هل دا بيبقى نصيب ولا هي علاقاتها كتير وعارفة ناس كتير او بتعرف شباب كتير او هي اجمل من غيرها
او ليها صداقات كتير او بتبقى معارف اهل وكدا
قسمة ونصيب ورزق .. ومش معنى ان فيه بنات مش بيتقدم لها حد يبقى فيها حاجه وحشة .. او الموضوع يبقى بالنسبة ليكي مريب. ولو جمعنا كل الاحتمالات اللي ممكن تكون هتظل في الاخر احتمالات .. يعني ايه؟ يعني صعب جدا تطبقى الاحتمالات ديه على كل البنات .. في حين ان ممكن تيجي ليكي قصة تشقلب ليكي كل الاحتمالات ديه كلها .. مثلا ممكن بنت مش بتخرج خالص ويجي لها عرسان كتير .. وممكن بنت تخرج وتروح وتيجي وميجيش لها حد ... الموضوع صعب يتقاس بالورقة والقلم .. الموضوع نصيب وشئ مكتوب ليكي مش اكتر ولا اقل.
تم النشر الجمعة، ١٤ يوليو ٢٠٢٣
لا خالص ده بيكون نصيب ورزق ومش كل رزق عند غيرك ينفع معاك والعرسان الطوابير احيانا بيكونوا هم عالبنت اكتر من العرسان القليله او ال مش موجوده اصلا اعرف واحده قريبتي تقدم لها حوالي ١٣ عريس وكلهم كانوا مش مناسبين وكان عندها حق في رفضهم بس اهلها بعد تالت رابع خامس عريس يترفضوا بدأوا يتنازلوا عن بعض الشروط وبدأوا يضغطوا عليها نفسيا عشان توافق على السادس او السابع او او او بحجه ان كده هيتعرف عنها انها بترفض العرسان وكان هم فعلا عليها وكانت بتحكي معايا ان فعلا مينفعوش المتقدمين وكان عندها حق والحمد لله ربنا ثبتها وفضلت متمسكه بكبادئها وشروطها لغايه ما ربنا يسر لها صاحب النصيب القصد ان متفتكريش ان طوابير العرسان دايما حاجه كويسه احيانا بتكون مأساة وضغط نفسي متعب ربنا يرزقك من فضله الزوج الصالح المصلح التفي
تم النشر الخميس، ١٣ يوليو ٢٠٢٣
لأسباب كتير ممكن سمعه أهلها وسمعتها أو هي بتشتغل أو جاي من طرف أي حد قريب منها أو المكانه الأجتماعيه أو علاقه حب بينهم وده حرام وغيرها في النهايه كل واحد له رزقه دي أقدار وربنا دايما كاتب الخير تحسن الظن بالله و تحسن الاختيار زوج صالح الجواز رزق زيه زي المال والصحه وغيره وربنا مقسم الأرزاق على عباده فيه اللي بيستعجل وبيصاحب وعلاقات تحت مسمي التعارف وده لا يرضي الله ولا ربنا هيبارك في جوازتهم ده إذا اتخطبوا وفي اللي بيعف نفسه وربنا بيرزقه بالعفيف
تم النشر الأربعاء، ١٢ يوليو ٢٠٢٣
نصيب ورزق والاحتمالات كتيييير اوى والاسباب اكتر عدد العرسان لا يتناسب طرديا او عكسيا مع اى حاجة خااالص
تم النشر الخميس، ١٣ يوليو ٢٠٢٣
يا أُختنا: تأخُّر زواجك = ليس له علاقة بعمرك ولّا بنقابك ولّا بجمالك ولّا بشهاداتك، بل ولّا بتديُّنك. فاالزواج رزقٌ؛ ورزقك لم يأتِ بعد. والزواج الذي يقوم على معصية الله وغضبه؛ فحريٌ به أن ينهار. الخلاصة يا أخت: اثبتي على طاعتك وحياءك وعفّتك، ولّا تكوني كهؤلاء النسوة -هدانا الله وإياهن-، بل المعاصي هي من تجلب غضب الله وسخطه.
تم النشر الخميس، ١٣ يوليو ٢٠٢٣
اولا يا حبيبتي ده نصيب ثانيا انت اعملي اللي عليك وقربي من ربنا وابعدي عن كل حاجه سيئه وادعي له ان ربنا يرزقك بزوج صالح والله يا حبيبتي مش بعددهم المهم ان الشخص اللي يجي ده يكون شخص صالح وقد المسؤوليه ويكون عارف ربنا علشان يعرف يربي الاولاد معاكي كويس ويكون بيتقي ربنا وبيخاف على اخواته واهله لكن موضوع عددهم وان البنات تفضل تتباهى بالموضوع ده ففي بنت اصلا ممكن تكون لبسها سيء وبتعمل وبتسوي عشان كده بيقولها ودول ما فيش فيهم ولا شخص كويس المحترم الكويس اللي هو بيكون شخص فاهم في الدين جاي علشان عرف ان في بنت في البيت دة كويسه بتتقي ربنا سمعتها حلوه متعلمه خلاص يبقى هو جاي عشان كده مش عشان جسمها او عشان اي حاجه ثانيه ملهاش لازمه وربنا يرزقنا جميعا بالزوج الصالح وخلي بالك يا حبيبتي انت مش مطلوب منك تقدمي اي حاجه علشان يجي لك عرسان او عشان قطر الجواز ما يفوتكيش حاولي تبعدي عن كل الهبل ده وما تفكريش فيه اصلا انت نصيبك هيجي لك لحد عندك المهم انك تستعيني بالله في كل اوامر حياتك وتدعي له دايما بانه يرزقك الزوج الصالح
تم النشر الخميس، ١٣ يوليو ٢٠٢٣
من غير أجابه طويلة أو قصيرة هو رد واحد قسمة و نصيب أصل ياما شوفنا قصص حب بين اتنين و فى الآخر ملمهمش نصيب فى بعض و ياما شوفنا واحده بيجيلها عرسان و بتعد معاهم شهرين و لسا نصيبها مجاش فبتفشل الخطوبة و ياما شوفنا واحده من أول عريس و بتمشي الدنيا تمام و من أول مره كل اللي حضرتك قولتيه ده مجرد أسباب لكن لكل شخص نصيبه و على رأي المثل المصري نصيبك هيصيبك . وبس.
تم النشر الأربعاء، ١٢ يوليو ٢٠٢٣
يا ستي الموضوع مش بالظبط كده. مفيش حاجة اسمها حد بيبقى عرسانه طوابير والتانية لأ. الموضوع بيرجع لنصيب بس مش معناه ان واحدة حلوة او عندها علاقات كتير هتتجوز اسرع من غيرها. خليكي متفائلة ان ربنا هيرزقك باللي فيه الخيرلك. ما تقارنيش نفسك بغيرك أبدًا. كل واحدة ونصيبها ووقتها اللي ربنا اختارهولها. عيشي حياتك واستمتعي بيها وبكل لحظة. ربنا ما بينساش حد.
تم النشر الخميس، ١٣ يوليو ٢٠٢٣
ارزاق
تم النشر الجمعة، ١٤ يوليو ٢٠٢٣
او مثلا هي شغالة او متشافة وغيرها لا وكدا
تم النشر الأربعاء، ١٢ يوليو ٢٠٢٣
لعرض السؤال في فدني اضغط هنا