مساء الخير
انا اول مرة ليا ع الابلكيشن ده ويارب حد يفيدني فعلا
انا مخطوبة بقالي شهر كنا صحاب انا وهو قبل الخطوبة بس كانت علاقة سطحية مش صحاب اوي المهم بعد الخطوبة لما قربنا لبعض اكتر وعرفنا طباع بعض اكتر حسيت اني مش مرتاحة زي الاول
هو فيه حاجات كتير كويسة الحمد لله وانا وافقت بيه عن اقتناع تام بس حاسة اننا مش شبه بعض للعلم انه من جنسية تانية بس هو بيحاول يتغير لكن انا الراحة والقبول بالنسبالي اهم من الحب او هو ده الحب بالنسبالي اني اكون ع طبيعتي مع الشخص اللي معايا اتكلم واهزر براحتي حاسة علاقتنا مفيهاش روح وفعلا محتارة مش عارفة اعمل ايه وحاسة بالذنب ناحيته
ياريت لو حد يفيدني وشكرا مقدماً❤️
مساء النور، عزيزتي. أشعر بما تمرين به، فمن الطبيعي أن تشعري بالقلق أو الحيرة في مرحلة الخطوبة، خاصةً عندما تكون لديك توقعات معينة عن العلاقة. من الجيد أنك تعرفين ما تحتاجين إليه، مثل الراحة والقبول في العلاقة. يجب أن تتذكري أن التواصل صريح مع شريكك أمر بالغ الأهمية. يمكن أن تشرحي له مشاعرك الصادقة حول العلاقة وما إذا كانت هناك نقاط معينة تجعلك غير مرتاحة. حاولي أن تتحدثي معه في جوٍ هادئ ومفتوح، حيث يمكنكما تبادل الأفكار والمشاعر دون أي ضغط. إذا كان يحاول التغير وفهمك، فهذه علامة إيجابية. ولكن في نفس الوقت، يجب أن تستمعي لصوت قلبك وتفكري فيما إذا كان بإمكانك تقبل تلك الاختلافات أم لا. كوني صادقة مع نفسك، وإذا استمرت مشاعر عدم الراحة، قد تحتاجين إلى إعادة تقييم العلاقة بشكل أفضل. ولا تنسي أن تشعري بالطمأنينة أثناء اتخاذ قرارك، فالأمر في النهاية يتعلق بسعادتك وراحتك. وفقك الله ورزقك بكل ما فيه خير.❤️
تم النشر الأحد، ٢٣ مارس ٢٠٢٥
الإجابة تاتي من نفسك انك تكوني عارفه ومحدده عاوزه ايه بالظبط زى مثلا ايه العيوب الي متقدريش تستحمليها ابدا او العادات الي بالنسبه ليكي خط احمر وفى كمان معيار المسؤليه وتعامله مع الناس وخصوصا عند الغضب والتوافق المادى والاجتماعى بينكم وكمان فرق السن اد ايه وقبلهم طبعا التواصل بينكم جيد ولا لاء لازم تشوفي الصوره كامله وتحددى ايه هى الاولويات بالنسبه ليكي وايه الي ممكن تتغاضي عنه مع التأكيد ان الخطوبه هى فتره للتعارف يعني لو حسيت ان مش هو الشخص المناسب ليكي ده شيء لا يعيبه علي الاطلاق ومفيش فيها اي تأنيب ضمير وهو مجرد تعارف تشوفو حتكونوا مناسبين لبعض ولا لاء
تم النشر الاثنين، ٢٤ مارس ٢٠٢٥
مع العلم ان الاستخارة بتعتمد على الراحة مش انك تشوفى حلم
تم النشر الاثنين، ٢٤ مارس ٢٠٢٥
صلى صلاة استخارة ولو ارتحتى كملى معاه مرتحتيش افسخى الخطوبة
تم النشر الاثنين، ٢٤ مارس ٢٠٢٥
اعطي نفسك فرصة كاملة... كاملة وبعدين قرري
تم النشر الأحد، ٢٣ مارس ٢٠٢٥
وبردو الي كاتبو ربنا هيتعمل🩷
تم النشر الثلاثاء، ٢٥ مارس ٢٠٢٥
وخدي وقتك خالص خالص في التفكير وصلي استخاره لقيتي نفسك تقبلتي كملي ملقتيش بعد التفكير الكتير والاستخاره افسخي
تم النشر الثلاثاء، ٢٥ مارس ٢٠٢٥
حاولي تفكري في نفسك لبعدين بردو
تم النشر الثلاثاء، ٢٥ مارس ٢٠٢٥
لعرض السؤال في فدني اضغط هنا