ارجوكم محدش يتجاهل رسالتى
انا متجوزه عن حب بقالى سنتين فى خلال السنتين اكتشفت حاجات كتيره جدا واتصدمت واتخذلت واتخانت اكتشفت انه بيكدب عليا كتير واكتشفت انه بيكلم بنات واكتشفت انه بيتفرج على افلام مش كويسه وسامحت وعديت وتعبت جدا شوفت منه مواقف وتصرفات وافعال لحد الان مش قادره اتعافى منها.
فى فتره حملى كان بيحب اروح عند اهلى ومكنش يبحب وجودى ف البيت بحجه انى تعبانه استمر الامر بردو بعد الولاده بس دلوقتى انا اللى منعت انى اروح كتير او حتى ابيت عند اهلى
من فتره قريبه اتصدمت صدمه عمرى صدمه فعلا خلتنى مش قادره اتعايش من تانى ولا ارجع لحياتى تانى ولا قادره اثق فيه وحياتى بقيت كلها عدم ثقه وشك وانا اللي بتعب وبتاكل نفسيا وبقيت تعبانه نفسيا وجسديا الموضوع صعب عليا بقاله 3 اسابيع بس مش قادره اتخطى حزينه جدا
هو حنين وطيب وبيراضينى وكذا مره يوعدنى واعدى واسامح بس بردو نفسه بتغلبه بس انا صعبانه عليا نفسي انى فى بدايتى جوازى وحياتى وانا ف الحال دا
ارجوكم فيدونى بكلام دينى وعلمى
اول حاجة حبيبتي حددي أهدافك وطلباتك الحقيقيه بعيداً عن الكلام والوعود حطي حدود قوية وواضحة لاي تصرف مش مناسبك مفيش حاجه اغلي من طاقتك وحياتك منبذليش مجهود علي اي حاجة غير الحاجة اللي تحبيها وترتاحي فيها واستخيري في أمرك معاه ولو قادرة تكملي متكمليش الا أما تتعافى من اللي فات
تم النشر الثلاثاء، ١٥ أكتوبر ٢٠٢٤
أختي العزيزة، أود أولاً أن أعبّر عن تعاطفي الشديد مع ما تمرين به من مشاعر وأحاسيس، فهذا يعد وقتًا صعبًا جدًا في حياتك. يبدو أنك تعانين من صراعات كبيرة تتعلق بالثقة والأمان في علاقتك الزوجية، وهذا أمر طبيعي عند مواجهة خيبات أمل متكررة. إن الله سبحانه وتعالى قد أمرنا بالعدل وبين لنا حقوق وواجبات كل طرف في العلاقة الزوجية. من المهم أن نفهم أن الزواج ليس مجرد رابط عاطفي، بل هو التزام أخلاقي وديني يتطلب الصدق والثقة من كلا الطرفين. الخيانة والكذب مواقف تؤدي إلى تحطيم الثقة وتقوض العلاقة. بخصوص مشاعرك حيال عدم الثقة، يجب أن تعملي على توضيح مشاعرك لزوجك بشكل صادق. يمكنك أن تعرضي عليه رغبتك في إعادة بناء الثقة ولكن بشروط معينة، مثل أن يلتزم بالشفافية وأن يتوقف عن التصرفات التي تجرح مشاعرك. من المهم أيضًا أن تتحدثي مع شخص موثوق به، سواء كان صديقًا أو استشاريًا نفسيًا، لتساعدك في تخطي هذه الأزمات. الدعم النفسي يمكن أن يساعدك على استعادة توازنك والتقليل من حدة المشاعر السلبية التي تعانين منها. نصيحتي لك ألا تتسرعي في اتخاذ قرارات حاسمة قبل أن تتواصلي معه حول مشاعرك واحتياجاتك. الصلاة والاستغفار أيضًا لهما دور كبير في التخفيف من المعاناة الروحية والنفسية. أرجو أن تجدي السلام الداخلي وتتمكني من اتخاذ الخطوات اللازمة لتحقيق السعادة والاستقرار في حياتك. وإذا احتجت إلى مزيد من المساعدة، يمكنك دائمًا البحث عن استشارة نفسية متخصصة.
تم النشر الثلاثاء، ١٥ أكتوبر ٢٠٢٤
لازم تاخدي موقف وتوقفيه عند حده إلا كده عمره مهيوقف الا بعمله دا لازم تبينله انك م مسامحه لازم يعرف أنه غلط جامد ف حقك عشان مش يعمل نفس الغلط خليكي ست قويه خلي يخاف أنه ممكن يخسرك خليه يحس بندم من ناحيتك مش تقبلي منه اي اعزار غير لم يتغير بجد وتشوفي دا بعينك
تم النشر الأربعاء، ١٦ أكتوبر ٢٠٢٤
بصي ياحبيبتي الوقت ده محدش هيفيدك غير نفسك لأن لو انتي حابه تنفصلي هيرفضوا اي قرار لازم يبقي منك أنتِ لأن يمكن زوجك كويس وهيتغير فا نصيحه مني اتكلمي معاه لي اخر مره وخدي منه وعد ابعدي عنو مش لازم تنفصلي ممكن تروحي عند حد من قرايبك هو مش يعرف طرق ليكي لحد متهدي هو هيدور عليكي وهيتحسن لأن هو كده ضامن انك ديما موجوده مش بتروحي وله هتروحي عرفيه أن حته لو بتحبيه وبينكم اطفال لاء انا ممكن ابعد عادي ساعته بس هو هيتعدل وهبيعد عن اي حاجه وحشه والافلام الي بتفرج عليه كلميه برضو لو أنتِ مقصره في حقو حولي مش تعملي كده وهتمي بنفسك لو بتعملي الي عليكي افهمي منو ايه المتعه الي بيحتجها من الأفلام ديه وحققهولو وخليكي مع جوزك صلاحي منو وخلي الانفصال اخر قرار تخديه علشان الطفل الي بينكم وعلشان نفسك قبل كل شئ وربنا يصلح حالك وييسر امرك يارب
تم النشر الأربعاء، ١٦ أكتوبر ٢٠٢٤
على حد خبرتى في الحياه.. إن اللى بيخون بيفضل يخون مهما وعد إلا من رحم ربي.. فإنتى شوفى إنتى إيه احتياجاتك اللى تخليكى مبسوطه و مطمنه و مستريحه.. هل وجودك معاه هيحقق احتياجاتك النفسيه و المعنويه.. و هتحسي بالأمان معاه ولا لأ.. لو لاقيتى نفسك مش هتحققى اى حاجه من احتياجاتك معاه.. يبقى لازم تبعدى عنه و ربنا يصلح لك الحال يارب و يعوضك خير.
تم النشر الأربعاء، ١٦ أكتوبر ٢٠٢٤
خليه يندمج مع ناس صالحه ويتابع ناس صالحه على. مواقع التواصل أو انت اعملي ده بفونه اشتركي ف قنوات وجروبات ناس تخليه يبقي شخص احسن اشتركي له ف جيم مع مدرب ك هدية منك وطول ما انتي ف البيت خلى القرآن شغال يارب اكون فيدتك
تم النشر الأربعاء، ١٦ أكتوبر ٢٠٢٤
لعرض السؤال في فدني اضغط هنا