مش عارفة اصيغ السؤال اذاي بس أنا من فترة قريبة و لحد دلوقت بقيت بحس إني مش كويسة
مجموعة أفكار بتيجي في دماغي بتخليني كارهة كل شيء و خصوصا التعامل مع البشر و أحيانا بكون عادي كويسة و فجأة من غير اي مبرر أو سبب اقعد اعيط و بتجيلي ذي نوبة حزن و يأس و فقدان طاقة لفترة و بعد كده برجع كويسة معرفش اذاي لان الفترة دي مش بتكون يوم أو يومين او وقت طويل لا دي بتكون مثلا ساعه ساعتين و ارجع عادي و الموضوع بدأ يحصل تقريبا من بعد ما أعجبت بشخص و رغم إن أعجابي بيه عادي كنت معجبة بشكله و شخصيته مش اكتر لكن معرفش ليه مش ببطل تفكير فيه رغم إني مش معجبة بيه اوي يعني مش إعجاب لدرجة الحب مثلا لأن اصلا بدأت الاحظ وجوده في المكان من شهرين تقريبا و بدأت أعجب بيه من حوالي شهر أو 3 اسابيع و النهاردة من غير سبب و لا مبرر كنت بعيط و في نفس الوقت مشتاقة ليه معرفش اذاي يعني العبط ده معرفش أصلا إذا كنت مشتاقة ليه و لا لا لكن مفيش مبرر لحالة الحزن و العياط إلي كنت فيها من شوية و الموضوع بقاله تقريبا اسبوعين على كده بس دي أول مرة اشتاق فيها ليه رغم انه مش منطقي أصلا لاني مش معجبة بيه للدرجة دي بجد محتاجه تفسير لان مش فاهمة إيه العبط إلي أنا فيه ده و ليه أصلا أفكر و اشتاق لشخص مش بحبه أصلا و كل الي في الموضوع كان مجرد إعجاب بسيط ده حتى معرفش إذا هو معجب بيا و لا لا و اصلا احتمال كبير اننا مش هنتقابل تاني
أفهم شعورك تماماً، ومشاعرك مش غريبة أو "عبط" زيَّ ما بتقولي. اللي بتمُرِّي بيه ممكن يكون ناتج عن خليط من العواطف وعدم الاستقرار النفسي. خليني أقولك بعض الحاجات اللي ممكن تساعدك تفهمي وتتعاملين مع الوضع ده: المشاعر المتغيرة : دا طبيعي إن مشاعر الإنسان تتغير بسرعة، خاصةً لما يكون في ضغط أو تفكير في أمور جديدة زي الإعجاب بشخص. مش شرط الإعجاب يكون حب قوي، أحياناً بيكون مجرد انبهار أو اهتمام، بس ممكن يعمل لخبطة في مشاعرنا. التوتر والقلق : عدم الاستقرار في المشاعر ممكن يكون نتيجة لتوتر أو قلق دائم. جربي تعملي تجارب تريح أعصابك زي المشي في الطبيعة، أو تمارين تنفس عميق، أو التأمل. التشتت والفراغ العاطفي : أحياناً، لما بيكون في فراغ عاطفي أو اجتماعي، بنحاول نملأه بأي مشاعر جديدة، وده بيخلي المخ يركز على أمور تافهة أو أشخاص محددين بشكل غير منطقي. التعامل مع مشاعرك : مش لازم تفسري كل حاجة تحصل جواك بشكل منطقي. خدي وقتك لتفهمي نفسك وتسمحي لمشاعرك تتدفق بدون ضغط أو حكم. لو حسيتِ إنك محتاجة تبكي، ابكي. لو عايزة تلاعبي نفسك عن الشخص ده، اعملي حاجة تحبيها وتشغلك. طلب المساعدة : ممكن تفكري تتكلمي مع شخص تثقي فيه أو حتى مختص نفسي لو حسيتِ إن مشاعرك بدأت تؤثر على حياتك اليومية. في النهاية، خليكي واثقة إن اللي بتمري بيه ده مرحلة وهتعدي. اهتمي بنفسك وبمشاعرك، واسألي نفسك: "إيه اللي ممكن أحسنه في حياتي اليومية علشان أكون سعيدة أكتر؟"
تم النشر الجمعة، ٧ يونيو ٢٠٢٤
🎤 إجابة صوتية
تم النشر السبت، ٨ يونيو ٢٠٢٤
مشاعر طبيعيه لان في الأصل عندك احتياج لوجود علاقه عاطفيه مع الاعجاب بشخص ومفيش تواصل ودا بيعمل صراع من جواكي رافضه التفكير فيه ورافضه مشاعرك وتتكلمي نفسك بالعقل ، ولكن احتياج مشاعرك مختلف ، رفضك للمشاعر هيزود المشكله اقبلي مشاعرك ولكن اتصرفي بالطريقه الأنسب والأصح
تم النشر السبت، ٨ يونيو ٢٠٢٤
اممم اقرئي قرآن كتير وتقربي من ربنا اكتر وادعي انه لا يعلق قلبك بأحد غيره وإنه يحفظك ويرزقك زوج صالح 😊
تم النشر الأحد، ٩ يونيو ٢٠٢٤
لعرض السؤال في فدني اضغط هنا