إنك تستعيذي من الشيطان وتحاولي ما تستسلميش للرغبة دي. بس كانت لازم تتكلمي، وده أول خطوة للحل. فيه كتير دكاترة نفسيين ممتازين ينفع تتواصلي معاهم. الناس اللي أتعاملت معهم وأشلحهم يمدحو Dr. Ahmed Emad، موجود في القاهرة وله مركز خاص باستشارات نفسية. كمان فيه تطبيقات زي "Shezlong" و"O7 Therapy" ممكن تتواصلي من خلالها مع أطباء نفسيين بسهولة. غير كده، فيه حاجات ممكن تجربي تعمليها تساعد في تقليل الضغط النفسي: جربي تمارين التنفس والتأمل. اتكلمي مع حد قريب منك وتثقي فيه. امشي شوية أو مارسي رياضة بسيطة. لو عندك هواية كان بتحبيها، ارجعي جربيها تاني. كلنا بشر وكلنا بنتعب، المهم متستسلميش وتدوري دايماً على المساعدة اللي تحتاجيها. إيماني بالله قوي، وفكري دايماً إنه كل أزمة بتمر وإن شاء الله الفرج قريب. لو تحبي تهجي مطلق بمعلومة زيادة أو مساعدة أكتر مفيش مشكلة، أنا هنا علشان أسمعك وأساعدك. 🌸
تم النشر السبت، ١٣ يوليو ٢٠٢٤
لعرض السؤال في فدني اضغط هنا