انا دلوقتى هقول كل اللي حاسة بيه
انا ليه دايما مش لاقي حد يسمعنى انا دايمًا بسمع لكل اللي حواليا، وأقف جنبهم فى كل حاجه مهما كانت ايه حتى لو كنت مضغوطة وعندى حاجات كتير أركنها على جنب عشان خاطرهم وانا لما احتاج حد مش بلاقيهم جنبى.
ولو طلبت من حد يقعد معايا عشان اتكلم معاه عشان مخنوقه كل ردوده، انتى ايه اللي خانقك انتى عندك ايه عشان يضايقك، لازم اكون مرتبطه أو فى حياتى حد عشان يكون عندى مشاكل زيهم أو اللي توافق انها تنزل معايا أو ابدا اتكلم فى اللي مضايقنى ترد تقولى هو انتى كل لما تقابلينى مش بتتكلمي غير عن اللي مضايقك من كذا وكذا؟
بجد انا تعبت، نفسى حد يسمعنى حتى لو كلامى ده تحفه، نفسى احس انهم مقدرنى زى ما بقدرهم، نفسى ألاقي واحدة منهم تقولى انا جنبك، لكن دايما عمرى ما توقعت منهم رد فعل ولقيته، دايما اشوف اللي يصدمنى بس.
دايمًا في أمرهم ودايما بسعى انى اتجمع معاهم عشان اعمل ذكريات قبل ما اسيب الجامعه بس دايما عندهم لامبالاة.
بجد انا تعبت، نفسى أتغير معاهم وأعاملهم زى ما بيعاملونى بس للاسف مش عارفه.
انا مفيش مره طلبت من حد منهم يخرج معايا أو يقعد الا بيتحج باى حاجه ولو خرج معايا أحسه يبقى مغصوب ويقعد معايا ماسك الموبايل ولا كأنى موجوده ولما اواجههم وأقول لهم انتو بتتعاملوا ليه كده معايا؟ فيه اللي يتوه وفى اللي يقلب عليك التربيزة ويطلعك انت الغلط واللي يجرج مشاعرك.
عمرهم ما قدروا مشاعرى زى ما بقدر مشاعرهم انا بقيت بحس نفسى انى انسانه تافهة بجد من زمان وانا عمرى ما لقيت حد يسمعنى ولا يهتم لكلامى انا دايمًا مهمشة مركونة على رف لوقت العوزة، انا البديل.
دايما عمرى ما حسيت أن حد بيحبنى زى ما بحبه، دايما يتغيروا عليا، أنا بقيت دايما شايفة إن اكيد فيا حاجه غلط وان العيب فيا انا، وان ليه هما مش بيحبونى زى ما بيبحوا حد تانى مع انى ممكن اكون مقدمه ليهم حاجات عمرى اللي بيحبوا ما قدمها لهم.
ليه ديما بشوف أنهم بيقلوا منى، انا ديما مقدراهم وهما مش بيقدرونى، هل عيب فيا والا فين؟ انا بجد مش عارفه ابعد عنهم انا حاسه انى جوايا نار بجد
انا هقولك مشكلة الموضوع ده ايه المشكلة انك سايبه كل اهداف حياتك اللى تخصك ومركزه فى هدف انك تحسى بالتقدير فبتبذلى فيه جهد كبير اوى ومنتظره نتيجة محدده وهى انك تلاقى نفس اللى بتعمليه بالظبط فى الوقت اللى بتعملى فيه كده بيكون فعلا بيطلع منك تصرفات انتى مش هتاخدى بالك منها ان هى بتساهم انها تبعدك عن اللى بتدورى عليه تصرفات زى انك مكشره لمجرد ان صاحبتك ماسكه الموبايل وهى معاكى واسلوبك اللى وارد يكون كأنك بتحطيلها قواعد للخروج معاكى انتى عندك احتياج انك تشعرى بالتقدير وبالاهتمام بشكل معين وتضرفات معينه وللاسف ده مش موجود حواليكى ومحاولاتك انك تفرضى الاحتياج ده عملتيها بشكل غلط من غير ما تحسى وهو ده اللى ادى للنتيجة اللى مزعلاكى ده لا يمنع ان واجب على كل حد قريب منك انه يهتم ويقدر من غير ما تطلبي اصلا ..بس لو انتى مركزه فى اهداف اهم هتلاقى تقدير جايلك من اتجاهات تانيه كتير وهتبسطك اوى ان شاءالله
