خطيبي اعتقد من تصرفاتي أنني لا أحبه ولا أريده حتى أنا بدأت أشعر بهذا، ما العمل؟

Question

انا وابن خالتى مخطوبين من سنه ونص يعتبر بس احنا بنتكلم من 3 سنين انا بحبو جدا لدرجة اني اني بقعد اتكلم مع نفسي كإني بتكلم معاه احكيلو اي مفرحني اي مزعلني اي حاجه بحكيها بس وانا مع نفسي بس انا بتكسف جدا ومش بقولو لا حبيبي ولا روحي ولا الحاجات دي ممكن اقول كدا كل فتره ف مسدج ع الواتس بس مقولوش ف الموبايل بحبو جدا بس بين نفسي بس مش بظهرلو كدا دا خلاه يحس اني مش بحبو ومش عايزاه وانا بردو بدات احس كدا وفى الاول كنت بدعى ربنا يجمعنا سوا دلوقتي بقول لو مش هنرتاح مع بعض يارب نبعد انا مش من الاشخاص اللي بتحب تقول الحاجه اللي هى عملتها لحد يعني لو عملت اي حاجه كويسه لحد مروحش اقولو عملتلك كذا بحس اني بعمل كدا عشان اروح اقولو عملتلك كذا يعني ممكن اكون بعمل حاجات كتيره حلوه للشخص دا بس بيني وبين نفسي وابينلو ان هو مش فارقلى ولا اي حاجه من دا كلو انا عايزه اقرب منو عشان مش حابه علاقتنا الفتره دي عايزة اكلمو عادي زي الناس م بتكلم اللي بتحبهم واحسسو بحبي وان هو فارقلي

Accepted Answer

شكرا لحضرتك علي المشاركة 🌷 لغات الحب بتختلف من شخص لاخر ممكن بالعطاء بالكلام بالمواقف بالكتابه وفي كمان بس أنا شايفة الموضوع انك مش محدده بالظبط احتياجك فالعلاقة الطبيعي ان بيكون في انجذاب من طرفين مع وجود الحياء او الكسوف بس بيكون موجود فدوري جواكي فالنقطة دي هوا موجود اصلا وانا مش قادرة اصرح بيه ولا مش عايزة ولا متحفظة عشان المرحلة ولا مش موجود؟ محتاجة توسعي معرفتك بالقراءة او سماع بودكاست عن العلاقات السوية وازاي اختار شريك حياة مناسب ازاي اقدر اخد قرار ازاي اقدر احدد احتياجي وهكذا

Answer

في بداية الكلام قلتِ أنكِ تحبيه، وأن تخيلكِ للحديث معه هذا من الحب. لكن ليس مطلوب منكما التصريح التام بالمشاعر طول الوقت، يكفي أن كلًا منكما يدرك مشاعر الطرف الآخر تجاهه، هذا أكثر من كافي، ادخري المشاعر لوقتها. الفترة الحالية يجب أن يكون التركيز على صفات كل منكما والفرق في الطباع والسلوك والتفضيلات وطريقة التعامل مع المشكلات وما إلى ذلك، وكل هذا يندرج تحت بند الحب. أما قضاء الوقت في الغزل والتصريح بالعواطف فهذا لا يبني أسرة من الأاساس.

خطيبي اعتقد من تصرفاتي أنني لا أحبه ولا أريده حتى أنا بدأت أشعر بهذا، ما العمل؟

نفسية

اجتماعية

سؤال من malak salah

تم النشر السبت، ١٣ يوليو ٢٠٢٤

2 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك