عندي مشكلة كبيرة اوي مع الغيبة 💔 لما بغضب مش بقدر محكيش عن اللى مضايقني وفى الغالب بيكون شخص .. انا شخصية بشوف المميزات والعيوب مش بنخدع فى المميزات فقط وطبعا ده بيتقال فى لحظات الغضب او موقف وحش اظهر العيب الفلانى فى الشخص ده .. انا طول عمرى كان عندى حسن خلق والله وكنت بتميز بيه بين اهلى اتقلب حالى لما كبرت وصفة الغيبة بالذات ظهرت لى من ٤ سنين من شلة صحاب كانوا فظاع فى الكلام عن الناس لدرجة انى كنت بحس بصدمة فى الاول لكن بعدين انا بقيت افظع وهم ربنا اكرمهم واتغيروا للاحسن .. انا حاسة بضيق شديد جدا فى قلبى ولما بتكلم ع حد فى لحظتها بحس انى مش طايقة نفسي ونفسيتى تعبت ....ياريت لو فى حد مر بتجربة زى دي واتغير يقولى ازاي يمنع نفسه من الكلام عن اللى ضايقه ! انا بقرأ وبسمع كتير عن عذاب الغيبة والنميمة وتلت عذاب القبر بسببهم وانهم من حقوق العباد كل لما افتكر ده ببقى نفسي ابكي بحرقة يمكن ضيقي ده يقل .. عايزة اى دروس او اى حاجة تساعدني والله انا حاولت كتير اوى وبحاول بس كل مدى بحس انى بكره نفسي اكتر 😔وع فكرة انا مشغولة ومضغوطة معظم الوقت عشان محدش يفتكر ان سبب ده الفراغ .
بصي هاقولك علي حاجه ان سبب اللي انتي فيه دا صحابك فامن الأحسن انك تقطعي علاقتك بيهم وحاولي ان كل ما تحسي انك عايزه تتكلمي علي حد اذكري الله واو صلي اشغلي نفسك وافتكري انها هتتردلك كل اللي انتي بتقوليه هيتقال عليكي وبردوا دا غير غياب القبر انا مش بخوفك بس قبل ما تتكلمي علي شخص حطي نفسك مكانه وانا مش بقولك كده وخلاص انا مريت بالتجربة دي ولما قربت من ربنا وبعت عن اصحابي والله ارتحت وخليك فاكره انك لما تدعي ربك من جوه قلبك انوا يغفر ويقبل توبتك فإنه هيغفرك ويقبل توبتك انه هو التواب الرحيم
تم النشر الأربعاء، ٦ مارس ٢٠٢٤
الحل هو انك تتابعي نفسك وانك لما تغضبي من حد حاولي متتكلميش عليه دربي نفسم ومتقعديش مع صحبه سوء
تم النشر الجمعة، ٨ مارس ٢٠٢٤
لما اضطر احكي عن شخص معين احكي بدون ذكر اسمه ثانيآ ما احاول اسبه،مثلا واحدة اتهمتني اتهام باطل و كمان هي اصلا تسوي اتهامها ذا بنفسها ، اقول لشخص بغية الفضفضة "فيه بنت اليوم ضايقتني جدآ كلمتني بأسلوب وقح و قالت اني اسوي اشياء ماقد سويتها و اللي ازعجني اكثر انها تسوي ذاك الشيء اصلا"لما تتكلمي لا تظهري عيوبها لا اشرحي الموضوع من وحهة نظرك بس يعني انتي تحكين هالكلام بس عشات انتي متضايقه فا لا تحكي غير عن اللي مضايقك مو لازم نطلع كل عيب بالبنت صغير وكبير لان ماله علاقه فيك لو مضايقك اشياء بالبنت روحي قولي لها مباشرة بنية النصح وانها تتغير
تم النشر الجمعة، ٨ مارس ٢٠٢٤
مبدأيا ربنا يعينك على انك متتكلميش على حد و ديه فى حد ذاتها خطوه حلوة انك تخافى من ربنا و عرفه ان ده غلط كل العليكى تبعدي عن اي حاجه ممكن توئعك و تخليكى تتكلمى على حد ولما تحسي انك أتكلمتى على اي حد ردى سيرته بحاجه حلوه وسط الناس القاعده كل متتكلمى على حد خلى فى بالك المميزات و قوليها و أستغفرى من قلبك و آن شاء الله هتبطلى و تبقى أفضل ولو معرفتيش تقولى حاجه حلوه عن الشخص اعتذرى من الشخص ده و خليه يسامحك علشان متكونيش عليكى زنب أي حد و طلما ندمانه ربنا هيغفر لك إن شاء
تم النشر الجمعة، ٨ مارس ٢٠٢٤
برأيى أنك تبعدي عن اي حد انتى بتحكيلوا اسرار الناس واعرفي انك لما تفضحي حد هيجي يوم تنفضحي على اي حاجه ف حاولى تبعدي عن اي حد بيتكلم على الناس وتمتعي نفسك من كده ولما تتعصبي استغفر ربنا وبس متقوليش اي حاجه او ابعدى والسلام عليكم
تم النشر الخميس، ٧ مارس ٢٠٢٤
لعرض السؤال في فدني اضغط هنا