تم النشر السبت، ١٦ نوفمبر ٢٠٢٤
ابحثى عن اشخاص مثلك يشبهونكى في الصفات وصاحبيهم وابتعدى عن الناس المؤذية واخرجوا وانتى واصحابك البحر اشربوا نسكافيه حاولي اتفرجى علي برامج فكاهيه ونقاشبهم فيهم ممكن كمان تخرجى لوحدك لو هم مشغولين اخرجى في اي كافيه اسعاره معقوله او اخرجى علي البحر وسلي تفسك بقراءة روايات التى تفضلينها رعب او كومدى او رومانسية او تطوير ذات ابدء حتى بروايات قصيرة واشغلي نفسك بقراءتها في الخارج واستمتعي مع جمال الطبيعة ومشروبك المفضل والقراءة ويمكن ايضا ان تتعلمى هوايات واشغلي نفسك بيها اتعمليها من اليويتيوب عندك مثلا الرسم او كتابة خواطر او الاشغال اليدوية وعندك هواية طى الورق ال هى اورجامى ممكن تتعملي الحاجات دى وتعملي دروس لاطفال تعلميهم بها الفكرة اشغلي نفسك لان الفراغ صعب جدا بيموت الانسان بالبطئ
تم النشر السبت، ١٦ نوفمبر ٢٠٢٤
أشعر بمشاعرك وأدرك كم أن الأمر صعب عليك. ما تمرين به يعكس معاناة حقيقية وسعيك لإيجاد الدعم والتواصل مع الآخرين. فمن المهم أن تشعري بأنك مُقدَّرة ومسموعة. يبدو أن هناك بعض القضايا التي تحتاجين لمراجعتها في علاقاتك مع الآخرين. قد يكون من المفيد أن تتأملي في نوعية هذه العلاقات وما إذا كانت تلبي احتياجاتك العاطفية. لا شك أن العلاقات الصحية تتطلب الاهتمام والدعم المتبادل، وإذا كنت تشعرين دائمًا بأنك الشخص الذي يعطي دون تلقي الدعم في المقابل، فهذا قد يؤثر على رضاك وسعادتك. يمكنك البدء بالتعبير عن مشاعرك بطريقة واضحة وصادقة، سواء كان ذلك من خلال الحديث مباشرة أو كتابة رسالة. من المهم أن تظهري للآخرين كيف تشعرين، وكيف أن عدم قدرتهم على الاستماع إليك يؤثر عليك. إذا استمر هذا الشعور بالإهمال وعدم التقدير، فقد يكون من الجيد التفكير في توسيع دائرتك الاجتماعية أو البحث عن أشخاص يقدرون مشاعرك ويستمعون إليك بشكل أفضل. تذكري، أنتِ تستحقين الدعم والرعاية، ولا يوجد عيب في السعي لإيجاد أشخاص يبادلونك نفس الحب والتقدير. وفي النهاية، من المهم أن تتذكري أنك لا تتحملين وحدك مسؤولية العلاقات من حولك، وإذا استمر شعورك بعدم الرضا، فلا تترددي في التفكير في استشارة مختص يمكنه مساعدتك في فهم المزيد عن مشاعرك وتعزيز صحتك النفسية.
تم النشر الجمعة، ١٥ نوفمبر ٢٠٢٤
عامليهم بنفس الطريقه الي بيعاملوك بها و لو انتي مش هتعرفي ابعدي عنهم و شوفي لك صحاب تانيه و هتلاقي اللي شبهك و يفهمك، هما كدا كدا من اللي سمعته منك هما مفيش منهم فايده و الحياه مش هتقف علي حد و هتلاقي اللي يسمك و يفهمك بس ابعدي عن اي حد يتقبلك نفسيتك و مزاجك و أهم حاجه راحتك و لو ملقتش راحتك مع حد ابعدي عنه من غير تفكير
تم النشر السبت، ١٦ نوفمبر ٢٠٢٤
لعرض السؤال في فدني اضغط هنا