عارفة نشوة الانتصار.. فرحة انك عملتى حاجة بسطتك لنفسك ولحد تانى.. فرحة ان حد شايفك قدوة ليه وانك عملتى حاجة صح.. شعور ان حد شايفك بعين كبيرة فدا مخليكى مبسوطة ومزود ثقتك ف نفسك جامد ومحسسك بقيمتك.. دا شعورك دلوقتى.. مش هننكر انك عملتى حاجة كويسة وحاجة صح بس انتى عملتى الى عليكى كدا انتى ساعدتيه على انه يشوف طريقة للاسلام وهو لو صادق هيكمل وندعى ربنا ليه بالهداية.. وماشاء الله عليكى عاقلة جدا ف كلامك وطريقة تفكيرك اوعى تنبهرى انه من امريكا ولا تفكرى فيها بالطريقة دى وتعيشى ف عالم احلامك وتفكرى هتقولى للناس اى وهتسافرى فين والقصص دى انتى اعقل من كدا.. هو لو مبهور باخلاقك خليه يفضل مبهور ماتضعفيش ماتحنيش من كلمة بيقلها هو اسهل حاجة الكلام مع اى حد.. لازم يعرف ان ليكى حدود واخلاق دينك حاططهالك ومش اى حد يعرف يغيرهم ودا سمة المسلمة بكل فخر... دماغك هتودى وتجيب لحد ماتخلصى امتحانات - دا لو قدرتى تقتلى فضولك لوقتها - وترجعى للبرنامج تانى عشان تشوفيه هو كتب اى ولا مستنيكى ازاى.. انتى اعقل من كدا وعملتى الى عليكى وورتيه الطريق اكتر من كدا الشيطان هيخش وهيتحول الموضوع من انك بتشديه للاسلام لانك تتشدى لية لان انتى ف سنة اعجاب ناحيته ومعتقدش التعامل بنكم ع البرنامج هيكون ف حدود التعليم وخلاص.. فعلى ايه تشغلى عقلك وقلبك معاه وانتى محتاجة كل ذرة تركيز...
امين يارب
تم النشر الجمعة، ١٠ يناير ٢٠٢٥
ماشاء الله ربنا يرزقك الخير وحسن الفهم والحفظ... بالتوفيق يادكتور 🙏
تم النشر الجمعة، ١٠ يناير ٢٠٢٥
أنا بجد نفسي أدخل طب بشري من وأنا صغيره 🥰
تم النشر الجمعة، ١٠ يناير ٢٠٢٥
انتى عارفة اكتر منى انو مينفعش سواء معاه او مع حد غيره.. عادى هنعتبر دا موقف ونتعلم منه .. هو ضغط عليكى شوية وانتى جاريتيه وبس ع كدا خلى بالك بعد كدا.. المهم بقى ركزى ع مذاكرتك نفسى تخشى كلية ايه ؟
تم النشر الجمعة، ١٠ يناير ٢٠٢٥
حضرتك معاك حق جدا وشكرا بجد، بس هو انا كده متنازلتش لما قولتله اني بحبه؟
تم النشر الجمعة، ١٠ يناير ٢٠٢٥
لعرض الإجابة في فدني اضغط هنا