السلام عليكم ورحمة الله وبركاته
انا شاب عندي 19 سنه
مشكلتي كبيرة اوي بلظبت ابتدت اول ما بدأت فترة الاعداديه گنت قبليها ولد محترم كويس و طيب كان كل همو انو ينام و في حد زعلان منو اول ما ابتديت فترة الاعداديه اتصاحبت علي ناس كويسه و ناس مكنتش اعرف انهم مش كويسين كانو بلنسبالي زي موسوعه علميه بسبب اني مكنتش اعرف الدونيا ولا اعرف عنها اي حاجه ابتدو يفهموني حاجات غلط و يعرفوني انها صح و طرقهم كانت مقنعه عشان محدش يفهمني غلط هما خلوني اتفرج علي الافلام الاباحيه و علموني الشتايم و كانو بيخرجوني كل يوم هنا و هنا كل دا حصل في سنه واحده و في يوم كدا قالولي هتستفاد اي لما تساعد دا وتساعد دا وتساعد دا مش هيفيدوك بحاجه و هنا كانت اول حاجه مرة اغلطهم في حاجه متستغربوش اني كنت شايف الكلام الي كان قبل كدا صح لا هو طبيعي مكنتش اعرف و كان عندي شغف اعرف اكتر و حبيت الموضوع فا غلطهم و قلتلهم لا انا بعمل كدا عشان اساعدهم و ربنا يحبني كنت تفكير طفل بريئ قالولي مش عازين يعرفوني تاني و طلعو عليا سمع وحشه دخلت في حاله اكتأب مش عايز اروح المدرسه تاني و حتي اصلا كان قبل المشاكل دي كلها كان عندي زميله ليا من فترة اعدادي كانت مهونه عني كل حاجه حرفيا و كانت واقفه جنبي في جميع اوقاتي الصعبه و في الفترة الي كنت فيها مش كويس الي هي فترة اعدادي اتوفت فا دخلت في اكتأب حاد ان صديقه طفولتي ماتت و مبقتش مدي امان لأي صاحب تاني طبعا بعد كل الي حصل دا ترتب علي اني مبقتش اصلي من اولي اعدادي ولا بقرأ قرأن و كنت بسمع اغاني بلكوم و بعمب العادة السريه كتير بس الحمدلله مكنتش بشرب ولا كنت مدمن ولا اي حاجه من الكلام دا
كل الكلام دا و الحاله الي انا فيها دي معايا من اولي اعدادي و كل يوم كانت بتزيد حاليا انا عندي 19 سنه اولي في معهد ولسا في الحاله الي انا فيها
فا انا بجد محتاج حد يساعدني اتوب تاني ازاي و هل الكام سنه الي مصلتهمش دول هعوضهم ازاي
انا عندي عزيمه و ارادة و اصرار اني اقف عن الي انا بعملو بس كل الي انا محتاجو حد يدلني للطريق الصح...
بالله عليكم لو حد عندو حل يقف جنبي لأني متدمر كليا و من فترة كنت بفكر في الانتحار بطريقه بشعه جدا.
اولا وعيك باخطاءك ورغبتك في انك تتغير وتصلح اخطاءك دي خطوة اولي في اصلاحك وتغييرك وده نعمه من ربنا انه يفوقك وتكون عندك رغبه في الرجوع من الطريق ده وياريت لو تابعت مع مختص يتابعك بس مبدئيا طبعا التوبه والنيه علي عدم الرجوع حافظ علي صلاتك ابعد عن كل شئ يوصلك لاصحاب السوء دول ابدأ اعمل اصحاب جداد اختارهم كويس يقربوك من ربنا العب رياضه اهتم بدراستك اعمل خطه للسنه الجايه حدد ايه الاهداف اللي محتاج تحققها السنه الجايه وخطه محدده بزمن هتنفذها ازاي اكتب ايه الخساير اللي حصلت من الطريق اللي كنت ماسي فيه عشان تشوفها قدام عنيك وتثبتك انك مترجعش شوف مين من اللي حواليك حد كبير من اهلك قرابيك حد تثق فيه واطلب مساعدته في انه يدعمك واخيرا الدعاء والتزم بصلاتك وربنا مش هيسيبك ان شاء الله من تقرب الي شبرا تقربت اليه ذراعا
تم النشر السبت، ٢٣ ديسمبر ٢٠٢٣
