انا عندي 21 سنه ، من و أنا صغيره عانيت كتير من تسلط و عنف الأهل مع اني كنت الافضل بين اقراني لكن دايما كنت بتقارن بغيري و كنت دايما برضو ببقى الأسوأ و الافشل في عينيها برغم أن كل اللي حواليا كانوا بيحسدوني على جمالي و أخلاقي و شطارتي و كل حاجه فيا كانت حلوه كنت بشوف نظرات الإعجاب من كل الناس إلا اهلي حقيقي اتعاملت بكل قسوه و حزم اتعاملت معامله ماستحقهاش نهائي من حرمان و ضرب و اهانه و طرد من البيت و عقاب مستمر دايما كنت بحس نفسي قليله مهما عملت مش كفايه عمري ما لاقيت استحسان منهم ....لحد ما كبرت حابه أنوه اني من صغري بعاني من الانطوائيه لما جيت صاحبت بنات ادي في اعدادي خذلوني جامد خلوني اندم اني قربت و قررت اثق في حد رجعت انطوي تاني بشكل أقوى انا مش بحب الوحده بس بحسها فرضت عليا أو غصب عني مش قادره اتأذى تاني و ماعنديش اللي يطبطب عليا و يداويني ، دلوقتي انا مش عاجبني حالي دايما متذبذه و متوتره و بتهته و بتكسف اتكلم مع أي حد بحس اني هغلط و يقولوا عليا اي كلام وحش و دلوقتي المفروض بنزل تربيه عملي بتجنب تماما اشرح عندي رهبه كبيره من الموقف و اي موقف اجتماعي عامة و حاسه اني بقيت هشه و ضعيفه الشخصيه زياده عن اللزوم ، تنصحوني اعمل ايه فيدوني..
قربي لربنا وادعي باللي نفيك فبه هيتحقق كلنا مرينا بنفس كل احاسيسك دي وكانت النتيجه ان ربنا بيراضينا علي اللي شفناه في حياتنا وان شاء الله الفترة اللي بتمري بيها دي قبل فتره الفرج بس انتي قولي يارب
تم النشر الخميس، ١٨ أبريل ٢٠٢٤
كل واحد في مرحله من عمره ممكن يكون وحيد بس انتي كنتي و حيده معظم وقتك بس انتي وجهتي واكيد دخلتي الكليه اللي انتي عايزاه حولي متياسيش من اول مره ومش معنه اللي انتي صحبتي مره وندمتي انك متصحبيش تانى لا انا مش بقولك صحبي و ادي اللي انتي مصحباه امان على اسرارك صحبي تاني وتالت ورابع بس خودي بالك و مدام اتارستي مره مش تعدي الغلطه تاني و بنسبه لاهلك فاكيد كانوا بيعملوا كدا عشان مصلحتك حتى لو مش كدا مفيش اهل قاسيين على بنتهم لو كنت مسحيه واظبي على دينتك ولو مسلمة واظبي على صلاتك و صلي علي سيدنا محمد وعلى آله وصحبه وسلم 😘🤗💗
تم النشر الخميس، ١٨ أبريل ٢٠٢٤
انا عارفه طبعا يعني. التوصيف انه التسلط وعنف الاهل والحاجات دي. بتكون بادئه من اول مواقف انه لا لازم تعملي ده وما ينفعش تعملي ده والقيود اللي بتكون محطوطه بيبدا الموضوع يكبر شويه بشويه واكيد في مرحله انت بداتي تتمردي على الكلام ده او ترفضي او تقولي لا وانا مش عاوزه كده وطبعا هم رفضوا ده ولذلك الامور تصعدت وممكن يكون في وقت كان عقاب وطرد من البيت والحاجات دي. طيب هم الاهل خلينا نسال بيعملوا كده ليه وبيعملوا كده عشان هم زهنهم دي الطريقه الافضل علشان يحافظوا عليك من اي طريقه غلط طبعا فكرتهم غلط انه زي ما انت دلوقتي وصلتي لمرحله انت في خلل معين في شخصيتك حاجه انت مفتقداها حاجه بتخليكي يا اما بتتجنبي انك تتعاملي مع الناس او بتخليكي مش قادره تكون واثقه في نفسك او هتتعاملي مع الناس ببراءه قوي وانت مش مدركه ان ممكن تطلع حاجات مش كويسه طيب ده كله ايه ده كله بس ايه تخبره ودي ورده حتى لو انت طالعه مع عبده وام تمام ما فيش اي شكل من اشكال العنف معكم. هو الحقيقه من اكتر الحاجات اللي انت محتاجاها يكون في حد كده يعمل لك سبورت حد يشجعك حتى لو حاليا مش هتقدري تثقي في حد يكون صديق اوي فشوفي حد من زمايلك مثلا في الشغل يشجعك في جزئيه معينه اللي هو قولي له قولي لزميلتك انا عايزاك تشجعيني في موضوع ان انا اقف وعمل درسه اجرب معك مره انت بس بتقعدي قدامك وانا ايه وانا اجرب واشرح علشان اتشجع شويه وهكذا وهكذا يبقى في حد بيتابع معك والله لو في حد تقدري تقربي منه ويكون هو الشخص. اللي يتابع معك في كل حاجه هتبقى حاجه كويسه جدا لو تقدري كمان انك تتابعي مع اي يعني متخصص نفسي او لايف كوتشه وهو يعمل لك السبورت ده دي هتكون برده خطوه كويسه هيقدر يديك الدعم يقدر يهمك حاجات كتير يمشي معاكي خطوه خطوه اللي بالنسبه لك هيكون انسب واريح اعمليه ولكن افصلي تماما عن كل اللي حصل كل الحاجات اللي انت مش هتقدري تغيري فيها وخليكي في اللي تحت ايديكي تقدري تتعام.
