أعتقد أن ده سببه الأصلي وجود مشكلة ، أو أن وجودك مع أصحابك اتحول لسبب ما من شيء أساسي و له أهمية في حياتك لشيء فرعي و بالتالي طاقتك الاستيعابية لموضوع قعدة الأصحاب أصبح حمل عليك ، هل تحليلي صح لحد دلوقتي ، انت اكتر حد عارف ليه طاقتك بتخلص .. لأنك مذكرتش السبب الرئيسي ايه اللي اتغير معاك وفي آخر كام شهر و و أنت مقولتش في رسالتك ؟ لازم تحدد ايه اللي اتغير من جزاك او ايه اللي بقي شاغل دماغك علشان اقدر اساعدك اما لو عايز إجابة عامة .. فبمنتهي البساطة .. افصل شوية من اي قعدة او تجمع مع الأصحاب و خلافه لحد ما تبقي افضل حالا و ترجع زي الاول و اقعد مع نفسك رتب أولوياتك و دور علي شيء جديد يديلك شغف و يرجع طاقتك من جديد ، اما لو بتحس بملل و زهق و ان كل ما يقال يبدو تافه بالنسبة لك .. فده عادي جدا بتناسب مع ان الانسان بينضج و يعرف اكتر .. او ربما يكون بسبب مشكلة في حياتك مسيطرة علي تفكيرك .. كل دي تخمينات يجوز تبقي صح او لاء لكن هتبقي افضل لو اي حد بيكتب رسالة او مشكلة يكتبها مفصلة علشان الرد يبقي مفصل و ليك تحديدا و يناسبك
عندك حق أنا ساعات كتير ببقي كدا لدرجه ببقا سماعهم بس مكسله افهم وغير كدا ببقي بتكلم معاهم وفجاه عايزه اروح البيت وبسرح كتير و معنديش طاقه اسمعهم حتي بس دا ساعات يمكن عشان كان شخص غالي عندي وبعدنا أو بنحاول نبعد فا ببقي حاسه بفراغ وتفكيري كله معاه شوفي يمكن انتي بتفكري في شخص أو حاجه شاغله بالك ويمكن كمان بتحسي أن الحاجات الي كانت بتخليكي مبسوطه ملهاش طعم ولا بتفرق معاكي معندكيش طاقه لاي حاجه صح
تم النشر الأربعاء، ٢٥ سبتمبر ٢٠٢٤
لعرض الإجابة في فدني اضغط هنا