السلام عليكم ورحمة الله وبركاته 🤍
أرجوا ان اللي يرد يكون فعلا متخصص في تفسير الأحلام لإن الموضوع مهم وشاغل بالي 🤍
أنا في الفترة الأخيرة كنت بفكر كتير في النقاب واني متردده ألبسه ولا لأ، المهم لبسته مرة من عند اختي وحسيت شكلي وحش فرجعت فقراري بس بردوا انا مش مستريحه حسيت انه هو انتي مش بتلبسيه عشان شكلك وانه لازم يكون فيه صعوبه مش هتاخديه كده فمن كتر ضغطي وانا بصلي دعيت ربنا انه يطمن قلبي برؤيا وحلفت لربنا انه لو جتلي رؤيا صريحه البسه مش هنزل من البيت غير وانا لابساه ، وكمان دعيت انه ملبسهوش غير ابتغاء وجهه ، المهم عدى يومين وانا فعلا شيلت الفكرة من دماغي ، حلمت النهارده كانا الفجر وكنت اللي هو صاحيه بس نايمه يعني المنبه رن وكنت هقوم بس بقاوم يعني بصحى وأقوم صحيت اقفل المنبه وغمضت عيني شوفت واحده لابسة نقاب ماليزي وواقفه زي على كوبري وتحتها النيل وانا كإني واقفه من بعيد وبقول حتى دي انتقبت او اتحجبت وانا لا مش فاكرة قولت ايه المهم فوقت واختي بتقولي الفجر أذن اعتقد فغمضت تاني وحلمت بنفس البنت وقولت أكيد البنت دي مهمه او البنت دي مهمه ده في عقلي اللي بيقول ، بعدين فوقت قفلت المنبه تاني وغمضت لقيت بردوا واحده لابسه نقاب لون تاني ماليزي بردوا بس وشها كان ظلام مش واضح بالنسبه لي وفوقت تاني وانا بقول اكيد البنت دي مهمه.
كنت قبلها بتفرج على بنات منتقبه كتير وحاجه قالتلي من كتر ما بتتفرجي عليهم هتحلمي بيهم على اساس انهم رؤيا
فهل ده حديث نفس فعلا ولا رؤيه
انا بنت وعندي ٢٠ سنه
وجزاكم الله خيرا وآسفه على الاطاله لكن الموضوع بجد شاغل بالي ومش قادرة أقرر
السلام عليكم ورحمه الله وبركاته هو الرؤيه الصادقه يا فندم ما بيكونش كده بتكون واضحه جدا مختصره مش طويله بتكون في وقت السحر. كتير يعني. بيقوم انسان منها مرتاح نفسيا للشيء اللي هو شافه التردد ده ولا في الحاجات اللي هي الكتيره يعني ولا من الصحيان النوم لا بيكون في النوم النوم العميق النوم النوم فيعني ده مش يعني على الكلام اللي انا بقوله ده كده مش مش رؤيه واضحه يعني
تم النشر الاثنين، ٢٠ يناير ٢٠٢٥
الموضوع الان خارج عن أني أريد او لا او أثق او لا أريد أن أعرف هل هي رؤيا او لا فقط لإني لو اعتمدت على مشاعري فلن أرتديه لكن اذاكان هذا حكم الله فليس لى الا ان أطيغه حتى لو كان عكس رغبتب
تم النشر الاثنين، ٢٠ يناير ٢٠٢٥
وعليكم السلام ورحمة الله وبركاته 🤍 أشكرك على مشاركتك مشاعرك وتجربتك هنا. من المهم أن تشعري بالراحة والثقة في قراراتك الشخصية، خصوصًا عندما يتعلق الأمر بالمسائل الدينية والتمسك بالتقاليد الإسلامية مثل ارتداء النقاب. فيما يتعلق بسؤالك حول ما إذا كانت تلك الرؤية رؤيا أو حديث نفس، يجب أن نفهم أن الأحلام قد تعكس مشاعرنا وأفكارنا الداخلية. الحديث عن ارتداء النقاب والتفكير فيه بشكل متكرر قد يؤثر عليك ويظهر في أحلامك، وهذا ما يُعرف بحديث النفس. ومع ذلك، قد يكون أيضًا علامة من الله سبحانه وتعالى يُشير بها إلى أمر مهم تحتاجين للتفكير فيه. إذا شعرتِ بأن النقاب يمثل جزءًا مهمًا من هويتك ورغباتك الدينية، فلا تترددي في التفكير فيه بجدية. من المفيد أيضًا أن تستشيري أشخاصاً موثوقين، مثل العائلة أو الأصدقاء الذين يرتدون النقاب بالفعل، للحصول على وجهة نظرهم وتجربتهم. في النهاية، عليك أن تأخذي وقتك في اتخاذ القرار، وتأكدي من أن ما تختارينه يتماشى مع قيمك الشخصية والدينية. أسأل الله أن يهدينا جميعًا إلى ما يحبه ويرضاه.
تم النشر الاثنين، ٢٠ يناير ٢٠٢٥
تم النشر الاثنين، ٢٠ يناير ٢٠٢٥
لعرض السؤال في فدني اضغط هنا