تم النشر الأربعاء، ١٧ أبريل ٢٠٢٤
فكر لمرة وحدة محدش ليا عندك حاجة مادم مبتعملش حاجة تغضب ربنا كدة كدة مهم تعمل الناس هتكلم فى اتعود تكون جرية النا س هى لمة تلقى حدة ضعيف فى الشخصية بعقلو علية حتى لو هو صح لك الشخصية القوية بيقدرة جرب واتعود الموضع هيمشى عادى
تم النشر الاثنين، ١٥ أبريل ٢٠٢٤
الثقة بالنفس مش مجرد نظرة أنا علشان اكون واثق في نفسي أول حاجة هعتمد عليها إدارة علاقاتي ومعرفة استحقاقي الحقيقي البعيد عن كل افعالي وكلام الناس استحقاقي كالانسان وبالخصوص كبنت الحاجة التانية طبيعة لغة الجسد عندي ومتحوليش تتصنعيها إنما ادي مساحة لثقة أنها تبان من خلال لغة الجسد اخر حاجة الكلام اللي بوجه لنفسي الإنسان قيمته مش في حاجة مهما كانت الحاجة دي عظيمة اتعملي علي انك انسانه وبس بدون احكام علي تصرفات ولا طبيعة مهنة ولا عيلة وعلاقة الثقة بإدارة العلاقات للبنات من خلال تقريرها لشكل العلاقة واستحقاقها وان ده صفة اساسية في البنات بتكتسب منها هدوء وحكمة طلعي كل الوجع اللي جواكي وارجعي لطبيعتك التدوين كل يوم ، الرسم العشوائي ، فن الماندلا. ، المشي في طبيعة ، الأعمال اليدويه ، ممارسة الرياضة كل دي حاجات لو اخترنا منهم كام حاجة صفناها لي منا هتأثر كتير واتعملي علي انك مسئولة كامل المسئولية عن مشاعرك وافكارك دلوقتي طبيعة يومك مهمة اللي انتي في دلوقتي ده بطاقة دعوة من الحياة للتجارب جديدة قدامك اختيار انك تفصلي ماسكة البطاقة دي وتتحملي الالم ده علطول أو تفتحيها وتتعاملي معاها افتكري دايما أن كل حاجة بتيجي في وقتها وان ده وقتك المميز علي تعالجي مشاكلك خدي وقتك في حل مشاكلك وبعدين دخلي علاقات لحياتك الوحدة اختبار للإنسان الذكي والشجاع
تم النشر الاثنين، ١٥ أبريل ٢٠٢٤
السلام عليكم ورحمة الله وبركاته عساك بخير وطيبه ❤️ بصي ي جميله هنبدأ نمسك حاجه حاجه اولا مشكلتك انك تحبي نفسك مهما قالوا وعملوا الاهل دول بيكون مجتمع اتفرض عليك وللأسف بسبب الجهل وحاجات كثير هتلاقي انو احتمال كبير اهلك اتربوا بنفس الطريقه فطلعوا زي اهلهم الجاهليه زمان كانوا بيقتلوا بناتهم زي حال بعضهم محدش سأل وقال ليه وأد البنات حتي علشان كدا اركني دول على جنب وطالما انت مقدره نفسك فخلاص مش مهم الحاجه الأهم من كله ربنا أحيانا ربنا بيخذلك بالناس بسبب مرض العشق والتعلق ودا بيكون زياده في حبك للى حواليك وانك ممكن تفرطى في حاجات لربنا علشانهم فهتلاقي الضربه بتجي منهم انا متأكده انك بتعملى اغلب الحاجات علشان ترضي اهلك واللى حواليك بس هتلاقي العكس من الناس والدنيا عاوزه اللى يطنشها ويمشي وتجيبه هي بتجري وكان في احاديث او اثر شبه كدا فارضي باهلك وحاولى تتجنبي اذاهم وادعي لهم وافتكرى اذي اخوه يوسف واذا ابو ابراهيم وزوجات الانبياء واذي رسولنا الكريم وحطيهم مواساه ليك الحاجه الثانيه ربنا بيبتليك وبيخذلك من ناس علشان يختارك انت لوحدك تكوني ليه بيصطفيك بيقولك ملكيش غيري تخيلى كدا فاشغلى نفسك وصاحبي القرآن صاحب لا يخذلك انصحك تبداى بسماع دروس دعويه وهتلاقي في قصصهم ناس زيك والله نفس وجعك وتقراء في قصص السلف والأهم احفظي قرآن واتدبري امسكي ايه وعيشي معاها وهتعرفي انك مش لوحدك في مره اصبت بمرض فوقتها اغلقت الأبواب بكيت ومن الجوع والألم تذكرت ايه ودعوه سيدنا أيوب ربى اني مسني الضر وانت ارحم الراحمين نمت بعد ٥ ايام مكنتش بنام ولا باكل ولا بشرب مت الألم وقتها عرفت سحر القرآن وانو رفيق وموقف اخر اني بعد كم مشكله قررت اني ابطل حفظ رحت بالصدفه سمعت ايه ولنبولنكم بشي من الخوف والجوع ايه في سوره البقره وآخرها وبشر الصابرين وقتها جات واحده ودتني بالعافيه لقيت المعلمه بتسألني في نفس الايه هو الرفيق الذي لا يتركك قربي منه وتحسي بانس وهتلاقي ربنا يرزقك بصحيه في الله واى حاجه مس لله مش هتتستمر اى علاقه مش مبنيه على حب الله مش هتكمل واعتذر عن الاطاله
تم النشر الاثنين، ١٥ أبريل ٢٠٢٤
لعرض السؤال في فدني اضغط هنا