الوحدة مؤذية وواضح انها مأثره عليك وشعورك بيها بقي زى السم اللى بيخليك تحس حاجات سيئة وعينك تشوف اللى حواليك بشكل مؤلم . طهر نفسك من السم ده بانك تتذكر حديث الرسول عليه الصلاة والسلام.( لا يؤمن احدكم حتى يحب لاخيه ما يحب لنفسه) اتعود كل ما تشوف حد تدعيله ربنا يباركله ... وكل ما تبص على اللى ناقصك ...بص بردوا على اللى زايد واحمد ربنا. كل يوم اشغل نفسك بانك تعد النعم اللى عندك ...من اصغر حاجة فى جسمك لحدالميه اللى بتشربها. المشاعر جوانا مصدرها الاساسي الافكار اللى جوانا ...سواء كانت افكار صوتها مسموع لينا او افكار مدفونه ومش واضح لينا صوتها. يبقي نبدا من افكارك زى ما انت عملت ...عشان انت مركز على اللى ناقصك....فزعلان ان ليه غيرك واخد وانت لا . طالما انت تسعى فى حياتك دوما فدى حاجة مردودها هيرجع عليك انت ...طب والناس هيشاركوك مثلا ...طبعا لا. يبقي من نفس المنطلق ...احنا ولا هنقدر نشاركهم الاحزان ولا الافراح ولا لينا حق فى انكار حاجة عليهم. ولا هما لو كسبوا او خسروا ده هيعود علينا باى حاجة... ياريت تركز فى ما يخصك وتتركهم بدون اى رد فعل تجاه حياتهم.
تم النشر الجمعة، ١٧ فبراير ٢٠٢٣
الكومنتات كفت ووفت بس أنا راي تروح لtheraby لايف لأن كده الموضوع زاد عن مجرد أفكار عاوزه تنصلح بالنصايح. الوجع فقلبك كبير ولازم تفرغه من بدايته.. ربنا يريح قلبك لأنك تستحق ده جدا
تم النشر الجمعة، ١٧ فبراير ٢٠٢٣
اوصفلي مشاعرك ف وقت سابق وانت صغير يعني علاقتك بوالدك والدتك اخواتك اصدقائك من الطفوله عامله ايه ..وهل اتعرضت لعنف او عدم تقبل او تجارب فقد متتاليه ومسببالك الم؟ يهمنا نساعدك وان الالم الي بتشعر بيه يقل
تم النشر الجمعة، ١٧ فبراير ٢٠٢٣
واضح من طريقة الكلام انك بتمر بوحدة سواء وحدة مفروضة عليك بسبب الظروف او بسبب الناس المحيطة بيك، ربنا بيدي كل الناس رزق زي بعض بس بيبقي متوزع بطريقة مختلفة لكل إنسان.. فيه انسان رزقه في المال و الصحة، واحد تاني رزقه في القبول و محبة الناس ليه، و فيه شخص رزقه في العزوة و الاهل و البنين الخ.. و الغيرة من الغير درجات فيه درجة حميدة انك حسيت بالغيرة من فلان لسبب ما فقررت تجتهد و تبقي زيه، أو اخدت الغيرة دي كدافع ليك علشان تطور من نفسك أو تشقي شوية في الشغل أو تحس بالمنافسة فتذاكر اكتر الخ.. و فيه بقي النوع التاني من الغيرة اللي بيقلب علي حقد و غل و حسد.. دا النوع اللي مش كويس.. نصيحتي ليك لما تشوف شيء أو شخص معاه نعمة مش عندك ابتسم و فكر في شعوره دلوقتي و انك انت كمان ربنا ممكن في لحظة يغير لك امورك كلها للأحسن و تبقي زيه او افضل منه.. عود نفسك علي المشاعر الايجابية و متبقاش سلبي و قرب من ربنا و اطلب منه كل اللي انت عايزه و حافظ علي علاقتك بيه لأنك أنت اللي محتاجه مش العكس، و اتأمل في نفسك و شوف انت مميز في ايه ريما نعمتك انت في الصحة او في الأهل او في انك حتي تبقي بخير و احمد ربنا و دع الملك للمالك.. و اشغل نفسك بحاجات مفيدة تحسسك بمشاعر طيبة تجاه نفسك و تجاه من حولك.. و خليك فاكر ان الدنيا مش مستاهلة كل الليرة او الحقد او الكراهية دول و ان دوام الحال من المحال.
تم النشر الجمعة، ١٧ فبراير ٢٠٢٣
لعرض السؤال في فدني اضغط هنا