انا مش هقول معنديش صحاب لاء عندي بس محدش فيهم فاهمني و محدش فيهم مقرب ليا
من ٨ شهور جبنا قطه قعدت معانا
انا معتبرتهاش مجرد حيوان أليف بنربيه و بنلعب بيه حبه
انا اعتبرتها صحبتي القريبه اللي بحكيلها مشاكلي و اللي كانت لما تشوفني زغلانه تفرحني و تلعب معايا
عمر محد هيفهم انا اعتبرتها ازاي
اتعلقت بيها اكتر من الناس اللي حواليا
يمكن اكتر من اختي كمان ...
اللي حصل ان جت فتره و القطه دي تعبت و كانت فتره صعبه علينا كلنا كانت محتاجه حد يفوق معاها كتير و يديها الدوا و عملنا كدا
و لما حصل كدا ماما خافت تجيب لينا امراض و خافت لما تخلف كمان تحيب قطط كتير و يبقا الموضوع صعب دا غير مصاريفها
أنا رغم سني اللي هو ١٦ سنه مبنزلش ولا بخرج كتير قعدتي كلها ف البيت ف ده خلاني اتعلق بالقطه زياده كانت صحبتي و اغلى حاجه عندي
اللي حصل إن ماما مشتها بعد مخفت .
أنا مش قادره أبطل عياط كل مفتكرها
قلبي اتكسر لما مشيت بجد مش مجرد كلام
مبيبقاش عياط عادي لما افتكرها بيبقا عياط كتير بيوصل لدرجه عيني اللي بتورم و ببقا بتنفس بصعوبه
أنا مش عارفه اتخطى ازاي
ازاي الواحد يقدر يتخطي الحاجه الوحيده اللي كانت بتفرحو أو الحاجه الوحيده اللي ف يومو
انا بجد خسرت اعز صحبه ليا و اعز حاجه ف حياتي كلها
بعيط عليها اكتر مبعيط على حد توفى ف العيله !
انا مش عارفه ازاي هكمل حياتي او يومي يمشي منغيرها
انا حاسه بيكي وعارفه ان شعور صعب تبقى متعلقه بحاجه وفجأه متقليهاش معاكي بس هقولك اول حاجه صحابك ممكن مش عرفين تفهمو بعض علشان ممكن ميكونش مش شبهك حولي تصحبي ناس شبهك هم دول للي هيفهموكي وعلاقتهم هتبقي سهله ومريحه ووتعلقك بالقطع عرفه أن حاجه صعبه انك تقدري تتخطيها لان تعلق بالحيوانات الاليفه اكتر من البشر بس مش هقولك متحزنيش تزعلي خذي وقتك في الحزن بس لازم تتقبلي الواقع وان الدنيا بمتشي وحولي بداي اشغلي نفسك بحاجات انتي بتحبيها او هوايه عندك وخليكي دايما قريبه من ربنا وخلي ليكي ورد يومي ده هيفرق معاكي جدااا وان شاء الله ربنا يلهمك بانك تقدري تتخطى الفتره وترجعي احسن
تم النشر الأحد، ٣٠ يونيو ٢٠٢٤
حبيبتي، انا حاسة بك وبنفهم الوجع اللي انتي مارّة بيه. فكرة إنك تخسري حاجة انت معلقة بيها جداً وبتحبيها من قلبك زي القطة دي مش سهلة أبداً. أول حاجة عايزة أقولها، هو إن من الطبيعي كتير إننا نحس بالحزن العميق لما نخسر حاجة بنحبها، سواء كانت حيوان أليف أو إنسان. مشاعر الحزن دي حقيقية ومهمة، وتحتاجي تطلعيها برة عشان تقدري تتعاملي معاها. وحاجة تانية، لازم تكلمي مامتك بحساسية وتحاولي تشرحي لها قد إيه الموضوع ده كان مهم بالنسبة ليكِ. ممكن تكون مامتك مش فاهمة قد إيه كانت القطة دي تمثّل دور كبير في حياتك ودعم ليكِ، ودي ممكن تكون فرصة إنكوا تتقربوا من بعض أكتر وتفهمو بعض أفضل. ثالث حاجة، جربي تدوري على أنشطة تانية تساعدك تتجاوزي الفترة دي. حاولي تكتشفي اهتمامات جديدة أو تكملي هواية تانية كنتي مهتمة بيها، ده ممكن يساعدك تشوفي جوانب تانية من الحياة اللي ممكن تفرحك. وبرضه الأصدقاء، حتى لو مش حاسين بيك 100%، ممكن تلقي أحد فيهم اللي تفهمي معها وتسندي عليها شوية. المقربين الجدد ممكن يكونوا موجودين في أماكن وأوقات غير متوقعة. في النهاية، مهما كانت المشاعر اللي بتمرّي بيها، تذكري إنك قوية وقادرة تتجاوزي ده. مع الوقت، الجروح بتلتئم والحياة بتلاقي طريقها مجدداً. وأكيد دايماً في حلول وطرق للمضي قدماً حتى لو حست بالضياع دلوقتي. لو احتجتي تتكلمي تاني وتفضفضي، أنا هنا ليك على طول يا حبيبتي.💕
تم النشر السبت، ٢٩ يونيو ٢٠٢٤
لعرض السؤال في فدني اضغط هنا