السلام عليكم ورحمه الله وبركاته
انا إن شاء الله داخل آخر سنة لية في الكلية
وتقدير السنين الي فاتت مش قد كده
ممكن نصائح لسنة الجديدة وايه الي ممكن اعمله في الإجازة قبل ما تبدأ الكلية عشان يعلي تقديري عشان هو تراكمي انا تخصص شريعة وقانون ونفسي يكون ختمها مسك
كمان عندي أصحاب المفروض اننا نشجع بعض للمذاكرة وكده بس انا ديما الي بشجعهم وكده وبحس ده بيهدر من حماسي عقبال ما اكون شجعتهم بكون انا انطفيت وهم بيشدوا ويخلصوا وينجزوا محدش فيهم بيشجعني ويحمسنى لما أفقد شغفي ولما اقول لهم اني فاقد الشغف وكده مش بيشجعوني بيقولوا حتى نحن فاقدين الشغف وما عملناش حاجة بس هم احيانا بيقعوا في الكلام ويقولوا انا ذكرت كذا وعملت كذا رغم أنهم قائلين لي انهم معملتش حاجة في نفس اليوم أنهم معملوش
انا السنةدي ربنا عدها على خير وسترني ونجحت وهم كانوا بيقولوا لي انامذكرتش دا انا ما فتحت الكتاب وانا بتأثير بصراحه مهما حولت ماتأثرش واطنش
وهم ماشاء الله تبارك الله جابوا تقديرات السنة دي علما هما ماشاء الله قدرتهم على الحفظ والفهم أعلى مني هم شخصيا مش مؤذين بس
الحركة دي بتضايقني وبتأثر عليه انا عايز السنة دي اجيب تقدير عالي لأنها آخر سنة فممكن نصائح وايه الحل معاهم ؟
أولاً لا توقف عمل خير أبداً حتى لو إضريت من العالم كله الأنبياء تعرضوا لأذى كتير ولم يتوقفوا عن تبليغ الرساله ،وكمان عمل الخير بيكون بركه لصاحبه فى كل حياته ،وبالنسبه لأصحابك قلل. التعامل معهم ولو أراد أحد منك مساعده ساعده ولا تبخل عليه بشىء ولك الأجر،لأن للأصحاب عامل مؤثر جدا، وكون صداقات جديده وإدعى ربنا إنه يساعدك فى إختيار أصحاب الصلاح ،وده دافع كبير جدا لما تلاقى ناس حوليك بتشجعك وانت بتشجعهم وبتحبوا الخير لبعض،كمان كل يوم بيكون عندك جدول مهام لازم تخلص ٨٥%منه وده بيشمل الدراسه مع أولويات البيت مع الدين وأوقات الصلوات طبعا بيتم تحديد الجدول على أساسها بحيث مفيش مهمه مثلا تتعارض مع وقت صلاه فيهم وتكون حاطط فى الجدول فى اليوم المهام بمواعدها فى اليوم يعنى مثلا عندى محاضره يتم مذاكرتها بين الساعه التاسعه صباحا ل١٠ صباحا وهكذا والاستيقاظ مبكرا من بعد صلاة الفجر الوقت ده مليان بركه كما أخبرنا رسول الله صلى الله عليه وسلم وكمان إى حاجه تريدها من الدنيا فهى تأتى بإذن الله ولو على الأقل بركعتى قيام ليل .....وأسفه على الإطاله
تم النشر الاثنين، ١٢ أغسطس ٢٠٢٤
ركز فاللي جاي ومتفكرش في اللي فات وحاول تذاكر السنه دي اول بأول وتعمل خطه ليك وتمشي عليها عشان تجيب تقدير كويس في السنه دي وبعدها متفكرش فالتقدير بتاعك حتى لو مكنتش راضي عنه بعد ما تتخرج ان شاء الله تقرأ كتير وتسأل وتتثقف عن الموضوع اللي انت عايزه لان التقدير الكليه هو مهم لكن مش هيكون مهم قدام ثقافتك وشطارتك.
