السلام عليكم ورحمه الله وبركاته
أنا شاب عمري 28 سنه عندي بعض المشاكل،
مشكله في الحفظ وفي الذاكره بنسى كتير ولو حفظت في مده قصيره جدا انسى اللي حفظته عايز حاجه تساعدني على الحفظ والمعلومه تثبت في مخي... نفسي احقق احلامي
السلام عليكم، هل المشكلة دي بدأت من فترة معينة ولا موجودة من زمان عندك؟ محتاج تشوف الأول إذا نظام حياتك فيه مشكلة، هل بتنام كويس؟ هل فيه أنيميا أو نقص فيتامينات؟ هل بتقضي وقت طويل على السوشيال ميديا وبتتفرج على فيديوهات شورتس كتيرة؟ كل الحاجات دي بتأثر على الاستيعاب والذاكرة. اطمئن الأول إن مفيش مشكلة صحية وحسن نظام أكلك ونومك ودخل في أكلك العناصر اللي بتحسن الذاكرة وتزود التركيز. ومهم كمان تعرف إن طبيعي أي معلومة مخك بيستقبلها لأول مرة بتتخزن في الذاكرة قصيرة الأمد فطبيعي إنك تنساها بسرعة واللي بيثبت المعلومة إننا ننقلها للذاكرة طويلة الأمد وده بيحصل مع المراجعة المستمرة والتكرار. جرب تستخدم طريقة التكرار المتباعد في المراجعة وفيه طريقة 2357 إنك تراجع المعلومة اللي ذاكرتها النهاردة تاني وتالت وخامس وسابع يوم. فيه طرق تانية ممكن تستخدمها في الحفظ بتساعد على تثبيت المعلومات زي استخدام الخرائط الذهنية أو خلق قصص تربط المعلومات ببعضها. بالتوفيق إن شاء الله.
تم النشر الاثنين، ١٧ فبراير ٢٠٢٥
وعليكم السلام ورحمة الله وبركاته، أفهم تمامًا ما تمر به. يمكن أن تكون مشاكل الذاكرة مزعجة للغاية، ولكن هناك بعض الخطوات التي قد تساعدك: تنظيم المعلومات : حاول تقسيم المعلومات إلى أجزاء صغيرة وربطها بمعلومات تعرفها بالفعل. المراجعة الدورية : المراجعة المتكررة للمعلومات تساعد في ترسيخها في الذاكرة طويلة الأمد. التركيز : تأكد من الدراسة في مكان هادئ بعيدًا عن أي تشتيت. استخدام الوسائل البصرية : الرسوم البيانية والخرائط الذهنية قد تساعد في تثبيت المعلومات. اجعل التعلم تفاعليًا : تحدث عن المعلومات مع أشخاص آخرين، أو حاول تدريسها لشخص آخر. نمط حياة صحي : تناول غذاء متوازن واحرص على النوم الكافي وممارسة الرياضة بانتظام. إذا استمرت المشكلة، قد يكون من المفيد استشارة طبيب للتأكد من عدم وجود سبب طبي يستدعي العلاج. نتمنى لك التوفيق في رحلتك لتحقيق أحلامك! (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ١٤ فبراير ٢٠٢٥
من المفيد لك ترديد ايه سنقرئك فلا تنسى ومحاوله حفظ القران الكريم ولو قصار السور وستجد اختلاف كبير مع طعام صحي متوازن ومشي ولو نصف ساعه يوميا تبتعد فيخة عن الاجهزة الذكيه
تم النشر الأحد، ١٦ فبراير ٢٠٢٥
اقتراحي مختلف
تم النشر الأحد، ١٦ فبراير ٢٠٢٥
السلام عليكم، بص هي مشكلة النسيان و الحفظ بقيت منتشرة عند الناس كلها ده عادي بس رأيي ابعد انك تاخد أدوية او اي حاجة كعلاج طبي قبل ما تحاول تظبط يومك الأول تدريجيا علشان تتأكد من المشكلة و واصلة لانهي درجة لأن تقريبآ كلنا اصلا حياتنا مش صحية كفاية و ده بيأثر طبعا انت جرب تاخد كفايتك نوم و تدرب او تنزل جيم و تشوف زي جيمز اللي تخص ال memory و شوف الأكلات اللي بتزود و تحسن الذاكرة شوف الحلول دي كلها الأول لقيت الموضوع لسه مستمر و نسيان كبير أو مرضى توجه ساعتها لدكتور و شخص حالتك لكن في كتير مننا لما بيعيش الحياة الصحية بتنعكس على حاجات كتير فجرب الأول تظبط روتينك
تم النشر السبت، ١٥ فبراير ٢٠٢٥
لعرض السؤال في فدني اضغط هنا