بقيت اخاف من اى حد يدخل حياتى او يقرب منى مبقتش اصدق ان فى حد كويس وبيحب الخير لغيره لانى لقيت ان كل الناس اللى حوليا مصالح وكل واحد ليه غرض ولما بيحقق غرضه بيبعد ،البعد والفراق صعبين اوى و كفيلين انهم يدمرو الإنسان نفسياً وجسدياً ... هل كده انا غلط وشايفه اللى حوليا بمنظور خاطئ ولا الناس كده فعلاً 👈👉🖤.
والله المستعان
تم النشر الاثنين، ٢١ نوفمبر ٢٠٢٢
اكيد سبب الاحساس ده هى مواقف وحشة شوفتيها من ناس كنتى شايفاهم كويسين. انا كنت بحس زيك كده لما يحصلى موقف وحش من حد. الحقيقة ان اكتر حاجة بقت تلغى فكرة ان كل الناس وحشة دى ...هو حديث للرسول عليه افضل الصلاة والسلام. قال : الخير فى امتى ليوم الدين يعنى رغم ان نهاية العالم هيبقي فى احداث صعبة كتير هتحصل ...بس الخير هيفضل موجود فى البشر رغم كل شىء. ده بيأكد ان الناس الحلوة موجودين اكيد ...ممكن يكون حوالينا فى وقت معين ..ناس وحشة فمش عارفين نشوف الحلوين. ارفضى الوحش والغلط بس متسيئيش الظن ولا تعممى...ولو متأكده من نفسك انك كويسة يبقي انتى واحده من ناس كتير حلوين ...ودورى على الناس اللى شبهك هتلاقيهم كتير ...ولما تقابلى الوحشين ابعديهم فورا.
تم النشر الاثنين، ٢١ نوفمبر ٢٠٢٢
أكيد فيه ناس كل همهم المصلحة وأكيد كمان فيه ناس لسة عندهم إنسانية .. حاولي تعملي صداقات مع بنات في سنك تجتمعوا معا على هدف سامي أو نشاط خيري وهتلاقي إن شاء الله (الحب في الله) اللي رسولنا العظيم ﷺ أخبرنا عنه وهو أن الإنسان يحب الشخص لا يحبه إلا لله وفي الله .. هتلاقي النوعية دي من الصحاب لو دورت عليهم إن شاء الله وهم أكيد موجودين!
تم النشر الأحد، ٢٠ نوفمبر ٢٠٢٢
الناس منها الحلو والوحش اتعملي بضميرك انتي وشخصيتك انتي ملكيش دعوة بيهم لو باعوا متوقفيش حياتك وعلطول قولي (واصرف عني شر ما قضيت )ونصيحة مني ما تندميش علي اي حاجة قدمتيها لأي انسان مهما كان خبيث ❤
تم النشر السبت، ١٧ ديسمبر ٢٠٢٢
ازيك، أتمنى تكوني بخير. إحنا رسائل ممكن نكون الاسوء وممكن نكون الأحسن. ولكن الأكيد أن مش الكل كده، ممكن نكون أشخاص كويسة عند الشخص ده، وممكن نكون أشخاص سيئة عند شخص تاني، ولكن مازلنا نفس الشخص. والأكيد كمان أننا عبارة عن رسائل لبعض، ربما صديقتك في السنة الماضية كانت موجودة لهدف ما، ممكن كنتي انتي محتاجها لحاجة معينة، وممكن هي كمان كانت محتاجكي في الوقت ده لغرض معين. أيا كان إيه هو الغرض ده، معنوي مادي، أيا كان. أوقات بشوف إنقطاع العلاقة بشكل تاني، (مش بالشكل اللي هو خد مصلحته وخلع) لكن بشكل إنها كانت موجودة كإنها رسالة أو تجربة كانت في حياتي وخلاص وصلت رسالتها أو أنا وصلت رسالتي وانتهت، ولكن فيه أشخاص بتكمل، بتكمل معاكي باقي عمرك كله. ودول ممكن يكون واحدة، أو اثنين، بعد عملية انتقاء كبيرة جدا طول حياتك، علشان تطلعي فعلا بأشخاص تكون شبهك ويكونوا قريبين ليكي بجد وهما كمان بيبادلوا ليكي نفس المشاعر. الخذلان أكيد صعب، ولكن مع كثرة التجارب هتتعلمي، هتتعلمي إننا كده كده دافعين تمن كل شيء من قبل حتى ما نحصل عليه. الأكيد إن الدنيا مش سيئة برده بدرجة تصورك اليها، لسه فيها حاجات كتير حلوة وعلى اد ما تنظري إليها بحب على اد ما هتاخدي منها مقدار الحب ده. أتمنى ليكي كل التوفيق والسعاده.
تم النشر الثلاثاء، ٢٢ نوفمبر ٢٠٢٢
يحببتي كل ما فكرتي في ربنا وشفتيه في خطواتك وسعيتي وخدتي بالاسباب مش هيفرق معاكي مين فارق ومين باقي وعاملي دائما الي قدامك من باب التقرب لله والإحسان وسيبي بتاع مصلحته لمصلحته
تم النشر الأحد، ٢٠ نوفمبر ٢٠٢٢
تابعى اجابات اكتر على جروب الفيس بوك https://www.facebook.com/groups/fedni.group/permalink/836506094290929/?mibextid=Nif5oz
تم النشر الأربعاء، ٧ ديسمبر ٢٠٢٢
كده و مش كده في نفس الوقت ، كل اللي انت محتاجه انك تغير الدائرة بتاعة أصدقائك او معارفك او زمايلك لازم تبقي انسان انتقائي يعني ليك معايير في الشخصية اللي هتعتبرها صديق ثانيا مهم جدا أن اي انسان يحافظ علي حدود مع أي طرف اخر و في نفس الوقت بلاش تتعري نفسيا قدام اي حد و تحكي له أدق تفاصيل حياتك .
تم النشر الاثنين، ٢١ نوفمبر ٢٠٢٢
عندك حق اغلب الناس بقو كدا مع مصلحتهم وانت باين عليك عاطفيه وتتعلق باللى حواليك وهى دى مشكله الناس العاطفيه زى اناوانت لكن المفروض نعامل ناس على انهم ف اى وقت ممكن يمشو لاى سبب وخاصه الموت ...مع الوقت هتلاقى صديقه او صديق يتمسك بيكى ويخاف تسيبه انت
تم النشر الأحد، ٢٠ نوفمبر ٢٠٢٢
لا يا بنتى الناس كلها مش زى بعضها لسه الدنيا بخير بس متديش ثقه لحد وخلى إيمانك فى ربنا كبير
تم النشر السبت، ١٧ ديسمبر ٢٠٢٢
في الحقيقة المعارف عبارة عن مصالح خصوصا في هذه المرحلة من حياتك انتي بس حساسة شوية وبتتعشمي زيادة عن اللزوم ومش عيب ان الناس بتدور علي مصلحتها وانتي برضو تعملي كده
تم النشر الثلاثاء، ٢٢ نوفمبر ٢٠٢٢
نسبة كبيرة من الناس بقت كدة للاسف لذلك بنصادف منهم كتير في حياتنا لكن الكويسين موجودين وهتلاقيهم بس متفقدش الامل في ربنا ومتتعقدش بسبب النماذج السيئة اللي قابلتك وخليك حذر
تم النشر الأربعاء، ٧ ديسمبر ٢٠٢٢
لعرض السؤال في فدني اضغط هنا