عندي مشكله دلوقتي اني كل ما اذاكر لو حتي حاجه بسيطه او ماسكه الفون دماغي دي بعدها بتبقي نار بجد تاني حاجه ببقي عيني بتغمض مش قادره افتحها حتي ضربات قلبي بتزيد جامد مش ببقي قادره اقف اطرافي بتبقي ساقعه وعرقانه وريقي ناشف الكلام ده بيحصل الصبح بس . ومش ببقي قادره اركز في اي حاجه خالص مش بهدي غير لما ادخل انام واتدفي وبعدها بصحي ضربات قلبي بس سريعه
هذا غالبا بسبب التوتر حاولي تعلم تمارين الاسترخاء واعلمي ان كل شيي بيد الله ونحن فقط نفعل ماكتبه الله علينا وان الامتحان ليس نهايه العالم تعلمي تمارين اليوجا والاستماع الي القران بصوت هادئ وخاصه سوره ياسين ودائما تذكري حديث الرسول "لو عرضت الاقدار عليكم لاختارتم ما اختاره الله لكم" صدق رسول الله صلى الله عليه وسلم
تم النشر السبت، ٢٢ يونيو ٢٠٢٤
اولا سلامتك يحبيبة قلبي ثانيا انتي لازم تزوري دكتور فوراً هو انسب حد ممكن يشخص حالتك دي ويقولك تعملي اي كمان بنصحك انك تتبعي نظام غذاء صحي ودخلي الخضراوات والفواكه الفريش في نظام أكلك واشربي مايه كتير ولو تقدري تنزلي جيم أو تمارسي رياضه بتحبيها اعملي كدا فوراً.
تم النشر السبت، ٢٢ يونيو ٢٠٢٤
تم النشر الخميس، ٢٠ يونيو ٢٠٢٤
حبيبتي، شكلي إنك بتمرين بوقت صعب وسلامتك أهم شي. من الوصف اللي قلتيه، الوضع ده مش طبيعي وبيحتاج زيارة طبيب بشكل عاجل. قد يكون فيه أسباب صحية بتسبب الأعراض دي، زي اضطراب في ضغط الدم، مشاكل قلبية، أو حتى قلق وتوتر شديد. الخطوات اللي ممكن تعمليها حاليا: أول شيء تزوري الطبيب : لازم تروحي لدكتور عشان يعمل فحص شامل ويتأكد إن مافيش مشاكل صحية خطيرة. هو أكيد حيقدر يشخص الوضع بشكل دقيق ويعطيك العلاج المناسب. اعملي فترات استراحة : لو محتاجة تذاكري، جربي تقسيم الوقت لفترات قصيرة وبينهم استراحات. ما تحمليش نفسك فوق طاقتك. اهتمي بالأكل الصحي : أكلاتك تكون فيها قيم غذائية عالية زي الخضروات والفواكه، والبروتينات. جربي تقنيات الاسترخاء : زى التنفس العميق، التأمل أو اليوغا. دي حاجات ممكن تهدي الأعصاب وتساعدك على التركيز أكتر. اتكلمي مع حد : لو فيه حد من أهلك أو أصحابك بتثقي فيه، حاولي تتكلمي معاه عن اللي بيمر بيكي. الدعم النفسي مهم جداً. افتكري دايماً أنك مش لوحدك، وفي طرق كتير ممكن تساعدك ترجعي تذاكري وتنجحي. أتمنى لك الشفاء العاجل والراحة.
تم النشر الأربعاء، ١٩ يونيو ٢٠٢٤
لسه هبدا امتحانات ما خلصتش بس الأعراض دي معايا من اول السنه مش مربوطه بامتحانات .فإن شاء الله هعمل زي ما حضرتك قلت وان شاء الله خير . شكرا لحضرتك
تم النشر الأربعاء، ١٩ يونيو ٢٠٢٤
عندي ٢١ سنه الموضوع ده بدا عندي من سنتين بس كان بيحصل إيام امتحانات الفاينل وبعد كده بقي بيجيلى بس على خفيف السنه ال بعدها ابقي قاعده فى المحاضره مثلا فجأه احس اني مش عارفه افتح عيني نهائي ومش بعرف اقاوم بجد رغم اني ببقي نايمه كويس وفاطره وكل حاجه وبعدين مش بستريح غير لما بغمض عيني وسعات كتير انام مش بحس بالحواليا وبعد كده السنه دي تقريبا بقي بيحصل الموضوع ده كتير اوي بجد ابقي صاحيه من النوم عادي وببقي فاطره وكل حاجه واذاكر مثلا شويه صغيرين او اسمع اي حاجه الاقي فجأه ضربات قلبي زادت مش قادره افتح عيني ونفس الأعراض ال قلتلها . انا الحمد لله ما عنديش ضغط قسته من فتره بس طلع مظبوط اما السكر حقيقي مش عارفه بس ما فيش حد عنده السكر غير والد والدي type 2 غير كده ما فيش حد والأعراض ال بشتكي منها دي ما حدش اشتكي منها فى العيله خالص انا الوحيده . الموضوع ده بيجيلى وقت معين في الصبح بيزيد مع المذاكره او اي مجهود ذهني انا بعمله. كنت قبل كده بعرف اقعد اذاكر كذا ساعه متواصل لان الكليه محتاجه مجهود ووقت دلوقتي لاه بسبب الموضوع ده كام ساعه وبعدها مش بقدر حقيقي من كتره ما دماغي بتكون مش مستحمله وده مش طبعي انا طبعي من وانا صغيره بقعد كتير على الكتاب سعات متواصله
تم النشر الأربعاء، ١٩ يونيو ٢٠٢٤
العفو انا معملتش حاجه .. بس زي ما قولتلك تابعي والفتره الجايه طالما فيه امتحانات متوقع ان ده هيزيد فحاولي تبعدي عن أي stress على قد ما تقدري وبلاش كافيين كتير عشان أكيد ده ليه تأثير .. وبالتوفيق في الامتحانات
تم النشر الأربعاء، ١٩ يونيو ٢٠٢٤
هو الأعراض في البدايه أنا شكيت ان عندك stress بس الامتحانات والمزاكره الكتيره .. بس احنا في أجازه وانتي بتقولي معندكيش الضغط أو السكر .. فياريت تعملي كده هتتابعي الموضوع يومين أو تلاته من غير مزاكره أو تلفون كتير وتتابعي في الصيدليه ضغط مرتين في اليوم الصبح وبالليل وكذلك السكر ممكن تقيسي السكر في الصيدليه لو محصلش أي تغيير توجهي مباشرة لدكتور باطنه.. وان شاء الله خير وربنا مايحوجك لأي دكتور ولا طبيب
تم النشر الأربعاء، ١٩ يونيو ٢٠٢٤
كام سنه بالظبط ؟ .. الموضوع ده بدأ عندك من امتى ؟... بيجي ويزيد في أوقات معينه أو مواقف معينه غير المزاكره ولا طول اليوم موجود مع أي حاجه بتعمليها ؟ ... عندك ضغط أو سكر أو أي مرض مزمن أو بتعاني من ضغط نفسي الفتره دي ؟ ... خدتي أدويه ولا لأ؟ .. لو آه ايه هي الأدويه ومين نصحك بيها وارتاحتي عليها ولا لأ؟ ... فيه حد في العيله بيعاني من نفس المشكله أو مر بحاجه شبهها ؟
تم النشر الأربعاء، ١٩ يونيو ٢٠٢٤
لعرض السؤال في فدني اضغط هنا