تم النشر الأحد، ١١ أغسطس ٢٠٢٤
بتعرفي انتي زكرتيني فيا لما كنت اول سنة بالجامعة كل البنات يقولو مدرسناش ومش ملحقين والمنهج كبير والامتحان صعب وهيك ف كنت اقلهم حاولو انجزوا وهيك زيك انو اشجعهم وكنت اصرح انو انا خلصت الشباتر ودرست كويس والامتحان كان مباشر يعني ما كنت اخبي او اكذب ومكنتش اخليهم ياثرو عليا ف استغرب انهم كانو ينجحوا رغم كل كلامهم ف وحدة من صحباتي نصحتني جربي اعملي زيهم انو ادرسي بالخفية بدون ما تحسسي حد وقولي انو ملحقتيش تدرسي وهيك انو اعمل زيهم ف انا ما فكرت فيها وعملت زيهم السنة الي وراها بس بعدين حسيت حالي كذابة وفكرت فيها ما حبيتها الفكرة ف قررت انو اصلا ما احكي للبنات اديش درست وكيف المنهج وهيك وما كنت اسمعهم وكانو بس يقولو المنهج صعب اقلهم طبيعي يكون صعب اذا ما درسنا وتطلعنا بس عالحجم و اذا قالوا ما درسنا بقلهم الله يهديكو والله انا حاولت ادرس وانجز قد ما اقدر.. يعني كنت كل اشي الاقيله اجابة وما اهتم لكلامهم شو ما يقولو وكانو بس يلاقوني رديت عليهم يسكتو وما يتكلنو كتير ودايما بكون حاطة ببالي انو ما احكي معاهم او اخفف حكيي بفترات الدراسة الصعبة مثلا وقت المشاريع او الواجبات او الامتحانات لانو بوقتها بالذات بصيروا يسلطو كلام زي هيك.. وكمان بحط ببالي انو اي كلمة بحكوها بتكون بمصلحتهم هما وضدي انا ف اقول بديش اهتم باي كلمة بقولوها وما اتاثر وانا بحالي وهما بحالهن لانو اول عن اخر مستقبلي لحالي وعلاماتي لنفسي ف انتي اعملي زيي لا تهتمي وتتاثريش وخلي دايما ببالك انو كلامهم دا ضدك انتي ف سكتيهم باجوبتك وكمان حطي ببالك انو علامتي الي وشجعي نفسك وتستنيش حد يشجعك لانو هالشي بخلي عندك ثقة بالنفس عالية وحلوة.. بالتوفيق يارب بدراستك..
تم النشر الاثنين، ١٢ أغسطس ٢٠٢٤
السلام عليكم ورحمه الله وبركاته. خليني اعرف انتباهك لنقطه مهمه قوي هي انك اللي انت بتعمله مع غيرك انت تقدر انك تعمله مع نفسك باولا الجهد اللي انت بتبذله في التشجيع افضل بما ان هو مش بيضر عليك ناتج انت حاسس بيه انك تستثمر جهدك حاجه مهمه جدا انك تاخد بالك انت بتحط جهدك في ايه بدل ما كنت بشجع. اصحابي او المجموعه اللي انا معاها بنسبه كلمات في الميه انا هشجعهم 50% من 50% التانيه هلاقي طرق ترجعيه لنفسي اوكي طيب المقارنه انساها تماما تماما هم فعلا ممكن يكونوا مذاكروش بالقدر اللي هم يكونوا راضيين بيه عن نفسهم لذلك بيقولوا انوش وزي ما انت بتقول قدراتهم سمحت لهم ان رغم ان هم ما ذكروش بالقدر ان هم يكونوا رابين عنه الا ان ده احقق معه كويسه يعني. كل واحد فيهم المذاكرتش يعني بالقدر الكافي كان محتاج ان هو يذاكر بدل المره اثنين ذاكر مره واحده بس بس قدرته سمحت له ان هو يقدر يستذكر اللي هو ذاكره المره الاولى فدي تفاصيل كلها بتستهلك من طاقتك وما فيش داعي منها خالص خليك مركز في طريقهك انت لان دي كلها احنا بنسميها مفتتات المشتتات دي بتاخد من جهدنا وبتحيد بينا عن الهدف الرئيسي بتاعنا الاتجاه اللي احنا متجهينه ليه لقدام انا عايز اوصل للتقدير الفلاني انا عاوز اوصل للمعدل الفلاني الدرجات وفي الكريدس او حتى فين الكلام ده وهعمله ازاي وانا طول ما انا ماشي باخد خطوات لقدام بتلف يمين وشمال. ده هيبقى صعب وهلاقي الوقت خلص وانا ما وصلتش للي انا عاوزه وصلت للمحطه اللي قبلي فما فيش تعمل ده موضوع استثمار جهد اكتر منه اي حاجه تانيه وبعد عن المشتتات خصوصا لما تكون المشتتات دي بايدك ان شاء الله امرها اسهل من اي حاجه ثانيه. ربنا يوفقك ان شاء الله. ويكرمك وتحقق كل اللي انت عايزه.
تم النشر الاثنين، ١٢ أغسطس ٢٠٢٤
عليكم السلام ورحمة الله وبركاته بيئة تسبب لك الإحباط والتراجع، ما الذي يجبرك على البقاء منغمسًا في تفاصيلها؟ لا أقول لك قاطع أصحابك لكن كن واعيًا بمن يستحق صحبتك ووقتك. أقدر قيمة أن يكون للإنسان صداقات، لكنني أقدر الراحة النفسية والحقوق أكثر. من حق الله عليك ومن حق أهلك عليك ومن حق نفسك عليك أن تبذل كل جهدك في دراستك أيًا كانت النتائج. سطّح علاقتك بأصحابك وابحث أنت عن طرق تشعل حماسك ودعك من الشغف لأنك الآن مسؤول فكن على قدر المسؤولية. يعني ليكن سؤال: كيف أتحمس للدراسة؟ وهنا ستمسك طرف الخيط، يمكنك أن تدرس مع مقاطع ادرس معي، أو ضع جدولًا ومكافأة، راجع دوافعك للدراسة، اطلع على شدة تنافسية سوق العمل والتي لا ترحم المتقاعسين، استعن بالله أولًا وأخيرًا.
تم النشر الأحد، ١١ أغسطس ٢٠٢٤
وعليكم السلام ورحمة الله وبركاته! أولاً، مبروك على دخولك السنة الأخيرة في الكلية، وأتمنى لك التوفيق في جميع خطواتك. فهمت من كلامك إنك تعاني من ضغط الأصحاب وعدم دعمهم لك، ده ممكن يكون صعب جدًا. نصائح لسنة جديدة: اجعل لنفسك خطة دراسية : حاولي تقسيم المواد على أسابيع وجداول زمنية. اصنع جدول زمني يساعدك تركز على كل مادة بشكل أفضل. ابتعدي عن المقارنة : كل واحد فينا له وتيرة تعليمية وفهم مختلفة. ما تقارني نفسك بالآخرين، حاولي تقيمي تقدمك بناءً على مجهودك الشخصي. ابحثي عن مصادر دعم : ممكن تحاولي تتعرفي على أشخاص آخرين مهتمين بالمذاكرة في شريعتك أو في تخصصات مشابهة. سواء في الجامعة أو عبر الإنترنت. مارسي نشاطات تحبيها : قبل بداية السنة، خدي وقت لنفسك وعاملي حاجات مرة تحبيها، كرياضة أو هواية، عشان تشحني طاقتك وتكوني جاهزة للدراسة. تحدثي مع أصحابك : حاولي تكلميهم بصراحة عن مشاعرك. أخبريهم إنك محتاجة دعمهم، وإنه مهم إنكم كفريق تشجعوا بعض. لا تفقدي الأمل : حاولي تشوفي الجوانب الإيجابية في الأوضاع. يمكن تجدي طرق جديدة لدعم نفسك. مع الأصحاب: كوني واضحة معاهن بشأن احتياجاتك. إذا كانوا لا يدعمونك، حاولي تبحثي عن دوائر دعم أخرى، سواء أصدقاء جدد أو مجموعات دراسية. وفي النهاية، تذكري إن الهدف هو بناء سيرة ذاتية مهنية رغم شدة الموقف مع أصحابك. عيشي تجربتك، وتعلمي منها، وإن شاء الله تكون السنة دي سنة مميزة بالنسبة لك! إذا احتجتي لأي مساعدة، أنا هنا. بالتوفيق! 🌟
تم النشر الأحد، ١١ أغسطس ٢٠٢٤
ربنا معاك ويوفقك ركز على حالك وملكش دعوه بيهم وافتكر نك اهم بعد كدا هما
تم النشر الاثنين، ١٢ أغسطس ٢٠٢٤
خد السنه دي جد وخلي عندك هدف الإمتياز وتبقى شاطر باذن الله
تم النشر الأحد، ١١ أغسطس ٢٠٢٤
اهتم ب محاضراتك فى مواعيدها و احضر و ركز و ذاكر لوحدك من غير صحابك ودى مش انانيه دا عشان مصلحتك حافظ على علاقتك بيهم بعيد عن الدراسه وقت المذاكرة خليه ليك لوحدك متضيعش طاقه على حد
تم النشر الاثنين، ١٢ أغسطس ٢٠٢٤
نصيحه ليكي اهتمي بنفسك انتي وذاكرلي لنفسك لان مفيش حد فيهم هينفعك في الاخر لما تهدري طاقتك عليهم انصحك تهتمي بمذاكرتك اكتر من تحميسهم
تم النشر الاثنين، ١٢ أغسطس ٢٠٢٤
لعرض السؤال في فدني اضغط هنا