متلومش نفسك علي الي فات محدش فينا اختار الناس الي هيقابلهم لولا الناس الي دخلوا حياتك زمان مكانش هيبقي عندك خبره فى الصحاب اكيد دلوقتى بقيت عارف مين كويس ومين لاء ، اولا انا بشكرك جدا علي ثقتك وكلامك وعلي انك لسه جواك تأنيب ضمير وحاجه بتدفعك للتغيير وده من احسن الحجات وكمان ربنا مش بس بيدى حسنات للتائب ده حتى الي بيفكر فى التوبه ربنا بيديلو حسانات، بالنسبه الصلوات الي فاتتك من رحمه ربنا عليك انك مش ملزم تعيد من الاول بشرط انك تكون صادق فى توبتك مع علي والدليل كيف اعوض الصلوات التي تركتها؟ فعليه التوبة إلى الله -التوبة الصادقة النصوح- المتضمنة: الندم على ما مضى، والإقلاع من ذلك، والعزم ألا يعود لمثل ذلك؛ تعظيمًا لله سبحانه، ورغبة في ثوابه، وحذرًا من عقابه، ولا قضاء عليه؛ لأن النبي ﷺ لم يأمر المرتد عن الإسلام ثم تاب أن يقضي ما ترك من الصلاة، بالنسبه لموضوع العادات السيئه الي خدتها منهم عمتا الشخص بياخد بالعادات الي موجوده فى الي قدامه ده حتى فى مقوله بتقول أن الشخص هو عباره عن خليط من اكتر 5 أشخاص محيطين بيه ، هما مكانش سويين نفسياً أو حتى ناس ممكن نعاتب عليهم هما اكيد عندهم مشاكل فى البيت وحجات خليتهم يعملوا السلوك الغلط عشان كده متفضلش طول حياتك مستنى الفرصه الي تلومهم عشان هما اصلا مايتلاموش الي تلومه هو إلى انت باقي عليه ، ثم هما مكانوش صحابك ولا بيحبوك مينفعش حد يحب حد يأذيه ابدأ بجد فى مقوله بتقول (المُحِب لا يهدي ذنوبًـا، ولا يُفسد على مُسلم قلبه.") بالنسبه لصديقتك ربنا يرحمها هى ف مكان احسن من كده لو كان علاقتكو كانت حرام او مرتبطين أو اى حاجه مترضيش ربنا متقولش لحد انها كانت بتكلمك ادعى ربنا يغفر لها الذنب ده مثلا اكيد هى ف مكان احسن الإنسان بيبقي عندو فضول عمتا لأى حاجه عشان كده كنت عاوز تجرب كل حاجه معاهم ف متلومش نفسك متفكرش ف الانتحار ثم يا صديقي علي هل الاخره انت مستعد ليها ؟ يا صديقي انت كده خسران مرتين خسران المره الاولى لما خليتهم يعرفوا يستقوا عليك ويبوظوا سمعتك مع انك المفروض متهتمش يغوروا هما وسمعتهم خلوك توصل للانتحار والمره التانيه لو نفذت الي ف دماغك وكفرت بالله وانتحرت انت كده خليتهم ينتصروا عليك ف الدنيا والآخرة ليه ممكن تضعف كده ؟ ليه متخليش هما الي يندموا أنهم خسروا حد كويس اوى زيك انت احسن من كده انت تستاهل الاحسن بجد متخليش عقلك يسوحك
تم النشر السبت، ٢٣ ديسمبر ٢٠٢٣
- عارف انت مفيش حاجة هتنفعك ولا صوم ولا صدقة ولا حج إلا لما تصلح صلاتك ال 5 فروض أول حاجة هتسأل عنها هي صلاتك ولي عنده هموم علاجه صلاة خلي بالك مش هتلاقي حد موفق في أداة الصلاة زي ما أمر فيها الله إلا وفتحت له أبواب الرحمة في الدنيا والآخرة ورزقك موقوف عن صلاة يعني لو عايز اي حاجة علاجها صلاة الهداية أو نجاح أو اي حاجة ولما تعمل نواهي هتحس إن صلاة حمل ثقيل فتقوم سيبها وتستمر في النواهي بإختصار الشيطان بيخليك تحس انك بتعمل حاجة معينة بخجل ويحسسك انك مش هتكون شخصية طيبة هيخيلك إن صلاتك مش مقبولة فأنت لو بتعمل اي نواهي صلي احنا كلنا مقصرين والمعصوم عن نواهي بس هوه الرسول محمد ص صلاة للي بيعملوا نواهي والصالحين برضو أوعي تخلي فكرة الوسواس تسيطر عليك لا يغير الله بقوم إلا لما هما يغيروا فأنت صلي واطلب الهداية بصدق يقول الله عز وجل : ( اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلاةَ إِنَّ الصَّلاةَ تَنْهَى عَنِ الْفَحْشَاءِ وَالْمُنْكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ ) جهز نفسك عشان يومي ويومك جايين لأننا مكلفين ومفيش حد معصوم عن النواهي وكلنا مقصرين ولازم تصلي في المسجد كل فروض عشان تكون صادق مع الله ولو حد قالك صلي في البيت متسمعلوش أو جالك وسواس لازملك الصبر وربنا هيعوضك بإذن الله أول ما تسمع الأذان علي طول سيبك من اي حاجة وصدقني مش هتلتزم في البيت هتلتزم في المسجد وعن تجربة انت وصدقك مع الله بس اضمنلك لو بدأتها بصلاة ولازم الخمس فروض في المسجد كل الطاعات هتيجي لواحدها وده هيزيد ايمانك وبص صلاة في المسجد صلاة الفجر بزات زي ما قلتلك شيطان هيوسوسلك قال الرسول ص العَهْدُ الَّذِي بَيْنَنَا وَبَيْنَهُمُ الصَّلَاةُ، فَمَنْ تَرَكَهَا فَقَدْ كَفَرَ وانت عارف ان رسول صادق ازاي وخلي بالك تارك صلاة ملعون في الدنيا والآخرة وكافر لا يدخل المكة والكعبة الشريفة لأنه نجس مشرك ولا يغسل ولا يكفن ولا يصلي عليه ولا يدفن في مقابر المسلمين ودين الله يسر مش عسر يعني متسيبش فرض في المسجد بعمد بص الآية دي ذَٰلِكَ الْكِتَابُ لَا رَيْبَ ۛ فِيهِ ۛ هُدًى لِّلْمُتَّقِينَ لو عايز تبقا من ناس صالحة دي وعايز طريق ده الكتاب ده هوه إلي هيهديك بص هقولك علي حاجة كمان وبص صدقني واسمعها ودي أهم خطوة وهي الي هتهديك الي طريق صحيح ،الصحبة الصالحة هي إلي هتهديك انت دلوقتي تدور علي أكاديمية قرآن تشترك فيها بس
تم النشر السبت، ٢٣ ديسمبر ٢٠٢٣
شايفة انا مفيش حل للهروب من كل دا غير انك تبدا تتوب وترجع لربنا استغفر دايما وصلي وادعي واقرا قران وابعد عن اي حد هيسببلك اي اذي او اي ضرر سوا كان اي فكر في نفسك وانة حرام عليك كل ال بتعملة داا وابعد عن صحابك دول نهايئة والي زيهم بردة وربنا معاك ويبعد عنك اي حاجه وحشة وربنا
تم النشر السبت، ٢٣ ديسمبر ٢٠٢٣
شوف صحبة صالحة ودول هتلاقيهم في المسجد.. روح المسجد اللي قريب من بيتكم وشوف إمام المسجد أو أي حد مويس هناك واقعد معاه ومن غير ما تحكيله حاجة قوله انا نفسي اقرب من ربنا ونفسي حد ياخد بإيدي.. ارجع صلي تاني كل صلاة في وقتها ومتقلقش لو تبت ربنا هيغفرلك كل الي فات حنى اللي مصليتهوش تقدر تعوضه بإنك تصلي السنن مع الفرائض وتستغفر كتير.. ابعد عن الأفلام الإباحية تماما ومتنامش لوحدك في مكان ولا تقعد لوحدك خليك دايما قريب من الناس علشان متتملش العادة.. حتى لو جيت في مرة ووقعت قوم تاني واستغفر وتوب وربنا هيغفر لك طالما انت صادق في توبتك وشايف منك حرص على التوبة والرجوع.. ربنا غفور رحسم متيأسش من رحمته، ولا تأمن عقابه لأنه شديد العقاب فارجع وخليك دايما من التوابين والمتطهرين من الذنوب والمعاصي
تم النشر السبت، ٢٣ ديسمبر ٢٠٢٣
طول ما عندك النية والإرادة وبتسعي ربنا هيساعدك وهيكون جنبك وهيغفرلك كل اللي فات ابتدي صلى تاني واستغفر كتير وتصدق وانا مستعدة اقف جنبك وبما إنك طالب هعملك خصم على الجلسات الاونلاين او العادية لو حابب تيجي ووعد هتبقي شخص تاني في 6 شهور بس اذا انت ناوي فعلا وملتزم
تم النشر الاثنين، ٢٥ ديسمبر ٢٠٢٣
شكرا بجد علي نصيحتك بجد فادتني جدا بس انا من النوع الي عندو رهاب اجتماعي مبعرفش اخطلت بلناس دي مشكله بردو موقفاني اني اعرف حد كويس
تم النشر السبت، ٢٣ ديسمبر ٢٠٢٣
لعرض السؤال في فدني اضغط هنا