🎤 إجابة صوتية
وعشان انسب الفضل لأصحابه ماما كان ليها دور كبير في اني اخد الخطوه دي، لقيتها فجأه بتقولي انها واثقه فيا اني مش بعمل حاجه غلط، وقالتلي م اخونش الثقه، سبحان الله ڪانها حاسه اني بعمل حاجه غلط
تم النشر السبت، ١١ يناير ٢٠٢٥
الحمد لله انتهيت من الموضوع، دخلت امبارح للتطبيق بمشاعر الندم من غير م أسمح لعقلي انه يفڪر في النتائج أو في الفڪره ڪلها، وقولتله اني مش هرجع تاني ف ميستناش، ووصيت واحد هناك بيعرف الانجلش كويس انو يتابعو من غير م يعرفو اني انا اللي قولتله، وبس ومسحت الاكونت كله عشان احط نفسي قدام الامر الواقع، الحمد لله حتي لو عايزه ارجع مش هعرف ارجع عشان مش هلاقي اي حد، الحمدلله حاسه براحه بفضل الله، شڪرا لحضرتك علي مجهودك ده وعلي نضج فڪرك، انت والناس الجميله اللي هنا دي.
تم النشر السبت، ١١ يناير ٢٠٢٥
هو كلام حضرتك زي قلم نزل علي وجهي لما قولت الآيه الڪريمه، أنا أعترف بذنبي والله، بس أنا عارفه نفسي أنا ضعيفه جدا قدام وسوسة نفسي وشيطاني، عارفه ان حضرتك أڪثر نضجا مني، بس أرجوك ڪن متفهم للصراع اللي بيدور جوايا دلوقتي، أنا أوقن تماما ان من هنا الي وقت زواجي إن شاء الله "إن أراد الله" أنا هيڪون عليا إني أواجه مغريات ڪتيره جدا، وصعوبات، أنا مش عايزه من أول شيء ڪده أضعف قدام أي حاجه، ربنا برضو قال: "وَخُلِقَ الإِنسَانُ ضَعِيفًا" صح
تم النشر الجمعة، ١٠ يناير ٢٠٢٥
أنا ليس عندي نيه للزواج منه ولا اريد ، أنا كل نيتي انه يدخل الاسلام، منكرش اني غلطت لما قولتله اني بحبه ومعرفش ليه انا اسفه عليها لنفسي، انا ده مش الشخص اللى انا يعني اريده كزوج ليا، مش ده مبتغايا ف الزواج ودي مش صفات زوجي اللى أنا أريده، أنا أريده ملتزم عالم بدينه يتقي ربنا فيا، ويحبني، عارف بالقرءان، مش لسه هيكتشف، أنا مش من النوع اللى بينبهر بأمريكا وأسبانيا والناش الشُقر و واو اي ده، خالص والله، أنا أصلا حسيته معجبنيش من حيث الشكل، لأنه زي م الطبيعي ف امريكا عينه زرقاء وشعره اصفر، وانا مش بحب كده عموما، الجمال الأوڤر ده، أنا لو هفكر ف الزواج مش هفكر بالسذاجة دي،انا عندي مرجع للموضوع ده،وده مبني عندي علي حاجات كتير...خلقه ، دينه ، أهله، ثقافته،...الخ)، أنا عندي طموحاتي والحمد لله،، بس المشكله دلوقتي، اني زى م حضرتك قولت الشيطان حرفيا بيوسوسلي بجد، ايوا بفكر ادخل للتطبيق دلوقتي، ووو.. وخايفه اعمل كده فعلا، ودي اكتر حاجه بتخوفني ومش بقدر اواجه ووسوسة نفسي ليا، عشان كده انا دخلت هنا دلوقتي لما لقيت نفسي هروح انزل الابليكيشن تاني لعلي اجد اي قول من احد الافاضل اللى هنا يُشبع رغبتي ف اني اوقف التفكير ف الموضوع، لو دخلت انا عارفه انه مش هيحصل كويس.
تم النشر الجمعة، ١٠ يناير ٢٠٢٥
لعرض الإجابة في فدني اضغط هنا