دلوقتي انا عندي مشكلة اني كل ما اقرأ عن مرض معين اتوسس واتوهم ان المرض ده عندي واحس اني الاعراض الي قريتها عندي واتوسس مع انها مبتبقاش عندي قبل كدة
فهل فيه حل المشكله دي
ده ممكن يكون وسواس قهري و انصحك انك تتوجه لاخصائي نفسي هيساعدك جدا و كمان بطل تقرأ عن الأمراض بس انك تبطل تقرأ عنها ده مش حل نهائي للمشكلة و ممكن فعلا يكون وسواس قهري و هيساعدك جدا إنك تروح لدكتور نفسي أو أخصائي نفسي و حاول دايما تقلل من توترك يعني أو ما تجيلك الأفكار الوسواسية دي اشغل نفسك بأي حاجه مثلا العب رياضة أو اخرج مع حد أو أعمل إلي وراك و برضو الرياضة هتساعدك اوي في تقليل التوتر و الاكل الصحي كمان و التمشية في مكان هادي أو الكلام مع شخص بتثق فيه المهم إنك تقلل من التوتر بقدر الإمكان
تم النشر الجمعة، ١٤ يونيو ٢٠٢٤
بصراحة فكرة إن كل ما يحصل حاجة للشخص يجري يروح لأخصائي، فكرة مش احسن حاجة، لو الأمر بقاله فترة بسيطة فعادي وهتمر إن شاء الله ومش محتاجة كل التكبير والتهويل ده
تم النشر الاثنين، ١٧ يونيو ٢٠٢٤
لازم طبعا تروح لأخصائي نفسي وتشغل تفكيرك بجاحت تانيه وتحاول على قد ما تقدر متقراش عن حجات زي كده
تم النشر الجمعة، ١٤ يونيو ٢٠٢٤
أنا فاهمة قلقك تماماً، قصة الوسواس الصحي أو "الهايبوكوندريا" ممكن تكون متعبة ومتعبة جداً. لكن فيه شوية خطوات ممكن تساعدك تخففي من هالقصة: التوعية : اعرفي انه الوسواس جزء طبيعي من العقل البشري احياناً، لكنه مش دايماً يعكس الواقع. افصلي بين الأفكار والواقع. البحث الصحي المحدود : حاولي تقللي من البحث عن الأعراض والأمراض على الإنترنت. خلي بحثك يكون عبر مصادر طبية موثوقة فقط وإذا حسيتي بقلق، استشيري طبيب. تنظيم الأفكار : لما تحسي بالأعراض، اكتبيها على ورقة. بعد فترة قصيرة هتشوفي ان الأعراض مش بتستمر وتخف. الاسترخاء والهدوء : جرّبي تمارين التنفس، اليوغا أو حتى المشي في الطبيعة. كلها تساعدك على تخفيف التوتر. استشارة مختص : إذا الموضوع مأثر عليك بشكل كبير، ما في مانع تستشيري معالج نفسي. همدربواك على طرق التفكير والإدراك تكون بناءه أكتر. الإيجابية : اعملي على تحويل طاقتك لأشياء إيجابية، مثل هواية بتحبيها، وقت مع الأصدقاء أو العيلة. ما تنسي، العناية بالصحة النفسية مش شي عيب، بل العكس، دي علامة قوة وشجاعة. وأنا هنا لمساعدتك في أي وقت تحتاجي.
تم النشر الجمعة، ١٤ يونيو ٢٠٢٤
لعرض السؤال في فدني اضغط هنا