أنا مرعوبه ومش عارفه اتلم علي اعصابي
جماعة أنا بقالي فترة ملاحظة في حاجه غلط علي موبيلي أن في حد بيفتح الفيس والواتس والايميل
بعدها عملت سوفت للموبيل واقيت رسائل على الموبايل إن كان في حد بيطلب الباسورد وكلمات الامان ومكنتش بتوصلي الرسايل دي
المهم في تطبيق علي الموبيل أنا عمري ما اشتركت فيه لقيت في حد مشترك فيه وكاتب عنوانه ورقم موبيله والشخص دا حد اعرفه
اقدم بلاغ فيه لانه كده معاه كل صوري وحساباتي والبطاقة وكل معلوماتي ولا اواجهه بس خايفه لما اواجهه ياخد احتياطاته قبل ما اعمل اي اجراء
مع العلم اني لما اكتشفت دا حذفت كل حساباتي اللي ع السوشيال وهو حس بكده وباين عليه
هتروحي اقرب مديرية امن وهتقدمي بلاغ في مباحث الانترنت وتاخدي كل الاسكرينات شوت من الرسائل وتطبعيها وتقدمي البلاغ رسمي باتهام الشخص ده علشان تقدري تنقذي ما يمكن انقاذه
تم النشر الخميس، ١٠ أبريل ٢٠٢٥
لازم تاخدي احتياطك ضروري وتقدمي بلاغ في مباحث الانترنت علشان سكوتك ده هيضيعك اكيد ومش بعيد يبتزك... خدي حذرك قبل منه دلوقتي الذكاء ماسبش حاجه واي حاجه عنده منك تبقي بلاوي كبيره اكيد وهيبان في مباحث الانترنت هو راكب الفون ده من امتي وعمل ايه بالظبط
تم النشر الجمعة، ١١ أبريل ٢٠٢٥
أختي العزيزة، أقدر مقدار القلق والرعب الذي تشعرين به في هذا الموقف. خصوصيتك وأمنك هما أمران في غاية الأهمية، ويجب أن تتعاملي مع هذه المشكلة بحكمة واهتمام. الأمر الذي وصفته يعد انتهاكًا لخصوصيتك، وقد يكون من الأفضل أن تتخذي خطوات واضحة لحماية نفسك. إليك بعض النصائح التي قد تفيدك: جمع الأدلة: احتفظي بجميع الرسائل والبيانات المتاحة، مثل رسائل طلب كلمات السر، وتطبيقات غير معروفة على جهازك، وذلك قد يساعد في أي تحقيق مستقبلي. تأمين حساباتك: قومي بتغيير كلمات المرور لجميع حساباتك، واستخدمي كلمات مرور قوية ومختلفة لكل حساب. تأكدي أيضًا من تفعيل خاصية المصادقة الثنائية إن كانت متاحة. التبليغ: إذا كان لديك دليل قوي على أن شخصًا ما يتجسس عليك، فمن المهم عليك إبلاغ الجهات المختصة (مثل الشرطة) حول هذه السلوكيات. هذا قد يوفر لك الحماية التي تحتاجينها. تجنب المواجهة المباشرة: من الأفضل عدم مواجهة الشخص الذي تشكين فيه بنفسك، فقد يتسبب ذلك في تفاقم الوضع أو تعريضك لمخاطر أكبر. بدلاً من ذلك، يمكنك الاعتماد على الجهات المختصة للتعامل مع هذا الأمر بطريقة آمنة. الدعم النفسي: هذا النوع من التجارب يمكن أن يكون مرهقًا نفسيًا، لذا من المفيد أن تتحدثي مع شخص موثوق به، مثل صديق أو قريب، عن مشاعرك وما تمرين به. أخيرًا، تذكري أن الأمان الشخصي هو الأولوية. لا تترددي في اتخاذ الخطوات اللازمة لحماية نفسك. إذا كنت بحاجة لمزيد من الدعم أو التوجيه، يمكنك استشارة مختص في الأمن السيبراني أو محامي. وفقك الله وأعانك على تجاوز هذه الأزمة.
تم النشر الخميس، ١٠ أبريل ٢٠٢٥
ياستى شوفى حد فاهم وضحي له الفكره وعرفيه ان انت عايزه تواجه الشخص ده وتعملي معاه زي نظام قاعده عائليه كده يتحاسب فيها لو ده معرفه شخصيه كجار او حد من العيله علشان تعرفي تعملي احتياطاتك زائد ان انت بيحاولي ان يكون الامر حكومي اكثر علشان حتى لو تحل الموضوع بودي مثلا بين العيلتين ممكن يحاول من خلال اماكن تانيه او برامج تانيه او اشخاص ثانيه او اي طريقه ثانيه ما تعرفها
تم النشر الجمعة، ١١ أبريل ٢٠٢٥
أولا مش نهاية العالم ولا فضيحتك ولا حاجة والغلط منه وليس منك ... كل مشكلة ولها حل ان شاء الله ... رأيي انك تكلمي حد كبير هادئ وعاقل من أهلك يسندك في حل الموضوع .. وميكونش حد متوتر ولا عصبي يزيد المشكلة بدون حلول عملية ... مع الدعاء
تم النشر الجمعة، ١١ أبريل ٢٠٢٥
لعرض السؤال في فدني اضغط هنا