أحيانا بيجيلي زى وسواس عن حقيقة خلق الكون والاله وأفكار تدعوا للإلحاد وهل فيه ناس في كواكب غيرنا طب لو بعد ما نموت ممكن ربنا يخلق قوم غيرنا تاني وحقيقي انا تعبت حرفيا في أسئلة محتاجة يترد عليا بقيت أبحث عن اليوتيوب ولما بتجيلي افكار زى ده بفضل اقول لنفسي انا مؤمنة بالله وبقرأ قرآن وبضايق اني ايماني ممكن يكون هش وانا والله بحب ربنا جدا ومؤمنة بوجوده
طيب ليه شايفاها بطريقه سلبيه ما يمكن العكس ويبقي ده طريقك لتقوية ايمانك عن طريق التدبر.. معروف عن ثقافتنا نخاف نسأل مع إن ربنا وأنا نتعلم.. جربي تقرأي عن اسماء الله الحسني واقراي تفسير وعقيده و تدبري وادعي ربنا يبصرك ويثبت قلبك وال مش تفهميه سلمي واستسلمي لحكمه ربنا
تم النشر الثلاثاء، ٢٨ مارس ٢٠٢٣
ده انتى كده ما شاء الله فى مرحلة جميلة متستغربيش ...الشيطان او النفس ملقاش معاكى طريق للمعصية . فبيبقي ده طريقة معاكى ...انه يجيبلك افكار ووساوس تشكيكيه. ثبتى الدعاء ده فى اذكارك ( اللهم يا مقلب القلوب ثبت قلبى على دينك ) ( اللهم لا تفتنا فى ديننا ) اقرأى عن علم الغيب احنا لحد ما نموت هيفضل فى اسئلة ملهاش اجابة ...لان اجاباتها وراء الحجاب اللى هو الغيب. عشان كده اقرأى بردوا فى التوحيد والعقيدة وان من اركان الايمان ( الايمان بالله وملائكته وكتبه ورسلة ) نصف الايمان هتؤمنى بالخالق وبمخلوقات لا تريها بعينك ولا هتتلمسيها بحواسك. طب امال هتؤمنى بوجودها ازاى ...بانك تتلمسى بعض الدلائل بحواسك . قال تعالى: سَنُرِيهِمْ آيَاتِنَا فِي الْآفَاقِ وَفِي أَنْفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ ٥٣﴾ [فصلت:53] ربنا مش بيشوف الانسان اللى بيسأل ويتفكر انه انسان غير مؤمن....ربنا عارف هو خلقنا طبيعتنا بتطمئن باننا نشوف ونسمع ونحس. ربنا ما انكرش على سيدنا ابراهيم انه طلب يشوف عشان يفهم ويتطمن ويتأكد ( رغم ان اللى بيكلمه ربنا بنفسه سبحانه وتعالى زى العزة ) وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِي الْمَوْتَىٰ ۖ قَالَ أَوَلَمْ تُؤْمِن ۖ قَالَ بَلَىٰ وَلَٰكِن لِّيَطْمَئِنَّ قَلْبِي ۖ قَالَ فَخُذْ أَرْبَعَةً مِّنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَىٰ كُلِّ جَبَلٍ مِّنْهُنَّ جُزْءًا ثُمَّ ادْعُهُنَّ يَأْتِينَكَ سَعْيًا ۚ وَاعْلَمْ أَنَّ اللَّهَ عَزِيزٌ حَكِيمٌ (260) تفكرك فى الخلق والكون من حلاوة الايمان. وانتى بس بتبحثى وتتعلمى اعرفى انك بتاخدى دلوقتى اكتشافات وتحليلات البشر ...يجوز يصيبوا ويخطئوا ...وفى حتى اللى بنسميه علم فى الدنيا ...النظريات بيقتنعوا بيها سنين وسنين وبعد كده يظهرلهم عكسها فيتغير الموضوع تماما بعد السنين دى لنظرية تانيه هى الاصح. اسأل الله ان يلهمك نور البصيرة
تم النشر الخميس، ٣٠ مارس ٢٠٢٣
الافكار الوسواسيه مهما كان نوعها محتاجه تشتيت ومقاومه يعني اول متبدأ تجيلك عرفيها وكلميها وقوليلها انها افكار وسواسيه ومش حقيقيه ولو استمرت بتبدأي تشتتيها بأنك تستغفري تقرأي قرأن بصوت عالي عشان تشتتي الافكار او انك تصلي المهم تكوني مقتنعه انها مش حقيقه وانها وسواسيه وانها عايزه تبلعك من كتر التفكير ومتديهاش الفرصه دي طيب مستمره بشكل ملح جدا عليكي ساعتها بتختاري شيخ بتثقي ف كلامه وبتقتنعي بيه وتسأليه وهيديكي الردود المقنعه الي تحفظيها ف دناغك وكل متيجي الفكره واجهيها بالكلام الي سمعتيه ومتطوليش شتتيها ع طول
تم النشر الأربعاء، ٢٩ مارس ٢٠٢٣
ممكن تقولي لي الموضوع بدأ من امتى بالظبط؟ وهل عندك شغف او حب او فضول انك تعرفي حاجات كتير عن الايمان والاسلام ولا هو الموضوع ماشي معاكي ازاي مثلا؟ مجرد وسواس ولا حب اطلاع ؟
تم النشر الثلاثاء، ٢٨ مارس ٢٠٢٣
بصي دا مش وساس قهري ولا حاجه انتي بتفكري بس دا مش دليل للألحاد استغفرالله العظيم احنا بس كبشر عمر معقلنا هيستوعب اي حقايق عشان مش عندنا علم ولازم تفكري الانسان دايما بطبعه بيسعي ورا الحقيقه كنوع من الفضول الفطري الي عنده بس "انا أفكر إذا انا حي " قربي لربنا اكتر وحاولي في دي تقللي فضولك لأن عقلنا البشري مش هيستوعب اي فكر وانتظمي ف صلاتك لو بتقطعي
تم النشر الأربعاء، ٢٩ مارس ٢٠٢٣
بالعكس الأفكار دي بتدل ع قوة الإيمان مش ضعفة والدليل ع القوة انك لسه متمسكه ب دينك بس احنا ك عقل بشري فيه حاجات ميقدرش عقلنا المحدود انه يستوعبها زي نعيم الجنه هنقعد نتخيل زي م نتخيل وهتطلع هي احلي ف الاخر واحلي مما خطر ع بالنا وف الاخير كل دا مش هيشغلك ف حاجه ل معرفته ولا عدم معرفته يعني خلينا عرفني ان فيه كواكب تانيه بل وبشر تانين هيضرنا ف اي او هيفيدنا ف اي طالما هو ربنا سبحانه احنا مؤمنين ب انه خالق جميع الاكوان
تم النشر الثلاثاء، ٢٨ مارس ٢٠٢٣
لعرض السؤال في فدني اضغط هنا