مشكلتى أن جوزى بيهينى ويشتمنى قدام الناس ومش بيحترمنى أبدا وبيكره اهلى جدا وديما يشتمنى بيهم ومش بيكلمهم ابدا ومش بيطيقنى وبيعمل مشكله من كل حرف بقوله حاسه انى وحيده حتى مش بيرضى ييجى ياكل معايا انا متجوزه ليا اربع سنين ومعايا بنوته ارجو انكم تفيدونى
شكرا لحضرتك على المشاركة في بعض المهارات الحياتية علينا تعلمها لانها هتساعدنا كتير في حل اي مشكلة بتواجهنا فالعلاقات عموما ومن اهمها مهارة حل المشكلات ممكن تقرأي عنها أكتر التركيز على أنا أقدر اعمل ايه وأقدر اغير ايه؟ ايه فاستطاعتي اعمله هنا ودلوقتي ؟ أنا محتاجة ايه؟ دوري ايه؟ أشاور علي نفسي واركز معاها؟ أعرف نفسي أكتر وأفهمها
تم النشر الجمعة، ٢٦ أبريل ٢٠٢٤
محتاجين نسأل من 4 سنين ..الموقف بتاع كتب الكتاب ليه ما اتوضحش ولا اتصفى ومتساب كده عامل ازمة بين الاهل وبين زوجك من 4 سنين ...انتى رد فعلك فين ع الاهانات دى من 4سنين ..انتى افعالك ايه مع الراجل ده ..هل انتى ملكيش اى افعال مستفزة الحل الاول انى اراجع نفسى انى فعلا مفيش حاجة من ناحيتى بتصدر وبتوصل الامور لكده ..والا المفترض متقفيش ساكته وخلاص هو عرف انك اتعودتى ع الاهانه ثانيا هنشوف الراجل مشكلته فين ..لانه لو مشكلته موقف اهلك مكنش كمل معاكى وخلف منك كمان ثالثا .هو الوضع والمواقف كلها اهانه ولا فى اوقات تانيه كويسه نقدر نستثمر فيها صح عشان نحسن الوضع
تم النشر الثلاثاء، ٣٠ أبريل ٢٠٢٤
مبدأيا كده ربنا يهديه ويريح باله بس عايز أقولك على حاجه الإهانة دي والسب والاستهزاء ليكي ولأهلك ده شىء سئ جدا وسوء تربية للأسف ولازم يوقف عند حده لكنك برده مراته وليكى حقوقك الزوجية والرسول صلى الله عليه وسلم قال عن النساء (ما أكرمهن إلا كريم وما أهانهن إلا لئيم) علشان كده لازم تخلى اسرتك تكلمه وتوقفه عن كل ده وإلا هيأخد على كده طول العمر وللأسف هتعيشي في كرب وهم بسببه وأنتي برده حاولى تعامليه بالمساسيه وتجتنبي شره وأسأل الله أن يهديه ويصلح حالكم
تم النشر الثلاثاء، ٣٠ أبريل ٢٠٢٤
المفروض في فتره الخطوبه تكوني عرفتي شخصيه القدامك بس اوقات اللهفه واللحظة بتعمينا خالص.. اكيد الرد كل الناس هيبقي في اتجاه واحد انتي عارفه السبب هو ليه كاره اهلك وبيهينك فحاولي عدلي ده بس
تم النشر الجمعة، ٢٦ أبريل ٢٠٢٤
هل هو كده دائما؟ ولا جت عليه فترة واتغير؟ وبيعمل كده من تلقاء نفسه ولا ممكن تقولي حاجه مثلا تخليه يتعصب بالطريقة ديه؟ وايه سبب كرهه ل اهلك؟
تم النشر الخميس، ٢٥ أبريل ٢٠٢٤
بصراحه انا شايفه ان اكيد بنتك مش هتحب انها تتربا في بيت اب بيهين امها و تكبر في المعاناه دي و تقبل ان جوزها بيهنها و تستحمل زي ممتها لو وضعك يسمح زي مثلا بتشتغلي يبقا لازم تفهميه ان طريقتو هتادي للانفصال و لازم يشوفك بتعملي حاجه لنفسك شغل جيم صحاب مش قعداله و حسسيه انك قويه و ان شاء الله خير و صلي استخاره
تم النشر الاثنين، ٢٩ أبريل ٢٠٢٤
لعرض السؤال في فدني اضغط هنا