السَّلام عليكُم ورحمة اللَّـه وبركاته ^^
عساكم بخير جميعا
كنت عاوزة أسأل عن حاجةة بخصوص التمريض العسكري
انا بنت ولبسي بيكون خِمار وإدناءات كده
تمام هو ده ممكن يكون عائِق فِ طبيعة اللبس فِ التمريض العسكري؟ ونفس الكلام ده لو قدمت فِ كليه سياحه و فنادِق لبسي هيكون عائِق بردو؟ دي حاجةة
كنت عاوزة أسأل بخصوص حاجةة تاني
بالنسبةة للكشوفات الطبية هناك سمعت بنت هيا كانت بتقول ان وقت الكشوفات بنلبس قطعتين بس و بنلبس البتاع اللي هو بتاع العمليات اللي لونه ازرق ده بس كنت عاوزة أسأل هو ده سبب كافي يخليني اكون باللبس ده وامر بالكشوفات الطبية هناك دي واجزاء من جسمي هتتكشف قدام دكاترة هناك ( بغرض الكشف الطبي اللازم للتقديم) بغرض اني اقدم واشتغل ف التمريض العسكري ؟ وبصراحه أنا كنت هقدم ف التمريض العسكري عشان مميزاته انا متاح ليا كليات تانيةة بس شايفةة ده مميزاته اكتر وكذلك كليه سياحه وفنادِق
ارجو الإفادة وشكرا
الكشف الطبي ، اغلبه بيكونو سيدات ، اللى هيكشفو على بنات وسيدات انا قرأت كل التعليقات والاجابات عليكي الاجابة الواضحة والصريحة .. ايوة الخمار والادناءة مش هتنفع من اول خطوة تقديم في التمريض العسكري ، من اول خطوة تقديم هيتقالك على شكل اللبس اللى مفروض تحضري بيه الاختبارات والكشف الطبي ووو (على الاغلب ترنج رياضي) .. وكله بعيد عن الخمار والادناءة (ممكن يكونو سبب في استبعادك من الاول ، او هيتقالك ملاحظات عليهم من اول خطوة ، وبعد التخرج ، الشغل في المستشفيات العسكرية ، طبعا رجالة وستات مختلط ، مش بمزاجك تشتغلي مع مين ومين لا .. وهيكون لبس الممرضات المعروف اللى بتشوفيهم في اي مستشفى ، (معرفش بعد الشيفت بتاعك بتبقى لابسة مدني ولا بردو ليكي بدلة عسكري بتلبسيها وانتي مروحة بيتك) ، نظام الشغل في المؤسسات العسكرية ليه نظامه ومينفعش تخالفيه ، هتتجازي واحتمال تتفصلي .. فلازم تسالي كويس اللي شغالين فيه عشان يفيدوكي ( اختاري ، يا الخمار والادناءة ، يا لبس الدراسة والشغل) سياحة وفنادق ، بردو معظم ان مكنش كل الشغل بيطلب طريقة لبس معينة ، وخلال الدراسة في الكلية بيكون في شغل عملي وتدريب ، الخمار والادناءة مش مناسبين مع الشغل والتدريب دا ، وفي الغالب هيكونو سبب في رفضك في اي شغل بعد كدا (بدون احلام ورديه ، دا الواقع) .. الشغل دا بيحتاج شكل وستايل معين لانك واجهة للمكان اللى بتشتغلي فيه .. و (اغلبه بيطلب غير محجبات) ، ولبس مش فضفاض ولا واسع ولا ساتر .. ( اختاري ، يا الخمار والادناءة ، يا لبس الشغل) في الغالب ، والواقع بيقول ، انك (لو اتوافق عليكي في التمريض العسكري) ، بعد شوية هتتعودي على اللبس دا مع مخالطة زمايلك والدكاترة والادارة اللى كلهم بنفس اليونيفورم والاستايل دا وبينتقدو اي حاجة مخالفة ليه ، وهيبقى دا العادي بتاعك جوة وبرة الشغل وفي الشارع .. استخيري ، وربنا يقدرلك الخير .. الجنة مش ببلاش .. وكل مكسب لازم قصاده تمن .. فاختاري بحسب اولوياتك ايه في الدنيا .. ورزقك هيجيلك في اي مجال وتخصص هتدرسيه وتشتغليه .. المهم انتي اولوياتك ونيتك ايه في حياتك؟
تم النشر الجمعة، ١٦ أغسطس ٢٠٢٤
وعليكم السلام ورحمة الله وبركاته بصي اللبس الشرعي أكيد عمره ما هيكون عائق ل اي حاجه كفايه إنك بترضي ربنا سبحانه وتعالى حطي دا في دماغك واللي ربنا رايده هو اللي هيكون بخصوص اللبس في التمريض العسكري هما ليهم زي معين على حسب هما بقا هيسمحولك بلبسك دا ولا لازم اليونيفورم دي نقطه بالنسبه للكشوفات الطبيه فهي إجراء روتيني لضمان سلامتك فقدمي شوفي بما انك مايله ليه اكتر وربنا يكتبلك اللي فيه الخير ليكي بالنسبه ل سياحه وفنادق انا طالبه في سنه 3 السنادي وانا بصراحه مش مختمره بلبس طرح بس معايا بنات مختمرين ولبسهم شرعي ومش عائق ليهم دا في الكليه ولو غرضك في الشغل ف لا برضو مش عائق البنات سألوا وكذا دكتور قال اللبس مش هيقيدك من أداء شغلك أو مهامك اي كانت
تم النشر الخميس، ١٥ أغسطس ٢٠٢٤
وعليكم السلام ورحمة الله وبركاتة ليس عندي علم بنقطة التمريض العسكري، لكن نقطة السياحة بالنسبة لكونك بحمد الله تلبسين لباس شرعي، ف: أغلب الشركات يكون لها حد معين من اللبس لا تزيد عنه المرشدة. هناك بعض الشركات لا توظف المحجبات من الأساس. مجال السياحة به مخالفات شرعية كثيرة خلاف اللباس، فلو أمكانك أن تقومي ببحث قبل الدخول فيه وفقك الله لما يحب ويرضى
تم النشر الخميس، ١٥ أغسطس ٢٠٢٤
السلام عليكم ورحمه الله وبركاته معتقدش انه لبسك الاساسي هيعمل عائق قد ما لو انت جيتي قلتي لا انا مش هلبس زيي بتاع التمريض عشان هو مش شرعي. مش مناسب ده اللي هيكون مخالفه بالنسبه لك قوانين العمل في الاساس ااا و اعتقد انه هو مباح مسموح لي يعني والله اعلم.مش هيكون متاح لك تلبسي على الجاوند بتاع بتاع التمريض مش هيكون متاح لك انك تلبسي الحمار هيكون بتلبسي. الطرحه القصيره. او اللي هي بتكون تلبيسه بمعنى صح انت اذا كان ده بالنسبه لك هتقدري تنفذيه يعني متطلبات العمل دي هتقدري تنفذيها ولا لا وقصه الكشف انت تقدري تساليهم هم بشكل مباشر واعتقد ان الكشف ده مش هيكون دكاتره رجال ولو دكاتره الرجال فده غرض ده غرض طبي.
تم النشر الخميس، ١٥ أغسطس ٢٠٢٤
وعليكم السلام ورحمة الله وبركاته! ^^ بالنسبة لسؤالك عن التمريض العسكري، لازم تعرفي إن القوانين واللوائح في كل جهة ممكن تختلف. لكن بشكل عام، في التمريض العسكري يمكن يكون فيه شروط معينة للزي، بس الكل بيترتب حسب سياسة الجهة. إذا كان لبسك متوافق مع الزي الرسمي، في احتمال كبير إنه ما يكونش فيه مشكلة. أما بالنسبة لكليه سياحة وفنادق، غالباً بيكون الوضع أكثر مرونة، بس حاولي تتأكدي من متطلبات الكلية قبل ما تقرري. أكيد في جامعات تسمح بأنك ترتدي ما يناسبك. وبالنسبة للكشوفات الطبية، عادي جداً إنك تلبسي الزي المُخصص للكشف، لأنه الهدف من الكشف هو التأكد من صحتك، والدكاترة غالباً معتادين على الأمور دي. المفروض يكونوا محترمين ويراعوا اختياراتك الشخصية، بس لو عندك تردد، ممكن تحاول تتواصل مع الجهة المعنية قبلها. بخصوص التمريض العسكري، إذا كنتي شايفة مميزاته، فده شيء يحفزك. بس حاولي كمان تشوفي نفسك في المجالات التانية اللي متاحة لك، وخدي وقتك في اتخاذ القرار. استمعي لنفسك وشوفي إنتي بتحبي إيه، لأنه في النهاية، قرارك هو الأهم! إذا عندك أي استفسارات تانية، أنا هنا للمساعدة! بالتوفيق! 🌸
تم النشر الخميس، ١٥ أغسطس ٢٠٢٤
كما قالت إيريني، الزي الرسمي للعمل موحد.
تم النشر الجمعة، ١٦ أغسطس ٢٠٢٤
أرسلت سؤال لصفحتهم الرسمية وسوف أعود لك بالإجابة إن شاء الله.
تم النشر الخميس، ١٥ أغسطس ٢٠٢٤
شكرا ليكِ تبعت حضرتك معايا
تم النشر الجمعة، ١٦ أغسطس ٢٠٢٤
من ترك شيئا لله عوضه الله خيرا منه
تم النشر الجمعة، ١٦ أغسطس ٢٠٢٤
اللبس الشرعى ده اكيد مفيهوش مشكله لانك بترضى ربنا وكمان فيه شركات ليها لبس معين واسفه بس فيه شركات ممكن متقبلش بكده اصلا
تم النشر الجمعة، ١٦ أغسطس ٢٠٢٤
اليونيفورم بيكون بدون خمار
تم النشر الخميس، ١٥ أغسطس ٢٠٢٤
شكرا ليكِ
تم النشر الخميس، ١٥ أغسطس ٢٠٢٤
لعرض السؤال في فدني اضغط هنا