أنا شاب عندي 20 سنة متعاملتش مع بنات خالص والموضوع ده مأثر فيني حاسس في حاجه غلط وانا مش من النوع اللي بهتم أن اكلم بنات وكدا علشان شايف أن مفيش سبب يخليني اكلم بنت بس بعد كدا واحد قالي بما انك في فترة الجامعه حاول تتعلم انك تختلط معاهم وكدا بس لما جيت اجرب لقيتني طول الوقت ساكت مش بكلم عكس لما اكون مع صحابي بكلم ويضحك حتي البنات القريبين مني مش بعرف اتعامل معاهم زي اخواتي البنات أو اللي في العائلة عامة
،عايز حد يقولي ازاي اتعامل معاهم
مفيش حاجة غلط عندك أنت إنسان طبيعي وربنا وقاك شر فتنة الاختلاط والعذاب النفسي اللي ممكن يحصل لك لو دخلت في علاقة دمرت لك أعصابك وشتتت لك أمرك فحافظ على نقاء قلبك لحد ما تلاقي بنت الحلال اللي تروح تخطبها من أهلها مباشرة وسيبك من كلام أصحابك
تم النشر السبت، ٢١ ديسمبر ٢٠٢٤
هو المفترض أصلا إن فيه حدود وقواعد للاختلاط بين الجنسين في الإسلام والتعامل بينهم لازم يكون ضمن الإطار الصحيح. يعني في الدراسة على قدر الحاجة ودون فتح باب يمكن أن يجر خلفه مشاكل أنت في غنى عنها خاصة في عمرك. التعامل مع أخواتك البنات يُفترض إن فيه نوع من القرب والمودة بينكم، مش فاهمة صعوبة التعامل الي قصدتها في سؤالك بخصوص أخواتك. أما القريبات فالتعامل بحدود كزميلات الدراسة. وطبيعي يكون فيه انفتاح وضحك بينك وبين أصحابك الشباب واللي مش طبيعي يكون ده تعاملك مع البنات خاصة غير المحارم. نصيحة لأن الصاحب ساحب... أنت في نعمة فمتسمعش لحد يحاول يسحبك لطريق مش صح بأي تبرير أو حجة. بالتوفيق.
تم النشر الأحد، ٢٢ ديسمبر ٢٠٢٤
ياربي اوعي تتعامل اصلا، ده انت ربنا بيحبك، وابعد عن أصدقائك دول لو استمرو علي كده وانصحهم يبعدو عن اللي بيعملوه، انت مش بس متتكلمش معاهم، حضرتك مينفعش تبصلهم اصلا، لازم تغض بصرك وتعف نفسك لحد م ربنا يرزقك بزوجه صالحه ان شاء الله، لأن اللي بتزرعه بتحصده. بس لو عايز تتعامل مع اخواتك البنات ممكن تكون حنين معاهم ومتزعلهمش، لأن "خيركم خيركم لأهله" وممكن تقرأ ڪتاب"الرجال من المريخ والنساء من الزهره".
تم النشر الاثنين، ٢٣ ديسمبر ٢٠٢٤
ده باب فتن إن تفتحه تلجه
تم النشر السبت، ٢١ ديسمبر ٢٠٢٤
شكرا جدا ليك❤️
تم النشر السبت، ٢١ ديسمبر ٢٠٢٤
خد الموضوع ببساطة ياصديقى .. الخجل بيكون طبيعى فى تعاملتنا بس كترة مش كويس .. انت لية بتكبر الموضوع فى دماغك وانى لازم ارد رد لذيذ ولا جامد عشان ابان ادامهم ! طول ما أنت هتفكر كدا الموضوع هيكون هم .. انت بتتعامل فى حدود المطلوب يعنى محاضرات سكاشن هكذا مش مطلوب منك هزار ولا خفة دم .. ومتقارنش نفسك بصحابك وابعد عن كل الى يجرك للسكة دى
تم النشر السبت، ٢١ ديسمبر ٢٠٢٤
حتي لو بنت كلمتني مش بعرف ارد عليها
تم النشر السبت، ٢١ ديسمبر ٢٠٢٤
المشكله ان مش بعرف اتعامل اصلا
تم النشر السبت، ٢١ ديسمبر ٢٠٢٤
فكك من كلام صحابك انت صح .. التعامل بيكون ع قد الحاجة وبس
تم النشر السبت، ٢١ ديسمبر ٢٠٢٤
اوعى تجرب واوعى تتعامل
تم النشر السبت، ٢١ ديسمبر ٢٠٢٤
لعرض السؤال في فدني اضغط هنا