انا انطوائي جدا ومش بحب اكون صداقات بسبب إن لما بصاحب حد بكون كويس معاه في الدراسه او في حياته الشخصيه بس ده مش بيتردلي خالص بسبب اللي بيحصل ده بقيت اكره اكون اجتماعي بس انا حابب اكون اجتماعي وساعات كده بيجيلي احساس غريب من اللي قدامي. وبكون طيب اوي ذياده عن اللزوم اعمل ايه 🙏
هو انت مش انطوائى ..انت بس بقيت بتتجنب انك تقابل مواقف وحشة . الحياه دى زى الالعاب الالكترونية ...كل ما تجرب وتخسر تبقي فى الاخر محترف. لكن لو قولت مش هلعب خالص ..هتبقي فقدت المتعه وعمرك ما هتبقي محترف. بردوا لو ما اتعاملتش فى الحياه واتحطيت فى كذا موقف مش هتعرف تبقي شخص اجتماعى. والطيبة اللى بتطلع منك بزيادة زى ما بتقول ...هتلاقى نفسك بالوقت هتبقي بتوزنها وتعملها بشكل ميأثرش عليك بانك تكون متضايق فى الاخر. اهم حاجة بقي فى الاجتماعيات انك متتعاملش مع الناس بتوقعات ...وخصوصا لو دى مش طبيعتهم ....وخصوصا توقع انك يتردلك نفس اللى انت بتعمله
تم النشر الجمعة، ١٠ مارس ٢٠٢٣
خلي عندك مبدأ ثابت الشخص الي قدامي اداني حاجه هديله وهقدمله مقدمليش مش هقدم ونقطه تنهي بيها اي حاجه لان كده هتتشال من دايره التعاون لدايره الاستغلال وشعورها وحش جدا انك تدي ومتاخدش حتى امتنان والاصحاب العلاقه بينهم رايح جاي يعني بديله وبيديني بقف جنبه وبيقف جنبي بيسمعلي وبسمعله وهكذا مفيهاش شخص واحد معطاء عرفت توازن موضوع العطاء ده هتلاقي علاقاتك بتزيد وانت حاسس بتوازن وبراحه مش ضغط ابدا
تم النشر الجمعة، ١٠ مارس ٢٠٢٣
اتمنى تشاهد اجابات هذا السؤال ونتناقش فيها https://fedni.net/q/91303429/اتوجعت-كتير-خذلان-اصدقاء-و-حبيب
تم النشر الخميس، ٩ مارس ٢٠٢٣
الطيبة رصيدها متشال عند ربنا وبيتردلك فستر عليك ورزق وبركة وفصحتك.. كفايه الحديث ((عن ابن مسعود رضي الله عنه قال: قال رسول الله صلى الله عليه وسلم: ((ألا أخبركم بمن يحرم على النَّار، وبمن تحرم النَّار عليه؟ على كلِّ هيِّن ليِّن قريب سهل )) متنتظرش مقابل من ناس أبدا واطمع فربنا وثق انه شاهد علي كل نيه وفعل خير بتعمله.. بس ده ميمنعش إنك تحط حدود ويكون في شده فبعض الامور وناس معينه لازم تاخد معاها رد فعل يا تجاهل يا ترد بشياكه من غير ما تكسر الخاطر بس ساعات البصه كفاية.. حافظ علي طيبتك بس اتنصح
تم النشر الخميس، ٩ مارس ٢٠٢٣
مرحبا، أولاً أريدك أن تعرف أنه ليس هناك شيء خاطئ في أن تكون انطوائيًا، لكن أيضًا فهم أن الحفاظ على علاقات صحية مع الآخرين يمكن أن يفيدك في الكثير من المجالات. لذا ، إذا كنت تريد أن تصبح أكثر اجتماعية ، يمكنك البدء بالتدرج والخطوات الصغيرة. يمكنك مثلا الانضمام إلى نادي رياضي أو أي نشاط آخر يهمك ويمكنك التواجد فيه و التعرف على أشخاص جدد. كما يمكنك أيضاً البحث عن أشخاص لهم مصالح و هوايات مشابهة لك لتبادل الحديث معهم. في النهاية الأمر يحتاج الكثير من الصبر والعمل على نفسك، لاتحاول الكره لنفسك في حال شعرت بعدم الراحة مع بعض الأشخاص، بل يجب أن تحاول التفكير في الأمور الجميلة و المفيدة التي ستحدث من خلال الأتصال والتفاعل مع ذوي الاهتمامات المشتركة. الأمر المهم هو أن تأخذ الخطوات الصغيرة وتتحرك خطوة خطوة نحو هدفك. اعتمدي على نفسك وحاول دائماً تقبل نفسك بما أن ليس هناك شيء خاطأ في شخصيتك.
تم النشر السبت، ١٨ مارس ٢٠٢٣
صاحب كل الناس بس متقولش ع حد حاجه حلو او وحشه لو معشرتوش لان الانسان مش بيبان غير بعد ما تعشروا مش كل واحد تصحبوا يبقي ده اعز صاحب ليك خليه صاحبك زي ما انت صحبوا وخليه عارف انك ليك غيروا زي ما هو ليه غيرك
تم النشر السبت، ١٥ يوليو ٢٠٢٣
لعرض السؤال في فدني اضغط هنا