اتمنيت لو كنت اتولدت جميله اتمنيت لو كنت بصدق اى كلمه حلوه تتقال ليا دون المعرفه انى مش قد الكلمه دى اتمنيت لو انى استاهل حد يعافر عشان يثبتلى انى جميله واتحب كل ما حد كان يلمحلى انو بيحبنى كنت ببعد اخاف انو يكون فتره وخلاص رغم انى مش جميله ودى مش عدم ثقه بل حقيقه كبيره دايما بحس انى اقل بكتير من انى يتعمل عشانى حجات كتير ليها علاقه بالحب وكمان انا عندى مرض اسمو CVG head جالى فى مرحله المراهقه ومحدش يعرف عنو اى حاجه غير والدتى وشعرى مداريه ودايما بحس انى بقيت اوحش رغم انو مش متشاف بس مشيره يتشاف احساس بعجز وكره الذات قد ايه انا حد بشع وهل فيه حد هيتقبل المرض ده حكيت قبل كده هنا حد قالى واجهى الى هتتجوزيه بحقيقه مرضك رغم انو أمر محرج ومستحيل اعملو ازاى اقولو بحاجه زى كده وخايفه لما يعرف يبعد وينفر منى ده ابتلاء بس انا مش قدو ولكن الحمدلله ولكنى بيصعب عليا نفسي جدا جدا كل ما اعجب بحد اقول لنفسي بطلى احلام كدابه انا مستحقش حتى انى احلم انا نكره
صديقتي، أول حاجة حبّى نفسك قبل ما تتطلعي على الآخرين. كل واحدة فينا عندها جمال خاص بيها، والجمال مش بس شكل. هو إحساس وثقة بالنفس، وبيظهر من جوه قبل ما يظهر بره. بخصوص علاقتك بالحب، عادي تخافي وتحسي بالتردد، كلنا بنمر بتجارب زي دي. حاولي تفتحي قلبك شويّة. الحب مش شرط يبقى لحد ما يتقبلك أو يرفضك بسبب مرضك، لأنه في بداية كل علاقة فيه مشاعر واهتمام حقيقي بيعبر عن شخصيتك. أما موضوع مرضك، فمش لازم تحكيه لأي حد لم تحسي إنه مستعد يستقبل كل تفاصيلك، لكن برضه تذكري إن في ناس كتير بتحب الآخرين لذاتهم ومش لشكلهم أو لظروفهم الصحية. حاولي تتدي لنفسك فرصة، وابتدي بتقبل نفسك، عشان تقدر تتقبلي الحب من الآخرين. ودايماً تذكري إن مش ممكن كل شخص يتقبل كل حاجة، بس اللي يستحقك هو اللي هيتقبلك بكل عيوبك وجمالك. وصدقي أو لا، في حد رح يحبك كما أنت. أحبّي نفسك الأول، وصدقيني كل شيء يتحسن بعدين. 💖
تم النشر الاثنين، ١٩ أغسطس ٢٠٢٤
كل واحد فينا صديقيني يستحق يتحب انت في الاول والاخر انسانة زيك زي غيرك اكيد هتلاقي اللي يحبك بجد في يوم من الايام حبي نفسك وثقي فيها اهتمي بيها واعملي كل حاجة ممكن او بتحسسك بالفرح بس انا عارفة ان المواجهة صعبة بس اي يكن الزوج لازم يعرف بحقيقة مرض زوجته مع علمي انه قد ايه صعب تقولي مع الاسف
تم النشر الاثنين، ١٩ أغسطس ٢٠٢٤
بحثت عن المرض لأني كنت واثقة أنني سأجد له علاجًا حتى أبشركِ . ولا لم أشمئز ولا لثانية واحدة، فكلنا معرضون للبلاء عافاكِ الله وإياي.
تم النشر الثلاثاء، ٢٠ أغسطس ٢٠٢٤
ياحبيبتي ياجميله تدري اني ممكن احب شخص من اغير مااشوفه حتى من روحه حقيقي بجد ربنا بيكون شايل من حد حاجه وحاطه فى حاجه تانيه ثقي وخلي عندك يقين بربنا قربي منه ادعي كتير وثقي فيه أنه هيرزقك بكل شي جميل طالما تتقي الله ومتخافيش من قبل ماتتولدي النصيب موجود ولا تكرهوا شيئا عسي أن يكون خير لكم متعرفيش الخير بعد كدا فى أى ربنا يسعدك ويهنيكي ويرزقك بكل ماهو جميل مثل روحك♥️♥️♥️♥️♥️♥️🥰
تم النشر الثلاثاء، ٢٠ أغسطس ٢٠٢٤
يا بنتي ثقي في نفسك شوية انا من غير ما اشوفك بحس اذا كان الشخص جميل و لا لا و الجمال و الله مش بالشكل و لا بالشعر شخصيتك و اخلاقك هما الي هيخلوا كل الناس تشوفك جميلة انا عارفة انك هتفتكري ان ده كلام و خلاص بس صدقيني ده الحقيقة
تم النشر الثلاثاء، ٢٠ أغسطس ٢٠٢٤
الحقيقه انى مروحتش لدكتور اساسا وده بسبب خجلى من رؤيه حد شكل رأسى ثم انى اسفه بس ليه دورتى على المرض ده اعتقد اشمأزيتى صح ؟ عموما شكرا لردك 🤍
تم النشر الاثنين، ١٩ أغسطس ٢٠٢٤
شفاك الله وعافاكِ، اطلعت سريعًا على عدد من المقالات الطبية، ومما وجدته هو الخيار الجراحي. فأخبريني، ألم يطرح عليكم الأطباء هذا الحل؟
تم النشر الاثنين، ١٩ أغسطس ٢٠٢٤
لعرض السؤال في فدني اضغط هنا