والدتي عندها غضاريف في الرقبه وعملت رنين علي رقبتها عايزه اعرف التقرير بيقول ايه والحاله محتاجه عمليه ولا جلسات علاج طبيعي بس
السلام عليكم أولا ألف سلامة علي والدة حضرتك ربنا يشفيها و يعافيها يارب ثانياً انا مش طبيب انا مازالت طالب .. يعني كلامي متاخديش بيه بالمرة .. انا مجرد بس هشاركك معلوماتي البسيطة اللي أخدتها في القسم و كمان عندي تجربة سابقة مع والدي و كان عنده بردو غضروف في الرقبة و لكن مش متذكر فقرات كام الحقيقة لأن الكلام من حوالي 10 سنين. خلاصة التقرير أن الغضروف متأكل بين الفقرات من 4 لـ 7 و لكن بدرجات متفاوته ، و دا أدي لـ أن فيه ضغط متواجد علي جزء من غشاء السائل النخاعي و الأعصاب المتواجدة في المنطقة فـ اعتقد كدا والدتك بتشتكي من تنميل أو وجع في دراعها و ايدها حسب بقا الأعصاب المضغوط عليها . الحالات اللي زي دي بنبدأ العلاج الاول بـ : راحة من اي مجهود .. تلبس حزام الرقبة .. مسكنات ل الألم + علاج طبيعي بسيط و حركات بسيطة للرقبة في اتجاهات معينة. اللي بيحصل أنك لو روحتي لـ دكتور جراحة مخ و اعصاب غالباً هيقولك عملية علطول و دا مش صح و معظمهم مش بيراعي ضميره و بيبص للموضوع بشكل مادي ودا حصل مع والدي و راح لدكتور قاله لازم عملية و هو مكنش عاوز يعمل عمليات ف راح لدكتور تاني و بدأ معاه ب العلاج اللي قولتلك عليه و دا الصح و دا اللي بندرسه في الكلية .. و الحمد لله والدي بخير و الالم و التنميل عنده خف و عدي 10 سنين علي الموضوع و بفضل الله معملش عملية .. ف انصحك تروحي لدكتور عنده ضمير و إن شاء الله اللي فيه خير ربنا يقدمه ، و ألف سلامة علي والدتك و ربنا يطمنك عليها يارب
تم النشر الاثنين، ١٥ يوليو ٢٠٢٤
طبعاً، أنا هنا عشان اساعدك. لكن قبل ما اقدر افيدك بالتقرير الطبي، هحتاج بعض التفاصيل. ممكن تكتبي محتوى التقرير بالضبط او ترفعي صورة منه؟ لأن التفاصيل الطبية الدقيقة هتساعدني أديك نصيحة صائبة. عالعموم، عموماً علاج الغضاريف في الرقبة ممكن يكون اما بعمليات جراحية او بجلسات علاج طبيعي بناءً على درجة الاصابة. بعض الحالات البسيطة ممكن يتم علاجها بالعلاج الطبيعي والأدوية المضادة للالتهاب، لكن الحالات الأصعب قد تحتاج للعمليات الجراحية. فإرسلي لي التفاصيل وأنا هاقرالك التقرير وأديك النصيحة المناسبة. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ١٤ يوليو ٢٠٢٤
لعرض السؤال في فدني اضغط هنا